Аляксандр Мікалаевіч Данілаў
| Аляксандр Мікалаевіч Данілаў | |
|---|---|
| Дата нараджэння | 14 мая 1955 (68 гадоў) |
| Месца нараджэння | |
| Грамадзянства | |
| Род дзейнасці | сацыёлаг |
| Навуковая сфера | філасофія |
| Месца працы | |
| Навуковая ступень | доктар сацыялагічных навук |
| Альма-матар | |
| Навуковы кіраўнік | Яўген Міхайлавіч Бабосаў |
| Вядомыя вучні | Уладзімір Аляксандравіч Марціновіч і Сяргей Валер’евіч Масленчанка |
Аляксандр Мікалаевіч Данілаў (14 мая 1955, Віцебск) — беларускі сацыёлаг. Член-карэспандэнт Нацыянальнай АН Беларусі (1996). Акадэмік Міжнароднай АН вышэйшай школы (1997). Доктар сацыялагічных навук (1994), прафесар (1997).
Біяграфія[правіць | правіць зыходнік]
Скончыў Віцебскі ветэрынарны інстытут (1980). 3 1978 г. працаваў у Віцебскім абкаме, ЦК ЛКСМБ, СМ Беларусі. 3 1991 г. — галоўны спецыяліст, загадчык сектара вывучэння грамадскай думкі і прагназіравання, загадчык аналітычнага аддзела Упраўлення інфармацыі і грамадскіх сувязей Савета Міністраў Рэспублікі Беларусь. 3 1994 г. у Адміністрацыі Прэзідэнта Рэспублікі Беларусь: загадчык сектара, начальнік інфармацыйна-аналітычнага ўпраўлення — намеснік начальніка Галоўнага ўпраўлення грамадска-палітычнай інфармацыі. 3 1991 г. па сумяшчальніцтве вёў выкладчыцкую работу ў БДУ (з 2000 г. прафесар кафедры сацыялогіі). У 1995—2000 гг. быў членам Прэзідыума Вышэйшага атэстацыйнага камітэта Рэспублікі Беларусь. Намеснік акадэміка-сакратара Аддзялення гуманітарных навук і мастацтваў Нацыянальнай АН Беларусі (1997), намеснік старшыні Беларускага рэспубліканскага фонду фундаментальных даследаванняў (1999), прэзідэнт Беларускага грамадскага аб'яднання «Сацыялагічнае таварыства» (2000), галоўны рэдактар часопіса «Сацыялогія».
Навуковая дзейнасць[правіць | правіць зыходнік]
Даследуе асноўныя кірункі і перспектывы сістэмнай трансфармацыі сучаснага грамадства, праблемы каштоўнасных арыентацый моладзі, методыкі аператыўнага вывучэння грамадскай думкі. Адзін з аўтараў навучальных дапаможнікаў па сацыялогіі, методыцы сацыялагічных даследаванняў, гісторыі сацыялогіі. З'яўляецца намеснікам старшыні Дзяржаўнай камісіі па падрыхтоўцы падручнікаў у галіне гуманітарных і сацыяльных навук.
Аўтар больш як 120 навуковых прац, у тым ліку 15 манаграфій.
Бібліяграфія[правіць | правіць зыходнік]
- «Пераходны працэс і моладзь» (1993),
- «Пераходнае грамадства: праблемы сістэмнай трансфармацыі» (1997, 1998),
- «Улада і грамадства: пошук новай гармоніі» (1998),
- «Моладзь крызісных гадоў: ілюзія і новыя спадзяванні» (1999),
- «Беларусь на мяжы тысячагоддзяў» (2000, у сааўт.),
- «Сацыялогія ўлады: тэорыя і практыка глабалізму» 2001)
Зноскі
Літаратура[правіць | правіць зыходнік]
- Данілаў Аляксандр Мікалаевіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 39.
Спасылкі[правіць | правіць зыходнік]
- Аляксандр Мікалаевіч Данілаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)