Аляксандр Уладзіміравіч Варабей

Аляксандр Уладзіміравіч Варабей
Дата нараджэння	6 ліпеня 1955(1955-07-06) (68 гадоў)
Месца нараджэння	Красны Бераг, Краснабярэжскі сельсавет, Жлобінскі раён, Гомельская вобласць, БССР, СССР
Грамадзянства	Беларусь
Род дзейнасці	выкладчык універсітэта, навуковец
Месца працы	Мінская абласная клінічная бальніца[d] ІПКіПКАЗ
Навуковая ступень	доктар медыцынскіх навук (2000)
Навуковае званне	член-карэспандэнт НАН Беларусі (2014)
Альма-матар	Мінскі медыцынскі інстытут (1977)
Узнагароды

Аляксандр Уладзіміравіч Варабей (нар. 6 ліпеня 1955, ст. Красны Бераг, Жлобінскі раён, Гомельская вобласць) — беларускі вучоны ў галіне хірургічнай гастраэнтэралогіі, калапракталогіі і эндаскапіі. Член-карэспандэнт (2014), доктар медыцынскіх навук (2000), прафесар (2003). Ганаровы доктар Львоўскага нацыянальнага медыцынскага ўніверсітэта (2011). Выдатнік аховы здароўя Рэспублікі Беларусь (2004).

Біяграфія

Скончыў Мінскі дзяржаўны медыцынскі інстытут (1977). З 1983 года ў Мінскай абласной клінічнай бальніцы, з 1985 года загадчык аддзялення. З 2002 года загадчык кафедры Беларускай медыцынскай акадэміі паслядыпломнай адукацыі.

Узнагароды

Узнагароджаны медалём «За працоўныя заслугі» (2013).

Навуковая дзейнасць

Стварыў эксперыментальныя мадэлі шэрагу хірургічных захворванняў органаў брушной поласці і іх патагенезу, што дазволіла навукова абгрунтаваць і ўкараніць у практыку новыя алгарытмы дыягностыкі і хірургічнага лячэння шматлікіх захворванняў страўнікава-кішачнага тракта, сярэднесцення і забрушыннай вобласці, некаторыя з іх — з сусветным прыярытэтам. Распрацаваў навуковую канцэпцыю сістэмы хірургічнай і медыка-сацыяльнай рэабілітацыі стаміраваных пацыентаў, якая ўпершыню ў СНД была паспяхова рэалізавана ў 1996 г. у маштабах Рэспублікі Беларусь. Праводзіць даследаванні па распрацоўцы і ўкараненні новых лазерных хірургічных тэхналогій абдамінальную хірургію, флебоалогію і эндаскапію.

Аўтар больш за 450 навуковых прац, у тым ліку 16 манаграфій і практычных кіраўніцтваў, 22 вучэбных і вучэбна-метадычных дапаможнікаў, 34 патэнтаў.

Бібліяграфія

• Стриктуры гепатикоеюноанастомозов. Минск, 2012 (в соавт).
• Болезнь Гиршпрунга у детей и взрослых. Минск, 2016 (в соавт.).
• Эзофагоколопластика. Минск, 2017 (в соавт.).

Спасылкі

• Аляксандр Уладзіміравіч Варабей у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)