Перайсці да зместу

Аляксандр Уладзіміравіч Зінгман

Дадаць спасылкі
З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Зінгман.
Аляксандр Уладзіміравіч Зінгман
Род дзейнасці бізнесмен
Дата нараджэння 26 лістапада 1966(1966-11-26) (59 гадоў)
Месца нараджэння
Альма-матар

Аляксандр Уладзіміравіч Зінгман (нар. 26 лістапада 1966(1966-11-26), Мінск) — беларускі бізнесмен. Ганаровы консул Зімбабвэ ў Беларусі (з 2019 года)[1].

Беларускія апазіцыйныя СМІ называюць Зінгмана «кашальком Лукашэнкі»[2] і адзначаюць, што ён удзельнічаў ў размеркаванні даходаў ад беларускага экспарта[3][4]. Афрыканскія СМІ называюць Аляксандра Зінгмана галоўным бенефіцыярам зарэгістраванай у ААЭ кампаніі «Aftrade DMCC», якая займаецца пастаўкамі ў Афрыку беларускай тэхнікі (МАЗ, МТЗ, БелАЗ, Гомсельмаш, МЗКЦ)[5]. Паводле дакументаў з «Архіва Пандоры», Зінгман разам з сынам Віктара Шэймана валодае афшорнай кампаніяй (па 50% у кожнага), якая праз пасрэднікаў займаецца геалагічнай разведкай і здабычай золата ў Зімбабвэ[6].

Біяграфія

[правіць | правіць зыходнік]

У 1980-х разам з бацькамі эміграваў у ЗША, дзе бацька ўладкаваўся кампьютэрным спецыялістам. Імаверна, у 2000-х вярнуўся ў Беларусь[7].

У 2011 годзе працаваў камерцыйным дырэктарам па Усходняй Еўропе польскай аграрнай кампаніі «Кантрактус»[8]. У 2015 годзе суправаджаў дырэктара кампаніі «Кантрактус» Вітольда Карчэўскага падчас яго візіту ў Танзанію[9]. Па дадзеных польскага расследавання, Зінгман дапамог афрыканскаму бізнэсу Карчэўскага сваімі знаёмствамі ў Афрыцы. У сваю чаргу, Карчэўскі выкарыстаў свае шырокія сувязі з польскімі чыноўнікамі дзеля прасоўвання бізнес-інтарэсаў Зінгмана ў Афрыцы, а мінскім рэстаранам Falcone, які належаў кампаніі Карчэўскага, кіравала жонка Зінгмана[10].

Менавіта Зінгман арганізаваў сустрэчу прэзідэнта Замбіі Эдгара Лунгу з Аляксандрам Міхеевым, генеральным дырэктарам «Расабаронэкспарта», расійскай дзяржаўнай кампаніі-экспарцёра зброі, па выніках якой у ліпені 2017 года Замбія закупіла ў Расіі пяць самалётаў Sukhoi[11].

У сакавіку 2018 года суправаджаў кіраўніка спраў Прэзідэнта Рэспублікі Беларусь Віктара Шэймана падчас яго візіта ў Харарэ, сталіцу Зімбабвэ[9].

У жніўні 2018 года Зінгман стаў героем скандальнага артыкула ў галоўнай дзяржаўнай газете «СБ. Беларусь сегодня» з-за таго, што ён, скупіўшы некалькі ўчасткаў зямлі ў Раўбічах каля Мінска, стварыў праблемы сваім суседзям, пабудаваўшы вялікі плот, які зацяняў іх участкі[12].

17 студзеня 2019 года падчас афіцыйнага візіта ў Рэспубліку Беларусь Прэзідэнта Рэспублікі Зімбабвэ Эмерсана Мнангагвы ў Мінску ў Прэзідэнт-Атэлі быў адкрыты офіс Ганаровага консульства Зімбабвэ ў Беларусі, які ўзначаліў Аляксандр Зінгман[1].

У верасні 2019 года ізноў суправаджаў кіраўніка спраў Прэзідэнта Рэспублікі Беларусь Віктара Шэймана падчас яго візіта ў Харарэ[9].

18 сакавіка 2021 года[13] Зінгман быў арыштаваны паліцыяй Дэмакратычнай Рэспублікі Конга ў Лубумбашы пасля сустрэчы з былым прэзідэнтам Жазефам Кабілам. Раней Зінгман згадваўся ў паведамленнях СМІ ў сувязі са здзелкамі са зброяй у Замбіі і Зімбабвэ[11]. Арэст Зінгмана, які мае двайное грамадзянства Беларусі і ЗША[11], прывёў да інтэнсіўнай дыпламатычнай дзейнасці: урады Аб’яднаных Арабскіх Эміратаў і Зімбабвэ аказвалі ціск на Конга для яго вызвалення[14].

У верасні 2019 года зноў суправаджаў беларускую ўрадавую дэлегацыю, якая прыбыла з афіцыйным візітам у Харарэ, ужо знаходзячыся ў статусе Ганаровага консула[9][15].

У 2023 годзе Зінгман прысутнічаў пры візітах Аляксандра Лукашэнкі ў Зімбабвэ (студзень)[16] і Сяргея Алейніка ў Кенію (красавік)[17], на сустрэчы першай лэдзі Зімбабвэ Аксіліі Мнангагва з Алейнікам падчас яе візіту ў Мінск (красавік)[18], пры візіце Алейніка ў Экватарыяльную Гвінею (чэрвень)[19], на перамовах Лукашэнкі з прэзідэнтам Экватарыяльнай Гвінеі Тэадора Абіянгам (верасень)[20], а ў снежні — пры візіце Лукашэнкі ў Экватарыяльную Гвінею[21] і, паводле некаторых звестак, як запрошаны госць беларускай дэлегацыі ў Дубаі на COP28[22].

У 2024 годзе Зінгман прысутнічаў на сустрэчы Ірыны Абельскай з Эмерсанам і Аксіліяй Мнангагва ў Зімбабвэ (студзень)[23], а таксама пры візітах у Беларусь зімбабвійскіх медыкаў (сакавік)[24], прэм'ер-міністра Эсваціні Расэла Ммісо Дламіні[25], Аксіліі Мнангагва і першай лэдзі Нігерыі Алурэмі Цінубу (ліпень)[26][27]. У лістападзе таго ж года Зінгман і Алег Водчыц у складзе дэлегацыі Зімбабвэ наведалі COP29[28].

Сям’я

[правіць | правіць зыходнік]

Жонка Лізавета Дзенісевіч працуе дырэктарам рэстарана Falcone (у пачатку 2025 года рэстаран аб’явіў аб закрыцці[29]). Ёсць чацвёра дзяцей: Максім, Дзяніс, Давід, Маргарыта[9][30].

Зноскі

  1. ↑ а б Мнангагва і Дапкюнас адкрылі офіс Ганаровага консульства Зімбабвэ ў Мінску
  2. ↑ В Конго задержан «кошелек» Лукашенко Зингман
  3. ↑ Ближний круг Лукашенко. Кто в него входил и что им за это было
  4. ↑ «Клуб реализаторов». Кто из белорусов помогает Лукашенко с экспортом (руск.)(недаступная спасылка). Белорусы и рынок. Архівавана з першакрыніцы 16 чэрвеня 2022.
  5. ↑ Задержан крупный поставщик белорусской техники в Африку. Не спасли ни Шейман, ни ОАЭ, ни Зимбабве (руск.)(недаступная спасылка). TUT.BY (23 сакавіка 2021). Архівавана з першакрыніцы 23 сакавіка 2021.
  6. ↑ «Pandora Papers»: Як сын Шэймана здабываў золата ў Афрыцы . Белсат (4 кастрычніка 2021). Архівавана з першакрыніцы 6 кастрычніка 2021. Праверана 6 кастрычніка 2021.
  7. ↑ Набліжаны да Шэймана, спаборнічаў з Чыжом у Афрыцы, майстар схематозаў — факты пра арыштаванага ў Конга Аляксандра Зінгмана (недаступная спасылка). Наша Ніва. Архівавана з першакрыніцы 24 сакавіка 2021. Праверана 3 лютага 2022.
  8. ↑ Россия: В Башкортостане организуют производство зерносушилок из польских комплектующих
  9. ↑ а б в г д Игорь Ильяш, Анна Любакова, Екатерина Андреева. Частный самолёт, Зингман и ОАЭ. Что остается за кадром отношений Беларуси и Зимбабве? (руск.). Белсат. Архівавана з першакрыніцы 22 красавіка 2021. Праверана 22 красавіка 2021.
  10. ↑ Зингман помогал польскому бизнесмену строить бизнес в Африке — Onet (руск.). Reform.news (2 красавіка 2025).
  11. ↑ а б в Businessman with links to Belarus strongman Alexander Lukashenko was arrested by Congolese police in Lubumbashi on Wednesday after meeting with former president Joseph Kabila
  12. ↑ Забор на участке стал камнем преткновения в соседских отношениях
  13. ↑ Belarus Businessman With Alleged Ties To Strongman Held In DR Congo Архівавана 22 красавіка 2021.
  14. ↑ Кто такой Александр Зингман, которого задержали в Конго?(руск.). Белорусская деловая газета. 2021-03-23. Архівавана з арыгінала 2021-05-18. Праверана 2021-05-18.
  15. ↑ "Ігар, чаравікі": беларускіх бізнесменаў, блізкіх да Шэймана, затрымалі ў Афрыцы. Еўрапейскае радыё для Беларусі (23 сакавіка 2021).
  16. ↑ Хто разам з Лукашэнкам наведаў Зімбабвэ і што яны там рабілі? . Новы Час (3 лютага 2023). Архівавана з першакрыніцы 18 лютага 2023. Праверана 18 лютага 2023.
  17. ↑ Александра Зингмана заметили в Кении с Алейником (руск.). Reform.news (3 красавіка 2023).
  18. ↑ Жена президента Зимбабве встретилась с Алейником и Зингманом в Минске (руск.). Reform.news (5 красавіка 2023).
  19. ↑ Алейника в Экваториальной Гвинее сопровождал Зингман (руск.). Reform.news (2 чэрвеня 2023).
  20. ↑ Бизнесмен Зингман на переговорах Лукашенко и Мбасого – фотофакт (руск.). Reform.news (7 верасня 2023).
  21. ↑ Шейман избегал фотографов в аэропорту Малабо во время встречи Лукашенко, но все же попал в кадр (руск.). Reform.news (9 снежня 2023).
  22. ↑ В составе беларусской делегации в Дубае была девушка Николая Лукашенко? – Motolko.help (руск.). Reform.news (7 снежня 2023).
  23. ↑ Мать Николая Лукашенко привезла в Зимбабве мобильную клинику (руск.). Reform.news (22 студзеня 2024).
  24. ↑ Делегация зимбабвийских медиков приехала в Беларусь. Не обошлось без Зингмана (руск.). Reform.news (21 сакавіка 2024).
  25. ↑ Премьер-министр Эсватини прилетел в Беларусь (руск.). Reform.news (20 чэрвеня 2024).
  26. ↑ Жену Мнангагвы в Витебске встречал Зингман с африканскими танцами. Reform.news (11 ліпеня 2024).
  27. ↑ Первая леди Зимбабве встретилась с Ириной Абельской (руск.). Reform.news (11 ліпеня 2024).
  28. ↑ Eli Moskowitz, Sviatlana Yatskova, Owen Gagare⁩. Controversial Belarusian Businessmen Invited to COP29 by Zimbabwe’s Delegation (англ.). OCCRP (21 лістапада 2024).
  29. ↑ Закрытие ресторана Falcone может быть связано с расследованием польских журналистов (руск.). Reform.news (9 студзеня 2025).
  30. ↑ Александр Зингман: бизнес по-президентски (руск.)(недаступная спасылка). DayNight.TV. Архівавана з першакрыніцы 10 красавіка 2021. Праверана 6 красавіка 2021.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Аляксандр_Уладзіміравіч_Зінгман&oldid=4969646"