Аляксей Канстанцінавіч Каўка

Аляксей Канстанцінавіч Каўка
Дата нараджэння	20 верасня 1937(1937-09-20) (82 гады)
Месца нараджэння	Машчаліна, Чэрвеньскі раён, БССР, СССР
Грамадзянства	БССР  Расія
Род дзейнасці	літаратуразнавец, гісторык, грамадскі дзеяч
Навуковая сфера	Беларуская літаратура, Гісторыя Польшчы і літаратуразнаўства
Месца працы	Інстытут славяназнаўства РАН[d]
Навуковая ступень	доктар філалагічных навук кандыдат гістарычных навук
Альма-матар	БДУ
Узнагароды і прэміі

Аляксей Канстанцінавіч Каўка (нар. 20 верасня 1937, в. Машчаліна, Чэрвеньскі раён Мінскай вобл.) — беларускі гісторык і літаратуразнавец, грамадскі дзеяч. Доктар філалагічных навук (1991), кандыдат гістарычных навук (1971).

Біяграфія

Скончыў БДУ (1961), Акадэмію грамадскіх навук пры ЦК КПСС (1971). 3 1954 года на культурна-асветніцкай і камсамольскай рабоце. У 1971-1979 і 1983-1987 гадах у Інстытуце эканомікі сусветнай сацыялістычнай сістэмы АН СССР, у 1979-1982 гадах прадстаўнік Саюза савецкіх таварыстваў дружбы і культурных сувязей з заграніцай, саветнік пасольства СССР у Польшчы. 3 1987 года галоўны рэдактар часопіса «Советское славяноведение», з 1989 года ў Інстытуце сусветнай літаратуры імя М. Горкага Расійскай АН.

Навуковая дзейнасць

Даследаваў гісторыю Польшчы, польскага рабочага руху, савецка-польскіх адносін. 3 канца 1970-х гадоў распрацоўвае праблемы адраджэння і станаўлення нацыянальнай самасвядомасці, творчасці Ф. Скарыны, Я. Купалы, К. Езавітава, І. Луцкевіча, В. Ластоўскага, М. Улашчыка і інш. Укладальнік літаратурна-навуковых штогоднікаў «Скарыніч» (вып. 1—3, 1991—97).

Узнагароды

Узнагароджаны медалём 100 гадоў БНР Рады Беларускай Народнай Рэспублікі.

Бібліяграфія

• Польша: Отечество и социализм. -- М., 1977;
• Тут мой народ: Францішак Скарына і беларуская літаратура XVI — пач. XX стст. -- Мн., 1989;
• Жывом! -- М.; Мн., 1997;
• Будам жыць! Пра тое самае. -- Мн.; М., 1998;
• Letter to russian friend = Письмо русскому другу. -- London, 1979.

Алексіевіч, Пазьняк, Вольскі, Эрыксан, Белавус. Хто яшчэ ўзнагароджаны мэдалём у гонар БНР-100