Амялушка

Амялушка
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб'інападобныя Падатрад:  Пеўчыя вераб'іныя Сямейства:  Bombycillidae Род:  Bombycilla Від:  Амялушка
Міжнародная навуковая назва
Bombycilla garrulus (Linnaeus, 1758)
Ахоўны статус
Выклікаюць найменшыя асцярогі IUCN 3.1 Least Concern : / 22708146
Сістэматыка на Віківідах Выявы на Вікісховішчы ITIS   178529 NCBI   125297 EOL   1050636 FW   373096

Амялу́шка звыча́йная (Bombycilla garrulus) — пеўчая птушка атраду вераб'інападобных.

Апісанне

Даўжыня цела 18-21 см, размах крылаў 32-35 см, маса да 60-70 г. Шэра-карычневая з вялiкiм чубам, на канцы хваста жоўта-чорная палоска. На крыле бела-чырвонае люстэрка. Самка менш кантрастная. Маладыя без люстэрка на крыле i чорнага горла, спод цела з падоўжнымi рыскамi. Голас — нягучнае «свіррыры-свіррыры».

Пашырэнне

Распаўсюджана ў зоне таёжных лясоў Паўночнага паўшар'я. Гняздуецца ў рэдкалессі, на дрэвах. Корміцца ягадамі, пупышкамі дрэў і кустоў.

У Беларусі трапляецца на веснавым (красавік) і асеннім (лістапад) пралётах, у невялікай колькасці зімуе (прылятае з поўначы у кастрычніку). Трымаецца лясоў, дзе шмат рабіны, шыпшыны, крушыны, ядлоўцу.

Падвiды

• B. g. garrulus - у Еўропе i Азii;
• B. g. pallidiceps - у Паўночнай Амерыцы.

Аб'ект палявання

Да пачатку XX ст. — аб'ект шляхецкага палявання. Гатавалася падобна да бакасаў, перапёлак, рабіннікаў, рабчыкаў: напрыклад, печанымі, з укладзенымі ў брушную поласць птушкі кавалкамі масла, змяшанага са здрабнёнымі «ягадамі» ядлоўцу.

Літаратура

• Белы А. Амялушка // Праект «Наша ежа»
• Дарафееў А. М. Птушкі. — Мн.: Народная асвета, 1984. — 239 с., іл. — (Наша прырода). — С. 162.
• Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X

Спасылкі

• На Вікісховішчы ёсць медыяфайлы па тэме Амялушка