Анастасія Уладзіміраўна Верамеенка (нар. 10 чэрвеня1987, Кохтла-Ярвэ, ЭССР) — прафесійная беларуская баскетбалістка. Гуляе на пазіцыі цэнтравой. Выступае за клуб «Гарызонт».
Нарадзілася ў Кохтла-Ярвэ. Усё дзяцінства правяла ў Гомелі[1]. Старэйшы брат — баскетбаліст Уладзімір Верамеенка. Баскетболам пачала займацца ў гомельскай СДЮШАР-9 з дзевяці гадоў па ініцыятыве бацькоў [2]. Першы трэнер — Т.А. Гарановіч[3].
У чэрвені 2014 года выйшла замуж за беларускага баскетбаліста Дзмітрыя Палешчука[4]. У лістападзе 2014 года нарадзіла дачку[5], хутка вярнулася да трэніровак.
За юніёрскую зборную гуляе з 2002 года. Сярэбраны прызёр і MVP чэмпіяната Еўропы сярод кадэтак 2003 года. За дарослую зборную Беларусі па баскетболе дэбютавала 20 лістапада 2002 г. у гульні супраць Славакіі. Удзельніца Алімпійскіх гульняў у Пекіне і Рыа-дэ-Жанэйра, чэмпіяната свету 2010, а таксама чэмпіянатаў Еўропы 2007, 2009, 2011, 2013 і 2015. За нацыянальную зборную гуляе пад нумарам 10.
Дзесяць разоў прызнавалася найлепшай баскетбалісткай Беларусі (2006, 2007, 2008, 2009, 2012, 2013, 2015, 2016[6][7][8], 2017[9], 2018[10]).
_TWBL_20180121.jpg)
Гарызонт
Медыяфайлы на Вікісховішчы
.svg){kind=small}
