Анатоль Аляксандравіч Ляляўскі

Анатоль Аляксандравіч Ляляўскі
Дата нараджэння	6 сакавіка 1923(1923-03-06)
Месца нараджэння	Масква, Маскоўская губерня, РСФСР, СССР
Дата смерці	7 студзеня 1995(1995-01-07) (71 год)
Грамадзянства	СССР  Беларусь
Адукацыя	Ташкенцкі дзяржаўны інстытут тэатральнага мастацтва імя А. М. Астроўскага[d] (1952)
Прафесія	тэатральны рэжысёр
Тэатр	Беларуская дзяржаўная акадэмія мастацтваў Беларускі дзяржаўны тэатр лялек
Член у	БСТД
Узнагароды	Прэмія імя Л. Мазалеўскай (1992)

Анатоль Аляксандравіч Ляля́ўскі (6 сакавіка 1923, Масква — 7 студзеня 1995) — беларускі тэатральны рэжысёр тэатра лялек. Народны артыст БССР (1979).

Біяграфія

Скончыў Ташкенцкі тэатральна-мастацкі інстытут у 1952 годзе. У 1956—1986 гадах рэжысёр Беларускага дзяржаўнага тэатра лялек, адначасова ў 1975—1983 гадах выкладаў Беларускім тэатральна-мастацкім інстытуце.

Член Беларускага саюза тэатральных дзеячаў з 1957 года.

Творчасць

Яго пастаноўкам уласцівы жанравая разнастайнасць, беражлівыя адносіны да аўтарскай канцэпцыі і мастацкай своеасаблівасці мастацкага твора, дэталёвая распрацоўка ўнутранай лініі персанажа ў спалучэнні з дакладнасцю і выразнасцю знешняга малюнка ролі. Сярод лепшых пастановак па творах беларускіх аўтараў «Дзед і жораў» Віталя Вольскага (1957), «Сярэбраная табакерка» паводле Змітрака Бядулі (1961), «Марынка-крапіўніца» Артура Вольскага і Петруся Макаля (1962), «Ліпавічкі» Уладзіслава Галубка (1969), «Скажы сваё імя, салдат» Анатоля Вярцінскага, «Сымон-музыка» паводле Якуба Коласа (1982). З іншых пастановак «Чароўная лямпа Аладзіна» Н. Гернет (1956), «Кот у ботах» Г. Уладычынай (1959), «Канёк-гарбунок» паводле П. Яршова (1960), «Доктар Айбаліт» паводле К. І. Чукоўскага (1966), «Зорны хлопчык» паводле О. Уайлда (1978).

Узнагароды

Лаўрэат прэміі імя Л. Мазалеўскай (1992).

Літаратура

• Ляляўскі Анатоль Аляксандравіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).
• Ляляўскі Анатоль Аляксандравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 443. — 800 с. — 5 000 экз. — ISBN 985-11-0026-9.

Спасылкі

• Ляляўскі і лялькі Архівавана 20 сакавіка 2023. // Газета «Культура», № 10 (1345) 08.03.2018 — 15.03.2018.