Анатоль Пятровіч Сманцэр

Анатоль Пятровіч Сманцэр
Дата нараджэння	4 мая 1933(1933-05-04)
Месца нараджэння	Лабачыха, Лошніцкі сельсавет, Барысаўскі раён, БССР, СССР
Дата смерці	14 студзеня 2020(2020-01-14) (86 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	навуковец
Навуковая сфера	педагогіка
Месца працы	БДУ АПА
Навуковая ступень	доктар педагагічных навук (1992)
Навуковае званне	прафесар
Альма-матар	фізіка-матэматычны факультэт БДПУ імя М. Танка
Вядомыя вучні	Маргарыта Міхайлаўна Сіроткіна
Узнагароды

Анатоль Пятровіч Сманцэр (4 мая 1933 — 14 студзеня 2020) — вучоны ў галіне педагогікі, доктар педагагічных навук (1993), прафесар (1994). Акадэмік Беларускай акадэміі адукацыі (1995), Міжнароднай акадэміі акмеалагічных навук (1998), Міжнароднай славянскай акадэміі адукацыі імя Я. А. Каменскага (2004). Ганаровы прафесар Тульскага дзяржаўнага педагагічнага ўніверсітэта імя Л. М. Талстога.

Біяграфія

Нарадзіўся ў вёсцы Лабачыха (Барысаўскі раён, Мінская вобласць Беларусі). У 1960 годзе скончыў фізіка-матэматычны факультэт Мінскага дзяржаўнага педагагічнага інстытута імя А. М. Горкага. Да 1964 года працаваў настаўнікам фізікі і матэматыкі ў школе ў вёсцы Зачысце. З 1964 года А. П. Сманцэр у Беларускім дзяржаўным універсітэце. У 1964—1966 гадах выкладчык матэматыкі падрыхтоўчага факультэта, у 1966—1976 гадах старшы выкладчык. У 1975 годзе абараніў кандыдацкую дысертацыю на тэму «Функции школьных учебных задач в условиях научной революции». У 1978—1992 гадах дацэнт, з 1992 года — прафесар, у 1994—1999 гадах — загадчык кафедры педагогікі. З 1999 па 2001 год А. П. Сманцэр на пасадзе кафедры педагогікі Акадэміі паслядыпломнай адукацыі.

Навуковая і грамадская дзейнасць

Аўтар больш за 214 навуковых прац па праблемах навучання і выхавання моладзі, падрыхтоўкі і развіцця творчага патэнцыялу настаўнікаў, гуманізацыі школьнай матэматычнай адукацыі і адукацыі ў вышэйшых навучальных установах, пераемнасці ў адукацыі і інш. Аўтар вучэбна-метадычных дапаможнікаў і адзін з аўтараў канцэпцыі бесперапыннай педагагічнай адукацыі.

Сярод апублікаванага:

• Преемственность в системе непрерывного образования: методические рекомендации для студентов педагогических отделений университетов, слушателей факультета повышения квалификации учителей. — Мн.: БГУ, 1991―1992.
• Преемственность обучения математике в средней и высшей школе / А. П. Сманцер, Н. А. Березовин. — Мн.: Университетское, 1985.
• Гуманизация педагогического процесса. — Мн.: Бестпринт, 2005.
• Формирование у студентов ценностного отношения к образованию в процессе обучения: монография / А. П. Сманцер, Т. А. Ханалыев . — Мн.: БГПУ, 2010.
• Теоретическое обоснование модели подготовки будущих учителей к работе с детьми в условиях инклюзивного образования / А. П. Сманцер, З. С. Курбыко // Вестник Полоцкого государственного университета : научно-теоретический журнал. — 2013. ― № 15.

Намеснік старшыні Савета па абароне доктарскіх дысертацый у Беларускім дзяржаўным універсітэце (1996—2000), член Савета па абароне доктарскіх дысертацый (2000—2003), намеснік старшыні Савета па абароне кандыдацкіх дысертацый у Беларускім дзяржаўным універсітэце (2000—2003), член дысертацыйнага савета ў Смаленскім дзяржаўным педагагічным універсітэце, член экспертнага савета Вышэйшай атэстацыйнай камісіі Рэспублікі Беларусь (1997—2003), Член Прэзідыума Педагагічнага таварыства Рэспублікі Беларусь.

Літаратура

• Сманцар Анатоль Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 49. — 10 000 экз. — ISBN 985-11-0035-8. — ISBN 985-11-0251-2 (т. 15).
• Минская область: энциклопедия: [в 2 т.]. — Минск, 2007. — Т. 2. — С. 604. (руск.)

Спасылкі

• Сманцар Анатоль Пятровіч на сайце анлайн-энцыклапедыі «Беларусь у асобах і падзеях»
• Сманцэр Анатоль Пятровіч, доктар педагагічных навук, агульная педагогіка на сайце анлайн-энцыклапедыі «Беларусь у асобах і падзеях»
• Сманцер Анатолий Петрович, доктор педагогических наук, общая педагогика на сайце анлайн-энцыклапедыі «Беларусь у асобах і падзеях»
• Сманцер Анатолий Петрович Архівавана 14 жніўня 2022. // Кафедра педагогікі і праблем развіцця адукацыі БДУ
• Известные земляки (руск.) // Барысаўская цэнтральная бібліятэка імя І. Х. Каладзеева