Андрай Кіска

З пляцоўкі Вікіпедыя
Jump to navigation Jump to search
Андрай Кіска
славацк.: Andrej Kiska
Андрай Кіска
сцяг
4-ы Прэзідэнт Славакіі
15 чэрвеня 2014 — 15 чэрвеня 2019
Папярэднік: Іван Гашпаравіч
 
Партыя: Памылка Lua у Модуль:Wikidata на радку 600: attempt to concatenate local 'result' (a nil value).
Адукацыя:
Прафесія: інжынер-электрык
Дзейнасць: прадпрымальнік, палітык
Веравызнанне: хрысціянства[1][2]
Нараджэнне: 2 лютага 1963(1963-02-02)[3][4] (56 гадоў)
Жонка: Марціна Кіскава
Дзеці: Андрай Кіска-мал.
Наталля Кіскава
Вераніка Кіскава
Віктар Кіска
 
Сайт: andrejkiska.sk
 
Узнагароды:

А́ндрай Кі́ска (славацк.: Andrej Kiska; 2 лютага 1963, Попрад, ЧССР) — прэзідэнт Славакіі (2014-2019), славацкі прадпрымальнік, мецэнат. Менеджар года-2006, лаўрэат прэміі «Крыштальнае крыло» за філантрапію (2011).

Біяграфія[правіць | правіць зыходнік]

Нарадзіўся ў Попрадзе ў сям’і настаўнікаў. Скончыў электратэхнічны факультэт Браціслаўскага тэхнічнага ўніверсітэта са званнем інжынера-мікраэлектроніка. Працаваў праектантам у Попрадзе[5]. У 1990 годзе з’ехаў у Злучаныя Штаты, дзе працаваў на будоўлі, помпавай станцыі і ў рэстаране хуткага харчавання[6][7].

Неўзабаве інвеставаў увесь заробак у акцыі амерыканскай брокерскай кампаніі, якая дзейнічала на таварнай біржы. Праз тры тыдні яна, аднак, збанкрутавала[7]. Паводле ўласнага прызнання, яго побыт у ЗША вызначыў будучую кар’еру: «З Амерыкі я вярнуўся з непахісным намерам займацца прадпрымальніцтвам»[8].

Андрай Кіска вярнуўся на радзіму ў снежні 1991[7]. У сакавіку 1992 разам з братам Яраславам і стрыем Быстрыкам заснаваў у Кежмарку таварыства з абмежаванай адказнасцю «Triangle group international»[9][10], якое дзейнічала як філіял аднайменнай кампаніі з Паўночнай Караліны, належнай іхнім сябрам[7]. Фірма валодала сеткай ювелірных майстэрняў у Славакіі і мела філіял у Остраве. Пасля няўдачы з вырабам уласных залатых упрыгажэнняў яна занялася закупкай іх у славацкіх і чэшскіх вытворцаў і перапродажам у Злучаных Штатах. З гэтай мэтай у ЗША яны заснавалі кампанію «Eurogold», якая, аднак, не вытрымала канкурэнцыі[7].

8 кастрычніка 1996 прадпрымальнікі заснавалі ТАА «TatraCredit»[11], якая займалася набыццём бытавой электронікі непасрэдна ад вытворцаў, пасля прадаючы яе пакупнікам у растэрміноўку. Пазней асартымент таксама пашырыўся на мэблю, спартыўныя тавары, цацкі і да т. п. У 1999 Кіскі заснавалі акцыянернае таварыства «Quatro»[12], якое прапаноўвала афармленне растэрміноўкі непасрэдна ў крамах. Як зазначыў Андрай Кіска: «Гэта тыповая амерыканская мадэль, калі вы валодаеце паспяховай фірмай і самі ствараеце ёй канкурэнцыю»[8].

Сетка звязаных фірмаў «TatraCredit» і «Quatro» паступова дапоўнілася акцыянерным таварыствам «Slovenská požičovňa»[13], Q — CAR[14] і «Slovenské kreditné karty»[15], дзякуючы чаму стала найбуйнейшай у Славакіі крэдытнай фірмай з прыкладна 400 000 кліентаў[7]. У снежні 2004 пяць гэтых кампаній набыў Усеагульны крэдытны банк[16] і ўключыў іх у структуру холдынгавай кампаніі «Consumer Finance Holding»[17][18].

У 2006 годзе Андрай Кіска разам з былым калегам і заснавальнікам рэкламнай агенцыі Ігарам Бросманам заснаваў некамерцыйную арганізацыю «Добры ангел»[19]. У 2011 атрымаў узнагароду «Крыштальнае крыло» за філянтрапію[20].

У 2014 годзе перамог на прэзідэнцкіх выбарах, у другім туры набраўшы 59,38 % галасоў.

Зноскі

  1. Kandidát na prezidenta Andrej Kiska o svojom svetonázore (Slovak). Humanisti.sk (25 красавіка 2013). Праверана 23 сакавіка 2014.
  2. Sledovali sme online: Do Kisku sa pustil Fico aj Kňažko. Pre scientológiu (Slovak). Hospodárske noviny (12 сакавіка 2014). Праверана 23 сакавіка 2014.
  3. Andrej Kiska // Munzinger-Archiv — 1913. Праверана 9 кастрычніка 2017.
  4. Andrej Kiska // Brockhaus Enzyklopädie Праверана 9 кастрычніка 2017.
  5. Andrej Kiska (славацк.) . Aktuality.sk. Праверана 21 сакавіка 2014.
  6. Čorná, Tina milionár Andrej Kiska: Dobro treba robiť z princípu (славацк.) . SME. Праверана 21 сакавіка 2014.
  7. 7,0 7,1 7,2 7,3 7,4 7,5 Baťo, Rado Andrej Kiska: Nepredávali sme pôžičky, ale emócie (славацк.) . Trend. Праверана 23 сакавіка 2014.
  8. 8,0 8,1 Ondrejka, Jana Andrej Kiska úspešný a odvážny vizionár (славацк.) . Next Future. Праверана 21 сакавіка 2014.
  9. Výpis z Obchodného registra Okresného súdu Prešov : TRIANGLE GROUP INTERNATIONAL, s.r.o.; skrátený názov: TGI, s.r.o. (славацк.) . Ministerstvo spravodlivosti SR. Праверана 23 сакавіка 2014.
  10. TRIANGLE GROUP INTERNATIONAL, s.r.o. : O nás (славацк.) . TGI. Праверана 21 сакавіка 2014.
  11. Výpis z Obchodného registra Okresného súdu Prešov : TatraCredit, s.r.o. Kežmarok (славацк.) . Ministerstvo spravodlivosti SR. Праверана 23 сакавіка 2014.
  12. Výpis z Obchodného registra Okresného súdu Prešov : QUATRO, a.s. (славацк.) . Ministerstvo spravodlivosti SR. Праверана 23 сакавіка 2014.
  13. Výpis z Obchodného registra Okresného súdu Prešov : SLOVENSKÁ POŽIČOVŇA, a.s. (славацк.) . Ministerstvo spravodlivosti SR. Праверана 23 сакавіка 2014.
  14. Výpis z Obchodného registra Okresného súdu Prešov : Q - CAR, a.s. (славацк.) . Ministerstvo spravodlivosti SR. Праверана 23 сакавіка 2014.
  15. Výpis z Obchodného registra Okresného súdu Prešov : Slovenské kreditné karty, a.s. (славацк.) . Ministerstvo spravodlivosti SR. Праверана 23 сакавіка 2014.
  16. Kláseková, Martina Prekvapenie na koniec roka: VÚB kúpila Triangel – Quatro (славацк.) . Trend. Праверана 21 сакавіка 2014.
  17. Výpis z Obchodného registra Okresného súdu Prešov : Consumer Finance Holding, a.s. (славацк.) . Ministerstvo spravodlivosti SR. Праверана 23 сакавіка 2014.
  18. História (славацк.) . Consumer Finance Holding. Праверана 21 сакавіка 2014.
  19. Zakladatelia (славацк.) . Dobrý anjel. Праверана 21 сакавіка 2014.
  20. 2011 (славацк.) . Krištáľové krídlo. Праверана 29 сакавіка 2014.

Спасылкі[правіць | правіць зыходнік]