Міхал Ковач

Міхал Ковач славацк.: Michal Kováč
Партыя	Народная партыя — Рух за дэмакратычную Славакію Камуністычная партыя Чэхаславакіі
Адукацыя	Эканамічны ўніверсітэт у Браціславе[d]
Дзейнасць	палітык, педагог, эканаміст, банкір
Нараджэнне	5 жніўня 1930(1930-08-05) Любіша[d], Humenné District[d], Прэшаўскі край
Смерць	5 кастрычніка 2016(2016-10-05) (86 гадоў) Браціслава, Браціслаўскі край, Славакія
Жонка	Emília Kováčová[d]
Узнагароды

Міхал Ковач (славацк.: Michal Kováč; 5 жніўня 1930, Любіша, Чэхаславакія — 5 кастрычніка 2016, Браціслава, Славакія) — славацкі палітычны і дзяржаўны дзеяч, апошні старшыня Федэральнага сходу Чэхаславакіі (1992), першы Прэзідэнт Славакіі (1993—1998).

Біяграфія

Нарадзіўся 5 жніўня 1930 года ў Любішы (Чэхаславакія). скончыў Браціслаўскі універсітэт эканомікі і працаваў у Дзяржаўным Чэхаславацкім банку і іншых банках, у 1960-я гады — у Лондане і на Кубе. Падчас і пасля аксамітнай рэвалюцыі з 12 снежня 1989 года да 17 мая 1991 года быў міністрам фінансаў Славацкай рэспублікі. У пачатку 1991 года ён стаў адным з заснавальнікаў і віцэ-старшынёй партыі Рух за дэмакратычную Славакію. Яшчэ ў 1990 годзе будучы абраны дэпутатам Федэральнага сходу Чэхаславакіі, ён 25 чэрвеня 1992 года стаў яго старшынёй і сыграў важную ролю ў роспуску Чэхаславакіі. Прэзідэнт Славакіі з 2 сакавіка 1993 года па 2 сакавіка 1998 года.

Памёр 5 кастрычніка 2016 года ў Браціславе.

Літаратура

• БЭ ў 18 тамах. Т.8, Мн., 1999, С.372