Андрэй Міхайлавіч Кулагін

Андрэй Міхайлавіч Кулагін
Дата нараджэння	4 верасня 1921(1921-09-04)
Месца нараджэння	Старое Закружжа, Вылеўская воласць[d], Гомельскі павет, Гомельская губерня, РСФСР
Дата смерці	20 жніўня 1980(1980-08-20) (58 гадоў)
Месца смерці	Мінск, БССР, СССР
Месца пахавання	Усходнія могілкі
Альма-матар	Ваенна-паветраная акадэмія імя Ю. А. Гагарына
Грамадзянства	СССР
Прыналежнасць	СССР
Род войскаў	ВПС
Гады службы	1940—1955
Званне
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Андрэ́й Міха́йлавіч Кулагін (4 чэрвеня 1921 — 9 жніўня 1980) — ваенны лётчык, удзельнік Вялікай Айчыннай вайны. Герой Савецкага Саюза (1944).

Біяграфія

А. М. Кулагін нарадзіўся ў вёсцы Старое Закружжа (зараз у Веткаўскім раёне Гомельскай вобласці Беларусі). Скончыў 7 класаў школы. З 1936 г. працаваў на аўтарамонтным заводзе імя С. М. Кірава ў Магілёве. У 1939 годзе скончыў Магілёўскі аэраклуб. У Чырвонай Арміі з 1940 г. У 1942 годзе скончыў Армавірскую ваенную авіяцыйную школу пілотаў. З ліпеня 1942 г. на Паўднёвым, Паўночна-Каўказскім, 2-м Беларускім франтах. Здзейсніў 762 баявыя вылеты, правёў 142 паветраныя баі, асабіста збіў 32 самалёты праціўніка і яшчэ 7 у групавых баях.

Пасля вайны А. М. Кулагін працягваў ваенную службу. У 1945 годзе скончыў Вышэйшыя афіцэрскія лётна-тактычныя курсы ВПС, у 1954 годзе Ваенна-паветраную акадэмію. З 1956 года палкоўнік Кулагін у запасе. Жыў у Мінску. З 1959 года на партыйнай рабоце, з 1961 г. інструктар, загадчык сектара ЦК КПБ. Дэпутат Вярхоўнага Савета БССР 2-га склікання (1947—1951).

Памёр А. М. Кулагін 9 жніўня 1980 г. Пахаваны на Усходніх могілках у Мінску.

Памяць

• Помнік на магіле.
• Імя А. М. Кулагіна прысвоена Магілёўскаму аэраклубу і Старазакружскай сярэдняй школе Веткаўскага раёна.
• У гонар Героя названая адна з вуліц Магілёва.
• Мемарыяльная дошка на фасадзе дома № 80 на праспекце Незалежнасці ў Мінску.
• Помнік на алее выбітных ураджэнцаў Веткаўскага раёна на цэнтральнай плошчы г. Ветка.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8). — С. 570.

Спасылкі

• Андрэй Міхайлавіч Кулагін на сайце «Героі краіны»
• Постановление Совета Министров Белорусской ССР от 20 октября 1980 г. № 368 Об увековечении памяти Героя Советского Союза А. М. Кулагина(недаступная спасылка) (руск.)