Батаева
Аграгарадок
Батаева
  Батаева  Батаева
| ||||||||||||||||||||||||
Бата́ева[1][2] (трансліт.: Batajeva, руск.: Ботаево) — аграгарадок у Хоцімскім раёне Магілёўскай вобласці Беларусі. Уваходзіць у склад Бяседавіцкага сельсавета.
Геаграфія
[правіць | правіць зыходнік]Аграгарадок знаходзіцца за 32 кіламетры на паўднёвы захад ад Хоцімска, за 239 кіламетраў ад Магілёва, за 12 кіламетраў ад чыгуначнай станцыі Журбін. Транспартныя сувязі ажыццяўляюцца па мясцовай дарозе і далей па шашы Хоцімск—Краснаполле[2].
Рэльеф раўнінна-ўзгорысты, на поўначы аграгарадок мяжуе з лесам. Праз паселішча цячэ рака Войская (прыток Беседзі), на якой створана сажалка[3][2].
Планіроўка складаецца з дзвюх частак, падзеленых ракой: паўночна-ўсходняй (3 крывалінейныя вуліцы, арыентаваныя з паўднёвага ўсходу на паўночны захад) і паўднёва-заходняй (крывалінейная вуліца, амаль паралельная першай, з завулкам). Забудова двухбаковая, шчыльная, пераважна драўлянымі дамамі сядзібнага тыпу. Дзве новыя вуліцы ў паўночна-ўсходняй частцы забудаваны мураванымі аднакватэрнымі дамамі. Грамадскія будынкі размешчаны сярод жылой забудовы ў паўночна-ўсходняй частцы. На захадзе, поўдні і паўднёвым захадзе — гаспадарчы сектар[2].
Гісторыя
[правіць | правіць зыходнік]Заснавана ў 1727 годзе ў Крычаўскім старостве Мсціслаўскага ваяводства Вялікага Княства Літоўскага як дзяржаўная ўласнасць. Пасля першага падзелу Рэчы Паспалітай (1772) у складзе Расійскай імперыі. У 1779 годзе ў Крычаўскім старостве, уласнасць памешчыка, дзейнічаў млын. У 1795 годзе пачаў дзейнічаць шклозавод. У 1847 годзе ў складзе маёнтка Хоцімск у Клімавіцкім павеце Магілёўскай губерні. Частка жыхароў займалася вырабам посуду і іншых бытавых рэчаў з дрэва, лыка і кары. У 1881 годзе працавала смалакурня[2].
З 1919 года ў Клімавіцкім павеце Гомельскай губерні РСФСР. У 1919 годзе была адкрыта школа, для якой у 1928 годзе жыхары пабудавалі ўласнае памяшканне. У 1925 годзе ў школе навучалася 60 вучняў, дзейнічалі гурткі па ліквідацыі непісьменнасці сярод дарослых. З 20 жніўня 1924 года ў Бялынкавіцкім, з 4 жніўня 1927 года ў Касцюковіцкім, з 22 лютага 1935 года ў Хоцімскім раёнах. З 9 чэрвеня 1927 года да 26 ліпеня 1930 года ў Магілёўскай акрузе. З 20 лютага 1938 года ў Магілёўскай вобласці. З 20 жніўня 1924 года да 29 студзеня 1960 года з'яўлялася цэнтрам сельсавета. У 1930-я гады вяскоўцы ўступілі ў калгас. У 1934 годзе адкрыты дзіцячая пляцоўка і яслі. У 1935 годзе вёска была электрыфікавана[2].
Падчас Вялікай Айчыннай вайны з чэрвеня 1941 года да 27 верасня 1943 года акупіравана нямецка-фашысцкімі захопнікамі. У вёсцы і яе ваколіцах у 1941 годзе базіраваўся партызанскі атрад Дз. М. Мядзведзева. У чэрвені 1942 года гітлераўцы спалілі 100 двароў[2].
20 верасня 2013 года, пасля скасавання Батаеўскага сельсавета, аграгарадок увайшоў у склад Бяседавіцкага сельсавета[4].
Насельніцтва
[правіць | правіць зыходнік]- **XVIII стагоддзе**: 1779 год — 14 жыхароў; 1799 год — 10 двароў, 80 жыхароў.
- **XIX стагоддзе**: 1816 год — 15 двароў, 118 жыхароў; 1847 год — 57 двароў, 208 жыхароў; 1880 год — 53 двары, 318 жыхароў; 1897 год — 66 двароў, 505 жыхароў.
- **XX стагоддзе**: 1909 год — 81 двор, 599 жыхароў; 1940 год — 110 двароў, 330 жыхароў; 1986 год — 100 гаспадарак, 254 жыхары.
- **XXI стагоддзе**: 2007 год — 109 гаспадарак, 288 жыхароў[2]; 2016 год — 191 жыхар.
Інфраструктура
[правіць | правіць зыходнік]У 1986 годзе ў вёсцы дзейнічалі пачатковая школа, дзіцячы сад-яслі, Дом культуры, бібліятэка, магазін, сталовая, комплексны прыёмны пункт бытавога абслугоўвання, фельчарска-акушэрскі пункт і аддзяленне сувязі[2].
Па стане на 2007 год Батаева з'яўлялася цэнтрам СВК «Батаева». У аграгарадку былі размешчаны дзіцячы сад-яслі, Дом культуры, бібліятэка, магазін, сталовая, фельчарска-акушэрскі пункт і аддзяленне сувязі[2].
Памяць
[правіць | правіць зыходнік]- За 0,5 км на паўночны захад ад вёскі ў 1975 годзе пастаўлена стэла ў гонар партызан[2].
- У цэнтры вёскі ў 1977 годзе пастаўлена стэла на ўшанаванне памяці 160 землякоў, якія загінулі на фронце ў гады Вялікай Айчыннай вайны[2].
Зноскі
- ↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
- ↑ а б в г д е ё ж з і к л Батаева // Гарады і вёскі Беларусі: Энцыклапедыя. Т. 7, кн. 3. Магілёўская вобласць / рэдкал.: Т. У. Бялова (дырэктар) [і інш.]. — Мінск: Беларуская Энцыклапедыя імя Петруся Броўкі, 2009. — 544 с. — ISBN 978-985-11-0452-5.
- ↑ Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 31. — 64 с. — 10 000 экз. — ISBN 978-985-508-173-0.
- ↑ Решение Могилевского областного Совета депутатов от 20.09.2013 № 22-12 Об изменении административно-территориального устройства некоторых административно-территориальных единиц Могилевской области Архівавана 15 ліпеня 2015.
Літаратура
[правіць | правіць зыходнік]- Батаева // Гарады і вёскі Беларусі: Энцыклапедыя. Т. 7, кн. 3. Магілёўская вобласць / рэдкал.: Т. У. Бялова (дырэктар) [і інш.]. — Мінск: Беларуская Энцыклапедыя імя Петруся Броўкі, 2009. — 544 с. — ISBN 978-985-11-0452-5.
Спасылкі
[правіць | правіць зыходнік]
На Вікісховішчы ёсць медыяфайлы па тэме Батаева
