Беларусь галаўнога мозгу
| Беларусь галаўнога мозгу | |
|---|---|
 Лагатып у Тэлеграме медыя | |
| Уладальнік | Ігар Лосік |
| Галоўны рэдактар | невядомы |
| Дата заснавання | 2011 |
| Мова |
руская беларуская |
| Палітычная прыналежнасць | Супраць рэжымаў Лукашэнкі і Пуціна |
| Вэб-сайт | t.me/belamova |
Беларусь галаўнога мозгу — беларускае медыя і палітычны тэлеграм-канал. Праект быў заснаваны ў 2011 годзе блогерам Ігарам Лосікам у Твітэры. Пазней акаўнт набраў папулярнасць і перайшоў у Тэлеграм. «Беларусь галаўнога мозгу» стала адной з крыніц інфармацыі падчас пратэстаў 2020 года, а таксама мела ўплыў на фармаванне пратэстнага парадку дня. Медыя ў Рэспубліцы Беларусь прызнана экстрэмісцкім фармаваннем.
Гісторыя[правіць | правіць зыходнік]
Блогер Ігар Лосік завёў акаўнт @belamova[заўв 1] у Твітэры ў 2011 годзе[1][2]. Да 2015 года блог меў 90 тысяч падпісчыкаў[2]. 15 мая 2016 года быў створаны тэлеграм-канал праекта[3]. Пазней Ігар пачаў публікаваць інфармацыю ў Тэлеграме часцей, чым у Твітары[2]. У 2018 годзе «Беларусь галаўнога мозгу» была самай вядомай беларускай крыніцай навін у Тэлеграм і мела 37,5 тысяч падпісчыкаў[4]. У перыяд з 2018 па 2019 медыя была самым папулярным палітычным каналам у Тэлеграме і займала крытычную пазіцыю адносна дзеянняў афіцыйных уладаў[5]. 25 чэрвеня 2020 года стваральнік медыя Ігар Лосік быў затрыманы ва ўласнай кватэры. Аўтары праекта звязалі гэтае затрыманне з выказваннямі Лукашэнкі пра Тэлеграм[6]. На той момант на канал было падпісана больш за 167 тысяч чалавек[7]. З 9 па 12 жніўня 2020 года, калі ў краіне блакаваўся інтэрнэт, на фоне масавых пратэстаў «Беларусь галаўнога мозгу» нароўні з іншымі тэлеграм-каналамі стала адной з ключавых крыніц інфармацыі. Праект таксама фарміраваў пратэстны парадак дня, паведамляючы аб падзеях, якія адбываюцца і даваў магчымасць іх абмяркоўваць[8]. Падчас пратэстаў з нагоды прэзідэнцкіх выбараў у краіне «Беларусь галаўнога мозгу» стала адным з самых папулярных тэлеграм-каналаў сярод беларускай апазіцыі[9]. У кастрычніку 2020 года праект меў 382 тысячы падпісчыкаў у Тэлеграме і быў на трэцім месцы па колькасці падпісаных чытачоў у беларускім сегменце месэнджэра[10]. 20 лістапада 2020 года МУС Беларусі заявіла, што ведамства затрымала яшчэ аднаго адміністратара канала, аднак медыя гэтую інфармацыю абвергла, а канал працягнуў сваю працу[11]. 20 красавіка 2021 года чыгуначным судом Гомеля медыя было ўнесена ў спіс экстрэмісцкіх[12]. 18 красавіка 2022 года @belamova разам з усімі сваімі сацыяльнымі сеткамі была прызнана ў Рэспубліцы Беларусь экстрэмісцкім фармаваннем[13].
У 2021-м годзе галоўным рэдактарам канала стаў Раман Пратасевіч. Пасля яго затрымання ў маі 2021-га года стала вядома, што канал узначаліў Ян Рудзік, былы удзельнік каманды Nexta[14]. Пазней Рудзік пакінуў праект[15].
БГМ уваходзіць у аб'яднання блогераў пратэсных тэлеграм-каналаў з назвай «Інфапойнт»[16].
Пазіцыя[правіць | правіць зыходнік]
У снежні 2019 года тэлеграм-канал Ігара Лосіка сумесна з Nexta і іншымі беларускімі медыя рэзка выступілі супраць інтэграцыі Беларусі і Расіі, на фоне чутак аб збліжэнні дзяржаў. Яны заявілі, што незалежнасць краіны не з’яўляецца прадметам гандлю, а паглыбленая інтэграцыя з Расіяй не адпавядае нацыянальным інтарэсам[17].
Калі падчас перадвыбарнай гонкі 2020 года сілавікі затрымалі Віктара Бабарыку, які вылучаў сваю кандыдатуру на пасаду прэзідэнта Рэспублікі Беларусь, тэлеграм-канал ацаніў гэта як праяву страху з боку ўлады, якая ўсведамляе свой «трохпрацэнтны» рэйтынг[18].
Заўвагі[правіць | правіць зыходнік]
- ↑ @belamova з'яўляецца кароткім тэгам праекту ў сацыяльных сетках.
Зноскі
- ↑ Артем Горбацевич. Один из героев года — блогер Игорь Лосик @belamova (руск.). Наша Ніва (27 снежня 2015). Архівавана з першакрыніцы 9 красавіка 2023. Праверана 7 студзеня 2024.
- ↑ а б в Аня Перова. Кто такой Игорь Лосик, которого вчера задержали, и что за Telegram-канал он ведет? Объясняем (руск.). tut.by (26 чэрвеня 2020). Архівавана з першакрыніцы 25 студзеня 2021.
- ↑ Нагорняк К. И. 2021.
- ↑ Градюшко А. А. 2021.
- ↑ Лукашевич Д.А., Пронкевич Д.А. 2019.
- ↑ Елена Гункель. В Беларуси задержали администратора Telegram-канала (руск.). Deutsche Welle (2020.06.25). Праверана 6 студзеня 2024.
- ↑ На адміністратара telegram-канала «Беларусь головного мозга» заведзена крымінальная справа . [[Праваабарончы цэнтр «Вясна» |Вясна]] (25 чэрвеня 2020). Архівавана з першакрыніцы 30 студзеня 2023. Праверана 6 студзеня 2024.
- ↑ Патарая К.И., Крымова К.М. 2022.
- ↑ Чимаров С.Ю. 2020.
- ↑ Быков И.А., Градюшко А.А. 2020.
- ↑ МВД: задержана админ 5 каналов. «Беларусь головного мозга» отрицает (руск.). dev.by (2020.11.20). Архівавана з першакрыніцы 26 мая 2023. Праверана 6 студзеня 2024.
- ↑ Телеграм-канал "Беларусь головного мозга" внесли в список экстремистских (руск.). Настоящее Время (20 красавіка 2021). Архівавана з першакрыніцы 6 кастрычніка 2023. Праверана 6 студзеня 2024.
- ↑ Соцсети «Беларусь головного мозга» признаны экстремистским формированием (руск.). Reformation (18 красавіка 2022). Архівавана з першакрыніцы 21 сакавіка 2023. Праверана 6 студзеня 2024.
- ↑ Пасля арышту Пратасевіча рэдактарам канала «Беларусь галаўнога мозгу» стаў Ян Рудзік
- ↑ Блогер Ян Рудзік далучаецца да медыягрупы палка Каліноўскага
- ↑ Што такое Infopoint, доступ да якога атрымаў агент ГУБАЗіКа? . baj.media. Праверана 16 студзеня 2024.
- ↑ Еловик А. А. & 2021 1750.
- ↑ Еловик А. А. & 2021 1752.
Літаратура[правіць | правіць зыходнік]
- Градюшко А. А. Развитие Telegram-каналов в системе цифровых медиа (на примере республики Беларусь)(руск.) // Знак: проблемное поле медиаобразования. — 2021. — № 2 (40).
- Еловик А. А. Образ России в социальных медиа белорусской оппозиции (2019-2020 гг.)(руск.) // Вопросы политологии : журнал. — 2021. — Т. 11. — С. 1749—1752. — ISSN 2225–8922.
- Курочкина М.А., Кушнерук С.Л. Функции прецедентных феноменов в политическом дискурсе выборов в Белоруссии 2020 года(руск.) // Актуальные проблемы филологии и педагогической лингвистики : артыкул. — 2021. — № 4.
- Быков И.А., Градюшко А.А. Влияние мессенджера Telegram на развитие медиапространств России и Беларуси: сравнительный анализ(руск.) // Вестник КазНУ. Серия журналистики : журнал. — 2020. — Т. 58. — № 4. — ISSN 1563-0242.
- Зиновенко П. Ю. моваовая игра как средство выражения речевой агрессии в русскоязычных каналах мессенджеров «Viber», «Telegram»(руск.) // Слово в мовае, речи, тексте : сборник. — 2023. — Май — С. 66. — ISBN 978-985-22-0358-6. Архівавана з першакрыніцы 6 студзеня 2024.
- Лукашевич Д.А., Пронкевич Д.А. Telegram как политическое медиа и производитель fakenews(руск.) : артыкул. — БНТУ, 2019.
- Чимаров С.Ю. Тактика онлайн-мобилизации протестного движения в Республике Беларусь(руск.) // журнал : Тенденции развития науки и образования. — 2020. — Т. 7. — № 68. — С. 152.
- Нагорняк К. И. Активность оппозиционных Telegram каналов и поведенческий фактор пользователей Google как метод исследования протестов в Белоруссии 2020 года(руск.) // Вестник Российского университета дружбы народов. Серия: Политология : журнал. — 2021. — Т. 23. — № 1. — С. 68—71. — DOI:10.22363/2313-1438-2021-23-1-60-77
- Патарая К.И., Крымова К.М. Национальные сценарии цифровизации политического протеста(руск.) // Конфликтология : журнал. — nota bene, 2022. — № 3. — С. 42—59. — DOI:10.7256/2454-0617.2022.3.36736
