Беларусь (радыёстанцыя)

Беларусь
Горад	Мінск
Краіна	Беларусь
Дата пачатку вяшчання	1962
Уладальнік	Нацыянальная дзяржаўная тэлерадыёкампанія Рэспублікі Беларусь
Кіраўнікі	Навум Якаўлевіч Гальпяровіч
Сайт	radiobelarus.tvr.by

Радыёстанцыя «Беларусь» — структурнае падраздзяленне Нацыянальнай дзяржаўнай тэлерадыёкампаніі Рэспублікі Беларусь.

На кароткіх хвалях радыёстанцыя гучыць у міжнародным эфіры з 11 мая 1962 года. Спачатку перадачы былі толькі на беларускай мове. У сакавіку 1985 года служба пачала трансляцыю перадач нямецкая служба. У 1998 годзе радыёстанцыя пачала вяшчанне на рускай і англійскай мовах. З 2006 года вяшчае на польскай мове.

У праграмах радыёстанцыі выпускі навін і інфармацыйна-аналітычныя выпускі, радыёсустрэчы, перадачы пра гісторыю, культуру, духоўныя каштоўнасці беларускага народа. Прыярытэтны кірунак музычнай палітыкі — папулярызацыя лепшых узораў народнай, класічнай і сучаснай беларускай музыкі.

Вяшчанне радыёстанцыі «Беларусь» ажыццяўляецца штодзённа на кароткіх і сярэдніх хвалях, а таксама (з 2005) у Інтэрнэце. Радыёстанцыя выкарыстоўвае таксама FM-перадатчыкі і частоты:

Брэст — 96.4 МГц

Гродна — 96.9 МГц

Свіслач — 100.8 МГц

Геранёны — 99.9 МГц

Браслаў — 106.6 МГц

Мядзел — 102.0 МГц

Дырэктар — Навум Якаўлевіч Гальпяровіч.

Міжнародны эфір

Радыё Беларусь працуе на шэрагу замежных моў з 1985 г. У 2020-х гг. міжнародны эфір раздзяліл на 2 станцыі, якія вяшчаюць праз інтэрнэт і мабільныя прыкладанні. Адна з іх, «Międzynarodowe Radio Białoruś», практычна поўнасцю вядзецца на польскай мове з удзелам польскамоўных беларускіх журналістаў і іншых спецыялістаў, здольных свабодна размаўляць па-польску, і з палякамі, падтрымліваючымі дзяржаўную палітыку Беларусі, сярод якіх палітычны уцекач Томаш Шміт. Часткова эфір могуць запаўняць песні на беларускай мове, і інтэрв'ю з дзяржаўнымі і палітычнымі дзеячамі РБ у перакладзе на полькую мову. Значная частка эфіру прысвечана палітычным пытанням, дзе пануюць ідэі эўраскептызму, мягкай падтрымкі палітыкі Пуціна і Лукашэнкі, крытыка украінскага нацыяналізму з адсылкай да этнічных чыстак палякаў Украіны падчас Другой сусветнай вайны. Таксама на польскай мове робяцца экскурсы ў гісторыю і краязнаўства Беларусі і перадаюцца песні на польскай і беларускай мовах.

Іншы канал дзейнічае пад назвамі «Международное радио "Беларусь"» і «Radio Belarus International», і вядзе значную частку эфіру на рускай мове, але часткова робіць агляд навінаў на некалькіх мовах свету і часам стварае на гэтых мовах краязнаўчы кантэнт пра Беларусь для турыстаў.

Спасылкі

• Афіцыйная старонка Архівавана 31 ліпеня 2019.
• Увага! Гаворыць Мінск — Мінск: Усебеларускі радыёкамітэт пры СНК БССР, 1934 — 75 с. (фота асобных старонак даступна тут)