Навум Якаўлевіч Гальпяровіч

Навум Якаўлевіч Гальпяровіч
Асабістыя звесткі
Дата нараджэння	14 студзеня 1948(1948-01-14) (76 гадоў)
Месца нараджэння	Полацк, Полацкая вобласць, БССР, СССР
Грамадзянства	СССР  Беларусь
Альма-матар	факультэт журналістыкі БДУ Віцебскі дзяржаўны ўніверсітэт імя П. М. Машэрава
Месца працы	Полацк-Шкловалакно Сцяг камунізму Палімір Химик[d] Вожык
Прафесійная дзейнасць
Род дзейнасці	публіцыст, паэт, журналіст
Жанр	лірыка
Мова твораў	беларуская мова
Дэбют	1967
Грамадская дзейнасць
Член у	Саюз пісьменнікаў СССР Саюз беларускіх пісьменнікаў (2005) Наддзвінне Саюз пісьменнікаў Беларусі
Узнагароды	Ганаровы грамадзянін Полацка (2014) выдатнік друку Беларусі[d]
Медыяфайлы на Вікісховішчы

Навум Якаўлевіч Гальпяровіч (нар. 14 студзеня 1948, Полацк) — беларускі журналіст, паэт.

Біяграфія

Нарадзіўся ў сям’і рабочага. Пасля заканчэння сярэдняй школы працаваў на Полацкім шклозаводзе (1966—1967), у полацкай аб’яднанай газеце «Сцяг камунізму» (1967—1977). Вучыўся завочна на факультэце журналістыкі БДУ. У 1977 годзе пераехаў у Наваполацк.

Скончыў завочна Віцебскі педагагічны інстытут (1979). У 1977—1980 — рэдактар радыёвяшчання вытворчага аб’яднання «Палімір» у Наваполацку, у 1980—1981 — супрацоўнік наваполацкай гарадской газеты «Химик», з 1981 — уласны карэспандэнт Дзяржтэлерадыё БССР па Віцебскай вобласці, аўтар шматлікіх рэпартажаў, аналітычных матэрыялаў. З 1997 года жыве ў Мінску. Працаваў намеснікам галоўнага рэдактара ў часопісе «Вожык», намеснікам старшыні Саюза беларускіх пісьменнікаў, зараз намеснік дырэктара — загадчык аддзела музычных і літаратурна-мастацкіх праграм дырэкцыі канала «Культура» Беларускага радыё Нацыянальнай дзяржаўнай тэлерадыёкампаніі.

Член Саюза беларускіх пісьменнікаў з 1990 года, пазней перайшоў у праўладны Саюз пісьменнікаў Беларусі (створаны ў 2005), у 2022 годзе ўваходзіў у прэзідыум Саюза пісьменнікаў Беларусі.

Творчасць

Дэбютаваў вершам у 1967 годзе (газета «Химик», Наваполацк). Адзін з аўтараў калектыўнага зборніка паэзіі «Сцяжына» (1983). Аўтар кніг паэзіі «Сцяжына», «Брама» (1990), «Востраў душы», «Струна», «Святло ў акне», «Гэта ўсё для цябе», «Голас і рэха», кнігі прозы «Шляхі і вяртанні», а таксама шматлікіх публікацый у калектыўных сборніках. Таксама выступае з літаратурна-крытычнымі і публіцыстычнымі артыкуламі.

На вершы Навума Гальпяровіча напісаны песні беларускімі кампазітарамі Эдуардам Зарыцкім, Уладзімірам Буднікам, Алегам Елісеенкавым, Валерыем Івановым і інш. Асобныя творы перакладзены на рускую, балгарскую, румынскую і польскую мовы.

Узнагароды

Заслужаны дзеяч культуры Рэспублікі Беларусь (2021).

Бібліяграфія

• Востраў душы: вершы / Н. Гальпяровіч. — Мн., 1995. — 110 с.
• Гальпяровіч Н., Пятрэнка М. Застаецца песня і Радзіма. — Полацк, 1996. Змест: «Застаецца песня»; «Радзіма»; «Выток»; «Вяртанне»; «Сафійка»; «Полацк — родны край»; «Белыя фарбы зімы»; «Баравуха»; «Прадыслава»; «Расоншчына»; «Каб усё збылося»; «Не выходзь з пакоя, не выходзь»; «Памаўчым»; «Дзіўнае святло»; «На востраве душы»; «Акварэлі»; «Мне б толькі ўспомніць»; «Адляталі ціха жураўлі».
• Струна: вершы / Н. Гальпяровіч. — Мн., 1997. − 109 с.
• Шляхі і вяртанні: кн. эсэ / Н. Гальпяровіч. — Мн.: ВВР УП «Дом прэсы», 2001. — 63 с.
• Святло ў акне: вершы: для сярэд. і ст. шк узросту / Маст. У. Б. Максімаў. — Мн., 2002. — 110 с.
• Голас і рэха: кн. паэзіі / Н. Я. Гальпяровіч. — Мн., 2005. — 119 с.
• Гэта ўсё для цябе: вершы, мініяцюры, навэлы / Н. Гальпяровіч. — Мн.: Мастацкая літаратура, 2006. — 238 с.
• На трапяткім агні. — Мн.: Літаратура і мастацтва, 2012.
• Сюжэт для вечнасці — Мн.: Мастацкая літаратура, 2013.

Публікацыі

• Імгненні найсалодкага адчаю: вершы / Навум Гальпяровіч // Край. — Наваполацк, 1997. — С. 40-42.
• Вершы / Навум Гальпяровіч // Полацкі веснік. — 1998. — 13 студзеня. — С. 2.
• Нізка вершаў / Навум Гальпяровіч // Беларусь. — 1998. — № 2. — С. 23.
• «…гэтак на свеце трывожна…»; «Мой анёл малады, зарастаюць сляды…»: вершы / Навум Гальпяровіч // Бацькаўшчына. — Мн., 2000. — С. 131.
• На дошцы габляванай напішу…; Жабрачку бачыў: у метро хадзіла…; На стыку стагоддзяў; Вада; Вясновай стынню, красавіцкім днём…; Вечар з ранкам уступяць у змову / Навум Гальпяровіч // Полымя. — 2000. — № 8. — с. 107—109.
• Маруся: Апавяданні / Навум Гальпяровіч // Крыніца. — 2001. — № 11/12. — с.57-69. — Змест: «Маруся»; «Бабуля»; «Шэры».
• З Каляднага альбома: вершы / Навум Гальпяровіч // Полацкі веснік. — 2001. — 5 студзеня.
• Жыццё і лёс: вершы / Навум Гальпяровіч // ЛіМ. — 2001. — 2 сакавіка (№ 9). — с.8.
• Нізка вершаў / Навум Гальпяровіч // Звязда. — 2001. — 22 жніўня. — с.4.
• Туга па жанчыне: вершы / Н. Гальпяровіч // ЛіМ. — 2001. — 30 лістап.(№ 48). — с.8.
• З цыкла «Шляхі і вяртанні» / Навум Гальпяровіч // ЛіМ. — 2002. — 22 сакавіка. — с.13.
• Цёзка касманаўта: апавяданне / Н. Гальпяровіч // Звязда. — 2002. — 7 жніўня.
• Белая кроў: З новай кнігі / Навум Гальпяровіч // ЛіМ. — 2002. — 27 верасня. — с.9.
• «Радня»; «Паміж цэнтрам і ўскраінай»; «Выйшаў сейбіт на нівы свае»; «Гэты далёкі свет»; «Пацярпі, сынок…»; «Бабуля»; «Веі замружу і ўбачыцца вечар…»; «Старадаўні афорт»; ;Сімяон Полацкі"; «Вясна 1664 г.»: вершы / Н. Гальпяровіч // Там, дзе вежы Сафіі. — Мн., 2003. — с. 137—153.
• Тры вершы пра каханне: «Калі душа сціскаецца ад суму…»; «Калі табе твой боль туманіць вочы зноў…»; «Апошняе каханне, бы восеньскі туман…» / Н. Гальпяровіч // Звязда. — 2003. — 13 лістапада.
• На белым палатне зімы…: вершы / Навум Гальпяровіч // ЛіМ. — 2003. — 17 студзеня. — с.8.
• Песня: вершы / Н. Гальпяровіч // ЛіМ. — 2003. — 20 чэрв. (№ 25). — с.5.
• Юнае лета: з цыкла «Шляхі і вяртанні» / Н. Гальпяровіч.// ЛіМ. — 2003. — 17 кастрычніка.
• Кароткія апавяданні / Н. Гальпяровіч // Маладосць. — 2003. — № 12. — с.74-79. — Змест: «Рыбніца»; «Таямніца»; «Ён і Яна».
• Наша перамога: хроніка Вялікай Айчын. вайны: прысвеч. 60-годдзю Перамогі над нямец.-фашысцк. захопнікамі / уклад. М. Ф. Кадзет, У. П. Саламаха, фат. П.Кастраты — Мн.: Літ. і мастацтва, 2004. — 319 с. — Частка тэксту руск. — Змяшчае аўтар.: … Гальпяровіч Н., … Лукша В., … Савіцкі А …
• Гэта ўсё для цябе…: вершы / Н.Гальпяровіч // ЛіМ. — 2004. — 13 лютага. — с.8.
• З восеньскага сшытка: вершы / Н. Гальпяровіч // Звязда. — 2004. — 20 кастрычніа. — Змест: «Раставаннем ад нематы…», «Тоненькая кропелька святла…», «Не давай мне згубіць надзею…», «Ты ціха коўдру адгарні…», «Я ўсё жыццё табе адной аддам…»
• «Мне салодка прысніцца…», «Я ізноў са сваёю віною…», «А можа, усё маё былое…», «Мне ранак птушка праспявала…», «Мой лёс, як тая лодачка…»: вершы / Н.Гальпяровіч // Літаратура і мастацтва. — 2005. — 21 студзеня (№ 3). — с.8.
• Памяці А. Пісьмянкова; «Гэты ціхі дакор…»; «Я сум свой на аблоках напісаў…»: вершы / Н. Гальпяровіч // Звязда. — 2005. — 23 лютага.
• «Я вучань. Птушкі пішуць мне…»: вершы / Н.Гальпяровіч // Маладосць. — 2005. — № 3. — с. 148.
• Новыя вершы / Н. Гальпяровіч // Звязда. — 2006. — 18 сакавіка. — с.6.

Літаратура

• Гальпяровіч Навум // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X., С. 119—120;
• Гальпяровіч Навум // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995. Т.2., С.102-103;
• Беларуская энцыклапедыя ў 18 т. Т.4. — Мн., 1997. С. 478;
• Памяць: гіст.-дак. хроніка Полацка. — Мн., 2002. С. 785.

Спасылкі

• На Вікісховішчы ёсць медыяфайлы па тэме Навум Якаўлевіч Гальпяровіч