Валокі (Магілёўскі раён)

Вёска Валокі Краіна Беларусь Вобласць Магілёўская Раён Магілёўскі Сельсавет Пашкаўскі Каардынаты 54°02′06″ пн. ш. 30°16′05″ у. д. Часавы пояс UTC+3 Тэлефонны код +375 222 Паштовыя індэксы 213124 Аўтамабільны код 6 СААТА 7244840011 Валокі на карце Беларусі ±

Валокі на Вікісховішчы

Вало́кі (трансліт.: Valoki, руск.: Волоки) — вёска ў Магілёўскім раёне Магілёўскай вобласці. Уваходзіць у склад Пашкаўскага сельсавета. Чыгуначная станцыя на лініі Магілёў — Орша. Размешчана за 18 км на поўнач ад Магілёва. Рэльеф раўнінны. Транспартныя сувязі па мясцовай дарозе праз в. Купёлы і далей па шашы Шклоў — Магілёў.

Гісторыя

Вёска заснавана ў пачатку 1920-х гадоў перасяленцамі з суседніх вёсак. У сакавіку 1924 года ў выніку першага ўзбуйнення БССР увайшла ў склад Беларусі, з 17 ліпеня 1924 года ў Магілёўскім раёне Магілёўскай акругі (да 26 ліпеня 1930), з 20 лютага 1938 года ў Магілёўскай вобласці. У 1926 годзе хутары. З 1928 года дзейнічала сыраробная арцель. У 1932 годзе арганізаваны калгас «1 Мая», які ў той час меў 339 га зямлі і аб’ядноўваў у 1933 годзе 7 гаспадарак.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецка-фашысцкімі захопнікамі. У 1990 годзе ў складзе калгаса «Зара» (цэнтр — в. Рэчкі 1), працаваў магазін.

Планіроўка

Планіровачна складаецца з 2 прамалінейных паралельных вуліц, арыентаваных з паўднёвага захаду на паўночны ўсход і злучаных завулкамі. Забудавана двухбакова, няшчыльна традыцыйнымі драўлянымі дамамі сядзібнага тыпу. Будынак чыгуначнай станцыі размешчаны адасоблена, каля чыгункі.

Насельніцтва

• XX стагоддзе:
  • 1926 — 13 двароў, 68 жыхароў.
  • 1990 — 57 гаспадарак, 135 жыхароў.
• XXI стагоддзе:
  • 2007 — 37 гаспадарак, 58 жыхароў.

Літаратура

• Валокі // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.

Спасылкі

• На Вікісховішчы ёсць медыяфайлы па тэме Валокі (Магілёўскі раён)