Валянціна Васільеўна Багатырова

З пляцоўкі Вікіпедыя
Jump to navigation Jump to search
Валянціна Васільеўна Багатырова
BogatyrevaVV.jpg
Дата нараджэння 29 мая 1976(1976-05-29) (44 гады)
Месца нараджэння аграгар. Віраўля, Гарадоцкі раён, Віцебская вобласць, Беларуская ССР
Грамадзянства Сцяг СССР СССРСцяг Беларусі Беларусь
Род дзейнасці вучоны
Навуковая сфера эканоміка, фінансы
Месца працы Віцебскі дзяржаўны ўніверсітэт імя П. М. Машэрава
Навуковая ступень доктар эканамічных навук
Навуковае званне прафесар
Альма-матар Полацкі дзяржаўны ўніверсітэт

Валянціна Васільеўна Багатырова (29 мая 1976, аграгар. Віраўля, Гарадоцкі раён, Віцебская вобласць, Беларуская ССР) — беларускі эканаміст, прафесар (2016). Рэктар Віцебскага дзяржаўнага ўніверсітэта імя П. М. Машэрава з 30 студзеня 2020 г.

Біяграфія[правіць | правіць зыходнік]

У 1997 г. скончыла Полацкі дзяржаўны ўніверсітэт па спецыяльнасці «Бухгалтарскі ўлік, аналіз і аўдыт». З 1997 да 2001 гг. праходзіла навучанне ў аспірантуры Беларускага дзяржаўнага эканамічнага універсітэта па спецыяльнасці «Бухгалтарскі ўлік, статыстыка».

У 1997—2001 гг. працавала старшым выкладчыкам кафедры эканомікі і фінансаў Полацкага дзяржаўнага ўніверсітэта. У 2001 г. абараніла кандыдацкую дысертацыю па тэме «Развитие учета формирования финансовых результатов на промышленных предприятиях Республики Беларусь». У тым жа годзе прызначана на пасаду загадчыка кафедры фінансаў ПДУ. У 2004 г. прысвоена вучонае званне дацэнта па спецыяльнасці «Эканоміка». У 2006 г. Валянціна Багатырова атрымала Стыпендыю Прэзідэнта Рэспублікі Беларусь за важкі ўклад у развіццё эканамічнай навукі. У 2014 г. абараніла доктарскую дысертацыю на тэму «Финансовое управление воспроизводством человеческого капитала: теория, методология, моделирование». У 2016 г. прысвоена вучонае званне прафесара па спецыяльнасці «Эканоміка».

У 2017 г. працавала на пасадзе прарэктара, а з 20182020 гг. — першым прарэктарам Віцебскага дзяржаўнага універсітэта імя П. М. Машэрава гг.

30 студзеня 2020 г. прызначана на пасаду рэктар Віцебскага дзяржаўнага універсітэта імя П. М. Машэрава.

Навуковыя інтарэсы[правіць | правіць зыходнік]

Валянціна Багатырова з'яўляецца аўтарам прац па эканоміке ў вобласці фінансаў; грашовага звароту і крэдыту; бухгалтарскага ўліку і статыстыкі.

Узнагароды[правіць | правіць зыходнік]

  • Нагрудны Знак УА «Полацкі дзяржаўны універсітэт» (2008);
  • Нагрудны Знак «За ўклад у патрыятычнае выхаванне моладзі» (2008);
  • Грамата Міністэрства адукацыі Рэспублікі Беларусь за шматгадовую добрасумленную педагагічную дзейнасць у падрыхтоўцы высокакваліфікаваных спецыялістаў (2008);
  • Ганаровая грамата Міністэрства адукацыі Рэспублікі Беларусь за добрасумленную плённую навукова-педагагічную дзейнасць, дасягнутыя поспехі ў падрыхтоўцы высокакваліфікаваных спецыялістаў (2013);
  • Нагрудны знак Міністэрства адукацыі Рэспублікі Беларусь «Выдатнік адукацыі» за значны ўклад у развіццё адукацыі, ўкараненне перадавога педагагічнага вопыту, узорнае выкананне працоўных абавязкаў, высокія дасягненні ў навучанні і выхаванні дзяцей і моладзі (2019).

Зноскі