Васіль Аляксандравіч Сухамлінскі

Васіль Аляксандравіч Сухамлінскі
укр.: Василь Олександрович Сухомлинський
Дата нараджэння	28 верасня 1918(1918-09-28)
Месца нараджэння	Васыліўка, Васілеўская воласць[d], Александрыйскі павет[d], Херсонская губерня, Украінская дзяржава
Дата смерці	2 верасня 1970(1970-09-02) (51 год)
Месца смерці	Паўлыш, Ануфрыіўскі раён, Кіраваградская вобласць, УССР, СССР
Месца пахавання	Паўлыш
Грамадзянства	СССР
Род дзейнасці	настаўнік, пісьменнік, журналіст, педагог, публіцыст, паэт
Навуковая сфера	педагогіка, публіцыстыка, Белетрыстыка і паэзія
Навуковая ступень	кандыдат педагагічных навук
Навуковае званне	член-карэспандэнт АПН СССР[d]
Альма-матар	Палтаўскі нацыянальны педагагічны ўніверсітэт імя У. Г. Караленкі
Прэміі
Узнагароды
Медыяфайлы на Вікісховішчы

Васіль Аляксандравіч Сухамлінскі (укр.: Василь Олександрович Сухомлинський; 28 верасня 1918, в. Васыліўка, Александрыйскі павет, Херсонская губерня — 2 верасня 1970, пас. Паўлыш, Ануфрыеўскі раён, Кіраваградская вобласць, Украінская ССР) — украінскі савецкі педагог. Член-карэспандэнт Акадэміі педагагічных навук СССР (1968), кандыдат педагагічных навук (1955), заслужаны настаўнік школы Украінскай ССР (1958), Герой Сацыялістычнай Працы (1968).

Скончыў Палтаўскі педагагічны інстытут (1939). Выкладаў украінскую мову і літаратуру ў сельскіх школах Ануфрыеўскага раёна Кіраваградскай вобласці. У 1944—1948 гадах загадчык Ануфрыеўскага райана. З 1948 года дырэктар Паўлышскай сярэдняй школы, якая стала своеасаблівай навуковай лабараторыяй, дзе ўвесь педагагічны калектыў удзельнічаў у шматгадовай доследна-эксперыментальнай дзейнасці.

Аўтар навуковых прац па праблемах практычнай педагогікі. Стварыў арыгінальную педагагічную сістэму заснаваную на антрапалагічным падыходзе, гарманізацыі форм, сродкаў і метадаў педагагічнай дзейнасці, прызнання асобы дзіцяці вышэйшай каштоўнасцю працэсаў выхавання і адукацыі.

Беларускія пераклады

• Блакітныя жураўлі: апавяданні, казкі / Васіль Сухамлінскі; пераклад з украінскай мовы, [прадмова] В. Віткі; агульная рэдакцыя Я. Брыля. — Мінск: Народная асвета, 1971.

Літаратура

• Вітка В. «Сэрца аддаю дзецям»: Настаўнік // Вітка В. Выбр. творы. Т. 2. Мн., 1973.
• Сухамлі́нскі Васіль Аляксандравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 295. — 10 000 экз. — ISBN 985-11-0035-8. — ISBN 985-11-0251-2 (т. 15).