Ваяводскі мундзір
Ваяводскі мундзір — святочны строй польскай шляхты, які мусілі насіць падчас з’ездаў сеймікавых і сеймавых паслы кожнага ваяводства і павета. Быў прыняты пастановай на сейме Рэчы Паспалітай у 1776 годзе, выкарыстоўваўся ў 1776—1795 гадах.
Гісторыя[правіць | правіць зыходнік]
Сейм 1776 года рэкамендаваў шляхце кожнага ваяводства насіць аднастайныя строі, выкананыя абавязкова з мясцовага сукна, якія павінны былі стаць элементам, які адрозніваў і вызначаў дэпутатаў ад дадзенага рэгіёна. Нягледзячы на тое, што канстытуцыя Сейма не ўказвала знешні выгляд уніформы і ўводзіла свабоду іх нашэння, рэкамендацыі Сейма былі практычна неадкладна выкананы, і асобныя сеймікі прынялі ўласныя колеры адзення, жупанаў і паясоў. Паны прыехалі на Сейм у 1778 годзе ў ваяводскіх мундзірах. Некаторыя ваяводствы (у тым ліку Бжесць-Куяўскае і Інаўроцлаўскае ) таксама ўвялі асобную сеймавую форму, адрозную ад адзення на сейміках. Закон аб ваяводскіх мундзірах быў пацверджаны Сеймам 1780 года , адначасова забараняючы насіць з імі любыя ўпрыгажэнні.
Ваяводскія мундзіры, якія ўзніклі на хвалі супраціву кансерватыўна настроенай шляхты супраць французскай моды, унеслі свой уклад у абуджэнне нацыянальнай самасвядомасці і згулялі сваю ролю ў працэсе стварэння польскага нацыянальнага касцюму. На яго спаслаўся сейм Герцагства Варшаўскага, увёўшы для шляхты па ўсёй краіне адзіны цэласны строй.
Прыклады[правіць | правіць зыходнік]
- ваяводства Брацлаўскае: кунтуш ясна-шафіравы, вылогі[2] шкарлатныя[3], жупан белы[4]
- ваяводства Віленскае: кунтуш гранатавы, вылогі і жупан кармазінавыя[5][4]
- павет Ашмянскі: кунтуш, вылогі і жупан зялёныя[4]
- ваяводства Полацкае: кунтуш кармазінавы, вылогі і жупан гранатавыя[4]
- ваяводства Новагародскае: кунтуш шкарлатны, жупан і вылогі чорныя[4]
- павет Слонімскі: кунтуш шафіравы, жупан і вылогі саламянага колеру; на сейме — кунтуш кармазінавы, жупан і вылогі шафіравыя[4]
- павет Ваўкавыскі: кунтуш гранатавы, жупан і вылогі кармазінавыя; на сейм — кунтуш кармазінавы, вылогі і жупан гранатавы[4]
- павет Аршанскі, ваяводства Віцебскае: кунтуш зялёны, вылогі і жупан белыя[4]
- ваяводства Брэст-Літоўскае: кунтуш шафіравы, вылогі кармазінавыя, жупан і пас белыя[4]
- ваяводства Мсціслаўскае: кунтуш гранатавы, вылогі блакітныя, жупан саламяны[4]
- ваяводства Менскае: кунтуш кармазінавы, жупан і вылогі гранатавыя[4]
- павет Рэчыцкі Менскага ваяводства: кунтуш кармазінавы, жупан і вылогі белыя[4][6]
Зноскі
- ↑ Szlachta w mundurach wojewódzkich na polu elekcyjnym
- ↑ Дэталі мундзіра, якія розніліся колерам ад агульнага колеру мундзіра: каўнер, лацканы, манжэты, акантоўкі
- ↑ пурпурныя, ярка-чырвоныя
- ↑ а б в г д е ё ж з і к л Бялявіна, В. М. Беларускі касцюм / В. М. Бялявіна, Л. В. Ракава. — Мінск : Беларусь, 2017. — 463 с. : іл. ISBN 978-985-01-1241-5
- ↑ цёмна-чырвоныя
- ↑ Zygmunt Gloger. Geografia historyczna ziem dawnej Polski
Літаратура[правіць | правіць зыходнік]
- Tadeusz Jeziorowski , Andrzej Jeziorkowski. Mundury wojewódzkie Rzeczypospolitej Obojga Narodów. — Warszawa, 1992. — ISBN 83-85314-02-4.
Спасылкі[правіць | правіць зыходнік]
Ваяводскі мундзір на Вікісховішчы |
- Mundury wojewódzkie .
- Mundury wojewódzkie a renesans polskiego stroju narodowego w epoce stanisławowskiej (руск.)