Веньямін Міхайлавіч Захараў

Веньямін Міхайлавіч Захараў
Веньямін Міхайлавіч Захараў
Дата нараджэння	22 студзеня 1969
Месца нараджэння	Мінск, БССР, СССР;
Дата смерці	8 сакавіка 2024 (55 гадоў)
Грамадзянства	СССР; Беларусь;
Адукацыя	Беларуская дзяржаўная харэаграфічная гімназія-каледж;
Прафесія	артыст балета
Гады актыўнасці	1987 — 2001
Тэатр	Нацыянальны акадэмічны Вялікі тэатр оперы і балета Рэспублікі Беларусь;
Узнагароды	Прэмія імя Л. Александроўскай (1996)

Веньямін Міхайлавіч Заха́раў (22 студзеня 1969(1969-01-22), Мінск — 8 сакавіка 2024(2024-03-08)) — беларускі артыст балета. Заслужаны артыст Беларусі (1994).

Біяграфія[правіць | правіць зыходнік]

Нарадзіўся 22 студзеня 1969 года ў Мінску. Скончыў Беларускае харэаграфічнае вучылішча ў 1987 годзе.

У 1987—2001 гадах — саліст Нацыянальнага акадэмічнага тэатра балета Беларусі. У 18 гадоў ён стаў артыстам тэатра, а ў 23 гады ўжо быў вядучым майстрам сцэны. За сваю балетную кар’еру Веньямін Захараў выходзіў на сцэну больш за тысячу разоў — у галоўных партыях у балетах.

Яго танец вызначаюць пластычная выразнасць, высокі скачок, тэмперамент, імкненне да раскрыцця ўнутранага свету герояў. Сярод партый: Зігфрыд, Дэзірэ, Прынц («Лебядзінае возера (руск.) (бел.», «Спячая прыгажуня (руск.) (бел.», «Шчаўкунок» П. Чайкоўскага), Крас і Спартак («Спартак (руск.) (бел.» А. Хачатурана), Базіль і Эспада, Салор («Дон Кіхот», «Баядэрка (руск.) (бел.» Л. Мінкуса), Тарэра і Хазэ («Кармэн-сюіта (руск.) (бел.» Ж. Бізэ—Р. Шчадрына), Бог («Стварэнне свету» А. Пятрова), Алі і Конрад, Альберт («Карсар (руск.) (бел.», «Жызэль (руск.) (бел.» А. Адана), Юнак («Вясна свяшчэнная (руск.) (бел.» І. Стравінскага), Жан дэ Брыен («Раймонда (руск.) (бел.» А. Глазунова), Уладзімір («Страсці» А. Мдывані).

Пасля таго, як пакінуў сцэну, ён працаваў рэпетытарам па балеце ў Музычным тэатры і выкладаў акцёрскае майстэрства ў Беларускай харэаграфічнай гімназіі-каледжы.

Памёр 8 сакавіка 2024 года^[1].

Прэміі і ўзнагароды[правіць | правіць зыходнік]

Лаўрэат міжнародных конкурсаў артыстаў балета імя С. Дзягілева (Масква, 1992, 2-я прэмія СЛіфара), «Арабеск-92» (Перм, Расія), 7-га Міжнарароднага конкурсу артыстаў балета (Масква, 1993, 2-я прэмія і прыз за лепшае выкананне сучаснай харэаграфіі), прэміі імя Л. Александроўскай у складзе групы салістаў балета «Страсці» (1996).

Дзяржаўная прэмія Беларусі (1996).

Зноскі[правіць | правіць зыходнік]

↑ Ушел из жизни «белорусский Спартак»

Літаратура[правіць | правіць зыходнік]

Л. І. Вішнеўская. Захараў // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
Тэатральная Беларусь: энцыклапедыя. У 2 т. Т. 1. — Мінск, 2002.

[1] Ушел из жизни «белорусский Спартак»

[1]