Радзівон Канстанцінавіч Шчадрын

Радзівон Канстанцінавіч Шчадрын
руск.: Родион Константинович Щедрин
Асноўная інфармацыя
Дата нараджэння	16 снежня 1932(1932-12-16)[…] (91 год)
Месца нараджэння	Масква, РСФСР, СССР[…]
Краіна	Літва  Расія
Жонка	Мая Міхайлаўна Плісецкая
Альма-матар	Маскоўская дзяржаўная кансерваторыя імя П. І. Чайкоўскага (1955) Цэнтральная музычная школа[d]
Месца працы	Маскоўская дзяржаўная кансерваторыя імя П. І. Чайкоўскага
Музычная дзейнасць
Педагог	Юрый Аляксандравіч Шапорын і Yakov Flier[d]
Прафесіі	кампазітар, піяніст, музычны педагог, лібрэтыст, выкладчык універсітэта
Інструменты	фартэпіяна
Жанры	опера, сімфонія і балет
Грамадская дзейнасць
Член у	Саюз кампазітараў СССР[d] Саюз кінематаграфістаў СССР Акадэмія мастацтваў ГДР[d] Берлінская акадэмія мастацтваў Баварская акадэмія прыгожых мастацтваў[d]
Прэміі
Узнагароды
shchedrin.de
Медыяфайлы на Вікісховішчы

Радзівон Канстанцінавіч Шчадрын (16 снежня 1932, Масква) — расійскі кампазітар, піяніст, музычна-грамадскі дзеяч. Народны артыст СССР (1981). Член-карэспандэнт Баварскай акадэміі прыгожых мастацтваў (1976). Ганаровы член АМ ГДР (1983).

Біяграфія

Скончыў у 1955 годзе Маскоўскую кансерваторыю па класе кампазіцыі Ю. А. Шапорына і класе фартэпіяна Я. У. Фліера.

Творчасць

Працуе ў розных жанрах. Узбагаціў выразныя магчымасці музыкі, стварыў новы тып вакальна-інструментальных твораў, увёў прыёмы народнай манеры спеваў у акадэмічным жанры.

Дасягненні ў галіне музычнага тэатра звязаны з увасабленнем рускай літаратурнай класікі. Сярод твораў: оперы «Не толькі каханне» (пастаўлены ў 1961), «Мёртвыя душы» (пастаўлены ў 1977), балеты «Канёк-гарбунок» (пастаўлены ў 1960), «Кармэн-сюіта» (пастаўлены ў 1967, паводле оперы «Кармэн» Ж. Бізэ; у Дзяржаўным тэатры оперы і балета Беларусі паст. 1974), «Ганна Карэніна» (пастаўлены ў 1972), 2 сімфоніі (1958, 1965), «Камерная сюіта» для камернага аркестра (1961; у тэатры оперы і балета Беларусі пастаўлены аднайменны балет, 1974), канцэрты для аркестра, творы для фартэпіяна, хары, музыка да спектакляў драматычнага тэатра, кінафільмаў, у т.л. «Нармандыя — Нёман», і інш.

Выступае як музычны крытык.

Узнагароды

Дзяржаўная прэмія СССР (1972). Ленінская прэмія (1984). Дзяржаўная прэмія Расіі (1992).

Літаратура

• Шчадрын Радзівон Канстанцінавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).
• Тараканов М. Творчество Родиона Щедрина. М., 1980;
• Прохорова Н. Родион Щедрин: Начало пути. М., 1989.

Спасылкі

• На Вікісховішчы ёсць медыяфайлы па тэме Радзівон Канстанцінавіч Шчадрын