Вялешына 1

Вёска Вялешына 1 Краіна Беларусь Вобласць Мінская Раён Капыльскі Сельсавет Бабаўнянскі Каардынаты 53°16′25″ пн. ш. 27°08′35″ у. д. Насельніцтва ▼68 чал. (2009) Часавы пояс UTC+3 Тэлефонны код +375 1719 Аўтамабільны код 5 Вялешына 1 Вялешына 1

Вяле́шына 1 (трансліт.: Vialiešyna 1, руск.: Велешино 1) — вёска ў Капыльскім раёне Мінскай вобласці. Уваходзіць у склад Бабаўнянскага сельсавета. У вёсцы створаны музей Генадзя Галубовіча.

Гісторыя

У пачатку XX стагоддзя вёска адносілася да Цялядавіцкай воласці Слуцкага павета Мінскай губерні. У 1912 годзе дзейнічала земскае народнае вучылішча, якое пасля 1917 года мела статус працоўнай школы 1-й ступені. У 1929 годзе вёска ўваходзіла ў калгас «Вызваленне», па стане на 1933 год працавалі ветраны млын і кузня. Да 2016 года вёска ўваходзіла ў склад Слабада-Кучынскага сельсавета.

Насельніцтва

• 1886 год — 44 двары, 254 жыхары
• 1909 год — 78 двароў, 990 жыхароў
• 1997 год — 55 двароў, 130 жыхароў

Вядомыя ураджэнцы і жыхары

• Генадзь Міхайлавіч Галубовіч (1934—1992) — беларускі мастак-графік, кніжны ілюстратар.
• Надзея Высоцкая — беларускі гісторык мастацтва, доктар мастацтвазнаўства, прафесар, даследчык і знаўца старажытнабеларускага жывапісу XII—XVIII стагоддзяў. Жонка Генадзя Галубовіча.

Літаратура

• Новікава Г. М. З гісторыі населеных пунктаў // Памяць: Капыл. р-н: Гіст.-дак. хронікі гарадоў і р-наў Беларусі. — Мн.: Бел. навука, 2001. — С. 592. — 638 с.; іл. — ISBN 985-08-0113-1.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх