1992 год у гісторыі беларускага выяўленчага мастацтва

Пётр Шарыпа «Развітанне з роднай вёскай», 1992. Палатно, алей, 140 х 154 см.

1992 год быў адзначаны шэрагам падзей, якія пакінулі прыкметны след у гісторыі беларускага выяўленчага мастацтва.

Падзеі

• 31 жніўня — быў заснаваны Глыбоцкі гісторыка-этнаграфічны музей
• 1 верасня — адкрыццё Чэрвеньскага раённага краязнаўчага музея
• 19 верасня — адкрыццё Светлагорскай карціннай галерэі «Традыцыя» імя Германа Пранішнікава

Ганаровыя званні

• Анатоль Бараноўскі атрымаў ганаровае званне Заслужанага дзеяча мастацтваў Беларусі
• Юрый Карачун атрымаў ганаровае званне Заслужанага дзеяча мастацтваў Беларусі
• Зоя Літвінава атрымала ганаровае званне Заслужанага дзеяча мастацтваў Беларусі

Творы жывапісу

• «Узыходжанне», Мікола Бушчык
• «Трынаццаць», Мікола Бушчык
• «Лагойшчына», Аляксей Кузьміч

З’явіліся

• Аршанскі музей гісторыі і культуры горада
• Аршанскі музей драўлянай скульптуры разьбяра Сямёна Сцяпанавіча Шаўрова
• Віцебскі мастацкі музей
• Віцебскі музей прыватных калекцый
• Арт-цэнтр Марка Шагала
• Навагрудскі гісторыка-краязнаўчы музей

Галерэя жывапісу

• 
  Аляксей Кузьміч «Лагойшчына»
• 
  Аляксей Кузьміч «Плач Еўфрасінні»

Памерлі

• 30 сакавіка — Вольга Церашчатава (нар. 1926), беларускі мастацтвазнаўца, аўтар манаграфіі «Старажытнабеларускі манументальны жывапіс ХІ—ХVІІІ стагоддзяў» (Мінск, 1986). У канцы 1960-х разам з аднадумцамі на ўласныя сродкі арганізоўвала экспедыцыі па Беларусі для збірання помнікаў нацыянальнай культуры. Удзельнічала ў экспедыцыйнай дзейнасці Інстытуту мастацтвазнаўства, этнаграфіі і фальклору. Такім чынам пачалося стварэнне збору Музея старажытнабеларускай культуры
• 3 красавіка — Ігар Радаман (нар. 1921), мастак-жывапісец родам з Беларусі, партрэтыст, пейзажыст, аўтар манументальных роспісаў і нацюрмортаў; заслужаны дзеяч мастацтваў РСФСР (1982)
• 8 чэрвеня — Анатоль Міцянін (нар. 1918), беларускі савецкі архітэктар, даследчык Мірскага замка. Вылучыў усе асаблівасці архітэктуры замка пасля перабудоў, зробленых у 1930-я гады князем Міхаілам Святаполк-Мірскім, выявіў бровар, які быў зроблены яшчэ пры Радзівілах. Зафіксаваў выгляд замка і яго стан на 1953 год
• 21 чэрвеня — Валерый Слюнчанка (нар. 1945), беларускі архітэктар, мастак-рэстаўратар
• 4 жніўня — Канстанцін Касмачоў (нар. 1911), беларускі савецкі мастак-жывапісец і графік, майстар сюжэтна-гістарычнай карціны і пейзажу, заслужаны дзеяч мастацтваў БССР (1963).
• 13 верасня — Яўген Зайцаў (нар. 1907), народны мастак БССР (1963), член-карэспандэнт Акадэміі мастацтваў СССР (1973), суаўтар дэкаратыўнага пано для кінатэатра «Піянер»
• 18 лістапада — Георгій Бенядзіктаў (нар. 1916), беларускі савецкі архітэктар. Заслужаны архітэктар БССР (1969). Сярод асноўных прац — Белдзяржфілармонія (1963), Палац культуры Мінскага трактарнага завода (1965), Музей гісторыі Вялікай Айчыннай вайны (1967; сумесна з Г. Заборскім) і гасцініца «Юбілейная» (1968)
• Генадзь Галубовіч (нар. 1934), беларускі кніжны графік і ілюстратар
• Таццяна Разіна (нар. 1908), савецкі мастак-жывапісец, сцэнограф, жонка мастака Анатоля Шыбнёва