Погіры (Дзятлаўскі раён)

Вёска Погіры Краіна Беларусь Вобласць Гродзенская Раён Дзятлаўскі Сельсавет Жукоўшчынскі Каардынаты 53°32′10″ пн. ш. 25°23′02″ у. д. Насельніцтва ▼156 чал. (2009) Часавы пояс UTC+3 Тэлефонны код +375 1563 Паштовыя індэксы 231464 Аўтамабільны код 4 СААТА 4223824066 Погіры на карце Беларусі ±

По́гіры (трансліт.: Pohiry, руск.: Погири) — вёска ў Дзятлаўскім раёне Гродзенскай вобласці. Уваходзіць у склад Жукоўшчынскага сельсавета.

Геаграфія

Знаходзіцца за 6 км на поўнач ад Дзятлава, на ўсходзе мяжуе з лесам. Транспартныя сувязі па аўтадарозе М11 Дзятлава—Ліда. Галоўная прамалінейная вуліца выцягнута перпендыкулярна да шашы і забудавана двухбакова драўлянымі і мураванымі сядзібамі. З паўднёвага ўсходу да шашы накіравана другая прамалінейная вуліца. Складскі і гаспадарчы сектар размешчаны на поўнач і поўдзень ад жылля.

Назва

Назва Погіры мясцовага балцка-літоўскага паходжання, звязана з літоўскім pogirys «узлесак, край пушчы; поле каля пушчы», далей да літоўскага giria «пушча».

Погіры зусім да нядаўна ўваходзілі ў арэал астраўной літоўскай Зецельскай гаворкі на нёманскім левабярэжжы.

Гісторыя

Упершыню ўпамінаюцца пад 1580 годам у складзе маёнтка Здзяцель. Мемуарыстамі канца XVII ст. населены пункт згадваецца ў якасці месца палявання. У 1624 годзе згадваюцца ў складзе Краглёўскага войтаўства Дзятлаўскай (Здзянцёльскай) воласці ва ўласнасці Сапегаў.

Насельніцтва

• 1880 год — 361 жыхар.
• 1885 год — 562 жыхары, 77 двароў.
• 1897 год — 751 жыхар, 121 двор.
• 1905 год — 848 жыхароў.
• 1923 год — 797 жыхароў, 147 двароў.
• 1940 год — 898 жыхароў, 195 двароў.
• 1959 год — 743 жыхары.
• 1996 год — 255 жыхароў, 117 гаспадарак.
• 2009 год — 156 жыхароў.
• 2015 год — 127 жыхароў, 66 гаспадарак.

Вядомыя асобы

• Ігнат Сымонавіч Дварчанін (1895—1937) — дзеяч беларускага нацыянальнага руху, паэт, літаратуразнавец.
• Марыя Іосіфаўна Канюшкевіч (нар. 1943) — беларускі мовазнавец.
• Міхаіл Міхайлавіч Кугейка (нар. 1948) — беларускі фізік-оптык.

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх