Ражаноў

Вёска Ражаноў Краіна Беларусь Вобласць Гомельская Раён Акцябрскі Сельсавет Парэцкі Каардынаты 52°36′12″ пн. ш. 28°45′23″ у. д. Першая згадка XIX стагоддзе Насельніцтва 14 чалавек (2011) Часавы пояс UTC+3 Тэлефонны код +375 2357 Паштовы індэкс 247308 Аўтамабільны код 3 СААТА 3240824036 Ражаноў на карце Беларусі ±

Ражано́ў (трансліт.: Ražanoŭ, руск.: Рожанов) — вёска ў Акцябрскім раёне Гомельскай вобласці. Уваходзіць у склад Парэцкага сельсавета.

Геаграфія

Размяшчэнне

У 10 км на паўднёвы захад ад гарадскога пасёлка Акцябрскі, 221 км ад Гомеля, 6 км ад чыгуначнай станцыі Рабкор, размешчанай на чыгунцы Бабруйск — Рабкор, адгалінаванні лініі Асіповічы — Жлобін.

Гідраграфія

На рацэ Пціч (прыток Прыпяці).

Экалогія і прырода

На поўдні і захадзе мяжуе з лесам.

Транспартная сетка

На аўтамабільнай дарозе Акцябрскі — Капцэвічы.

Інфармацыя

Планіроўка складаецца з кароткай, просталінейнай вуліцы, блізкай да мерыдыянальнай арыентацыі (уздоўж ракі) і забудаванай драўлянымі сядзібамі. Крама.

Гісторыя

Па пісьмовых крыніцах вядомая з XIX стагоддзя як цэнтр аднайменнага маёнтка, уладанне памешчыка Ф. Лукаўскага. На 1897 год у Рудабельскай воласці Бабруйскага павета Мінскай губерні. У 1931 годзе арганізаваны калгас імя К. Я. Варашылава.

Падчас Вялікай Айчыннай вайны партызаны разграмілі апорны пункт, размешчаны акупантамі ў вёсцы. У красавіку 1942 года нямецкія карнікі спалілі 17 двароў і забілі 31 жыхара. З верасня 1942 года па чэрвень 1944 года тут дыслацыраваўся разведвальна-дыверсійны атрад «Храбрацы» (камандзір А. М. Рабцэвіч). 12 жыхароў загінулі на фронце.

Насельніцтва

Колькасць

• 2011 год — 14 жыхароў.

Дынаміка

• 1897 год — 14 двароў, 95 жыхароў (паводле перапісу).
• 1908 год — вёска — 14 двароў, 93 жыхары; фальварак — 2 двары, 17 жыхароў.
• 1916 год — 18 двароў.
• 1920 год — 100 жыхароў
• 1925 год — 22 двары.
• 1959 год — 77 жыхароў (паводле перапісу).
• 1997 год — 28 двароў, 42 жыхары.
• 2004 год — 11 двароў, 17 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
• Памяць: Гіст.-дакум. хроніка Акцябрскага р-на. — Мн.: БЕЛТА, 1997. — 478 с. ISBN 985-6302-03-X

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх