Вінцэнт Жолудзь
Вінцэнт Жолудзь | |
---|---|
польск.: Wincenty Żołądź, лац.: Vincentius Żołądź | |
Дата нараджэння | 2 лістапада 1781[1] |
Месца нараджэння | |
Дата смерці | 15 лютага 1834[1] (52 гады) |
Род дзейнасці | навуковец |
Навуковая сфера | багаслоўе |
Месца працы | |
Навуковая ступень | доктар тэалогіі[d] |
Навуковае званне | прафесар |
Альма-матар |
|
Вінцэнт Жолудзь (польск.: Wincenty Żołądź, лац.: Vincentius Żołądź; 2 лістапада 1781 — 15 лютага 1834, Косава, Гуцульшчына, Украіна[2]) — дзеяч каталіцкага касцёла і Ордэна езуітаў; доктар тэалогіі і педагог.
Біяграфія[правіць | правіць зыходнік]
13 жніўня 1799 г. уступіў у Таварыства Ісуса і з 1799 па 1801 гг. праходзіў выпрабаванні ў Полацкім навіцыяце. Вывучаў рыторыку ў Оршы (1801—1802) і нямецкую мову ў Дынабургу (1802—1803), а потым выкладаў у класе інфімы ў Віцебску (1803—1804) і Чачэрску (1804—1805).
У 1805—1807 гг. прайшоў курс філасофіі ў Полацкім езуіцкім калегіуме, пасля чаго зноў займаўся выкладчыцкай дзейнасцю, гэтым разам — у Мсціславе (рыторыка і паэтыка, алгебра і геаметрыя, 1807—1808) і Магілёве (рыторыка і паэтыка, алгебра і геаметрыя, нямецкая мова, 1809—1809). У 1813 г. скончыў чатырохгадовы курс тэалогіі ў Полацкай езуіцкай акадэміі, а потым праходзіў гадавы курс духоўнасці і ордэнскага права ў доме трэцяй прабацыі (апошняя прыступка перад манаскімі абяцаннямі) у Полацку. Працаваў у Віцебскім езуіцкім калегіуме (1814—1816). 15 жніўня 1816 г склаў апошнія зарокі[3].
З 1816 г. — у Полацкай езуіцкай акадэміі, дзе выконваў абавязкі прэфекта школ і дэкана факультэта старажытных і сучасных моў (1817—1818), а потым — прэфекта полацкай езуіцкай друкарні (1818—1820)[3]. На апошняй пасадзе дамогся павелічэння колькасці выдадзеных падручнікаў і слоўнікаў, а таксама перавыдання твораў Пятра Скаргі і Тарквата Таса ў перакладзе Пятра Каханоўскага[4].
Пасля забароны дзейнасці Таварыства Ісуса ў Расійскай імперыі (1820) з’ехаў у Аўстрыйскую дзяржаву, дзе да апошніх дзён жыцця апантана вёў місіянерскую дзейнасць на тэрыторыі Львоўскай архідыяцэзіі (1821—1834)[5][6].
Памёр 15 лютага 1834 г. у Косаве.
Зноскі
- ↑ а б ŻOŁĄDŹ Wincenty // https://www.jezuici.krakow.pl/cgi-bin/rjbo?b=enc&q=ZOLADZ&f=1
- ↑ Giżycki, J.M. Materyały do dziejów Akademii Połockiej i szkół odniej zależnych / J.M. Giżycki. — Kraków: Druk. W. Anczyca i spółki, 1905. — s. 118.
- ↑ а б Catalogs SJ 1774—1829. Russiae. Архівавана 13 ліпеня 2020.
- ↑ Kadulska, I. Pracownicy książki w Akademii Połockiej (1812—1820) / I. Kadulska // Acta Universitatis Lodziensis. Folia litteraria Polonica. 4(34), 2016. — s. 261.
- ↑ Catalogs SJ 1774—1829. Galicianae Архівавана 13 ліпеня 2020..
- ↑ Załęski, S. Jezuici w Polsce. T. 5, Jezuici w Polsce porozbiorowej 1820—1905. Cz. 2. — Kraków: W.L. Anczyc i sp, 1906. — s. 576—577.
Літаратура[правіць | правіць зыходнік]
- Баўтовіч, М. Кнігадрук у Полацку ад 1774 г. да 1829 г. / М. Баўтовіч // Кнігадрук у Полацку (1774—1829): Бібліяграфічнае выданне / укладальнік М. Баўтовiч. — Полацк: Выдавецкая ініцыятыва «Полацкая ляда», 2018. — с. 204.
- Encyklopedia wiedzy o jezuitach na ziemiach Polski i Litwy 1564—1995 / oprac. L. Grzebień . — Kraków : Wyd-wo WAM, 1996. — 882 s.
- Giżycki, J.M. Materyały do dziejów Akademii Połockiej i szkół odniej zależnych / J.M. Giżycki. — Kraków : Druk. W. Anczyca i spółki, 1905. — 288 s.
- Załęski, S. Jezuici w Polsce. T. 5, Jezuici w Polsce porozbiorowej 1820—1905. Cz. 2. — Kraków: W.L. Anczyc i sp, 1906. — s. 518—1300.
- Нарадзіліся 2 лістапада
- Нарадзіліся ў 1781 годзе
- Нарадзіліся ў каралеўстве Галіцыі і Ладамерыі
- Памерлі 15 лютага
- Памерлі ў 1834 годзе
- Выкладчыкі Віцебскага езуіцкага калегіума
- Выкладчыкі Мсціслаўскага езуіцкага калегіума
- Выкладчыкі Магілёўскага езуіцкага калегіума
- Выкладчыкі Полацкай езуіцкай акадэміі
- Выпускнікі Аршанскага езуіцкага калегіума
- Выпускнікі Дынабургскага езуіцкага калегіума
- Выпускнікі Полацкага езуіцкага калегіума
- Выпускнікі Полацкай езуіцкай акадэміі
- Асобы
- Вучоныя паводле алфавіта
- Езуіты Беларусі