Віталь Фядосавіч Мядзведзеў

З пляцоўкі Вікіпедыя
Jump to navigation Jump to search
Віталь Фядосавіч Мядзведзеў
Виталий Федосович Медведев.jpg
Дата нараджэння 26 верасня 1928(1928-09-26) (91 год)
Месца нараджэння
Грамадзянства
Род дзейнасці эканаміст
Навуковая сфера эканоміка
Навуковая ступень доктар эканамічных навук
Альма-матар
Узнагароды і прэміі
Ордэн «Знак Пашаны»

Вiта́ль Фядо́савiч Мядзве́дзеў (нар. 26 верасня 1928, в. Вугольшчына, Бялыніцкі раён, Магілёўская акруга, БССР) — савецкі і беларускі эканамiст. Член-карэспандэнт Нацыянальнай акадэміі навук Беларусі (1984), доктар эканамічных навук (1981), прафесар (1982). Удзельнік партызанскага руху ў Беларусі. Узнагароджаны ордэнам «Знак Пашаны» (1978), медалямi.

Бiяграфiя[правіць | правіць зыходнік]

Скончыў Беларускi Дзяржаўны Унiверсiтэт (БДУ), геаграфiчны факультэт (1952). З 1955 года — малодшы, старшы навуковы супрацоўнік Iнстытута экaномiкi АН БССР. З 1961 года — начальнік аддзела Дзяржплана БССР, з 1967 года — дырэктар НДІ эканомікі і эканоміка-матэматычных метадаў планавання пры Дзяржплане БССР, з 1973 г. — дырэктар БелНДІ навукова-тэхнічнай інфармацыі і тэхніка-эканамічных даследаванняў Савета Міністраў Рэспублікі Беларусь, з 1994 года — старшы саветнік інстытута «БелІнфармпрагноз» пры Адміністрацыі Прэзідэнта Рэспублікі Беларусь, з 1998 г. — кіраўнік аддзела, Цэнтра сусветнай эканомікі і міжнародных эканамічных адносін Інстытута эканомікі Нацыянальнай акадэміі навук Беларусі.

Навуковая дзейнасць[правіць | правіць зыходнік]

Працы прысвечаны метадалогіі даследавання, мадэлявання і прагназавання развіцця рэгіянальных эканамічных сістэм, вырашэння канкрэтных эканамічных праблем доўгатэрміновага і сярэднетэрміновага развіцця Беларусі, пабудовы сістэмы інфармацыйнага забеспячэння навукі, тэхнікі, вытворчасці. Прапанаваў сістэму метадаў і мадэляў распрацоўкі прагнозаў, схем размяшчэння вытворчых сіл і комплекснага развіцця народнай гаспадаркі Беларусі, распрацаваў сукупнасць навуковых абгрунтаванняў фарміравання і развіцця народнагаспадарчага комплексу Рэспублікі Беларусь. Распрацаваў мадэль міжнародных эканамічных адносін Рэспублікі Беларусь з сусветнай супольнасцю. Пад яго кіраўніцтвам распрацаваны Нацыянальныя праграмы развіцця экспарту, турызму на сярэднетэрміновую перспектыву.

Бібліяграфія[правіць | правіць зыходнік]

Аўтар больш за 300 навуковых прац, у тым ліку 8 манаграфій. Асноўныя працы:

  • Удасканаленне рэгіянальнага планавання. Мн. 1979.
  • Сучасны свет і праблемы фарміравання ў Беларусі новай мадэлі сацыяльна-эканамічнай сістэмы. Мн., 1997..
  • Нацыянальная праграма развіцця экспарту на 2000-05 гг. Мн., 2000..
  • Сусветная эканоміка. Мн. 2003 (у суаўт.).

Літаратура[правіць | правіць зыходнік]

Спасылкі[правіць | правіць зыходнік]