Віктар Сазонавіч Пратасеня

Віктар Сазонавіч Пратасеня
Дата нараджэння	14 жніўня 1925(1925-08-14)
Месца нараджэння	Салігорскі раён, Менская вобласць
Дата смерці	3 чэрвеня 2001(2001-06-03) (75 гадоў)
Грамадзянства	Беларусь
Род дзейнасці	мастак
Вучоба	Беларускі дзяржаўны тэатральна-мастацкі інстытут (1959)
Партыя	КПСС
Член у	Беларускі саюз мастакоў
Узнагароды

Партрэт заслужанага дзеяча мастацтваў БССР, ветэрана Вялікай Айчыннай вайны П. В. Масленікава.

Ві́ктар Сазо́навіч Пратасе́ня (14 жніўня 1925, вёска Пагост, Салігорскі раён — 3 чэрвеня 2001) — беларускі савецкі жывапісец. Заслужаны дзеяч мастацтваў БССР (1981).

Скончыў у 1959 годзе Беларускі тэатральна-мастацкі інстытут. У 1960—1969 гадах дырэктар мастацка-экспертнай калегіі Міністэрства культуры БССР. У 1973—1977 гадах старшыня праўлення Беларускага саюза мастакоў і сакратар Саюза мастакоў СССР.

Творчасць

Сярод твораў В. С. Пратасені шэраг партрэтаў вядомых людзей: Герояў Савецкага Саюза В. З. Харужай, М. П. Шмырова, М. А. Кедышкі: Герояў Сацыялістычнай Працы М. К. Макарэвіч, А. М. Громава і інш. Аўтар серыі партрэтаў «Значныя людзі Рагачоўскага раёна», тэматычных кампазіцый «Віхуры варожыя», «Калгасныя даяркі», «Ліквідатары Чарнобыльскай аварыі». Сярод твораў мастака пейзажы «Нёман», «Бярэзіна», «Над возерам», «Перад навальніцай» і інш.

Літаратура

• Беларуская энцыклапедыя: У 18 т. Т.13: Праміле — Рэлаксін / Рэдкал.: Г. П. Пашкоў і інш. — Мн.: БелЭн, 2001. — Т. 13. — С. 24. — 576 с. — 10 000 экз. — ISBN 985-11-0216-4 (Т. 13).