Галіна Кліменцьеўна Макарава

З пляцоўкі Вікіпедыя
Перайсці да: рух, знайсці
Галіна Кліменцьеўна Макарава
2009. Stamp of Belarus 31-2009-10-13-m.jpg
Г. К. Макарава на паштовай марцы Беларусі
 
Дата нараджэння: 27 снежня 1919({{padleft:1919|4|0}}-{{padleft:12|2|0}}-{{padleft:27|2|0}})
Месца нараджэння: Старобін,
Мінская губерня
Дата смерці: 28 верасня 1993({{padleft:1993|4|0}}-{{padleft:9|2|0}}-{{padleft:28|2|0}}) (73 гады)
Месца смерці: Масква,
Расійская Федэрацыя
Прафесія: актрыса
Грамадзянства: Flag of the Soviet Union.svg СССР Сцяг Расіі Расія
Тэатр: БелАДТ імя Я. Купалы
 
Узнагароды:

Ордэн Леніна Народны артыст СССР— 1980

IMDb: ID 0538414

Галіна Кліменцьеўна Макарава (пры нараджэнні — Агата Чаховіч; 19191993) — беларуская і савецкая актрыса тэатра і кіно, Народная артыстка Беларусі (1967), Народная артыстка СССР (1980).

Біяграфія[правіць | правіць зыходнік]

Нарадзілася ў 1919 г. ў п. Старобін (цяпер Салігорскі раён). Бацька Кліменцій Чаховіч быў афіцэрам царскай арміі. У Першую сусветную служыў у стаўцы цара, у сям'і нават захоўваўся сярэбраны паднос і чайны сэрвіс, падораныя імператарам. Не прыняўшы савецкую ўладу, Чаховіч ваяваў у арміі Дзянікіна, дайшоў да Крыму, але не эмігрыраваў, а вярнуўся ў Старобін, дзе заставалася жонка з дзецьмі. Яго бацька, святар, у якога ў Старобіне быў прыход, выгнаў сына з дому, калі той пакінуў першую сям'ю дзеля маладой (маладзей на 24 года) дзяўчыны-прыслугі.[1]

Кліменція Чаховіча арыштавалі, год ён праседзеў у турме, але застаўся жывы. Але сям'я назаўжды атрымала таўро сям'і лішэнцаў. Сям'і прыйшлося знішчыць усе дакументы, якія злучаюць іх з імем бацькі. У новым пашпарце дзяўчыны год нараджэння быў паказаны няправільна. Пазней яна самастойна вылічыла, што нарадзілася ў 1916 годзе[1].

У 16 гадоў Агата пераязджае ў Мінск. Працуе хатняй прыслужніцай, санітаркай. Трохі пазней паступае ў студыю Першага Беларускага драматычнага тэатра. Падчас навучання ў студыі актрыса бярэ псеўданім Галіна і мяняе прозвішча рэпрэсаванага бацькі Чаховіч, на прозвішча маці — Апанашчык. У гэты ж час захапляецца экстрэмальнымі відамі спорту, конным спортам, кіданнем дзіды, вышываннем. У 1937 годзе робіцца чэмпіёнкай рэспублікі па мотакросе.

Скончыла студыю Першага Беларускага драматычнага тэатра ў 1938, у гэтым жа годзе была прынята ў яго трупу.

У 1939 годзе актрыса выходзіць замуж за Івана Макарава і бярэ яго прозвішча. Пераязджае з ім у Маскву, пасля ў эвакуацыю ў Карэлію. У 1944 годзе разводзіцца з мужам і вяртаецца ў Мінск.

Першы поспех у тэатры да актрысы прыходзіць у 1954 г., вядомасць ёй прынесла роля Марыі Кірылаўны ў спектаклі «Выбачайце, калі ласка!» па п'есе А. Макаёнка. Пасля гэтага ў п'есах Макаёнка Галіна Кліменцьеўна пачала іграць вельмі часта, некаторыя ролі драматург пісаў спецыяльна для яе.

Здымацца ў фільмах актрыса пачала з 1958 г. Яе першай зорнай роляй у кінематографе стала роля Аляксандры Мацвееўны Громавай ў фільме Сяргея Мікаэляна «Удовы» ў 1976 годзе.

Творчасць[правіць | правіць зыходнік]

Яркая нацыянальная актрыса. Яе мастацтва было адметнае сакавітасцю сцэнічных фарбаў, праўдзівасцю, багатай моўнай характарыстыкай.

Стварыла каларытныя, яркія індывідуальныя народныя характары. Талент Галіны Макаравай як глыбока самабытнай актрысы найбольш выявіўся ў нацыянальным рэпертуары, найперш у п'есах А. Макаёнка (многія ролі напісаны спецыяльна для Г. Макаравай): Марыя Кірылаўна («Выбачайце, калі ласка!»), Лушка («Лявоніха на арбіце»), Паліна («Трыбунал»,; выступала ў гэтай ролі ў спектаклі Маскоўскага тэатра на Малой Броннай), Старая («Святая прастата»), Аксана Смятанкіна («Таблетку пад язык»); а таксама Агата («Паўлінка» Я. Купалы), Матруна («На кругым павароце» К. Губарэвіча), Дзятлічыха («Людзі на балоце» паводле І. Мележа), Ганна, Маці («Вечар», «Парог» А. Дударава). 3 іншых роляў: Кабаніха («Навальніца» А. Астроўскага), Квашня («На дне» М. Горкага), Лізавета («У мяцеліцу» Л. Лявонава), Гаспадыня зімоўя («Таня» А. Арбузава), Старая ўдава з Фларэнцыі («Канец — справе вянец» У. Шэкспіра).

Здымалася ў кіна- і тэлефільмах: баба Шура («Удовы»), Ганна Іванаўна («Развітанне славянкі»), Драздова («Фруза»), мачаха Ганны («Завеі, снежань») і інш.

Выбраная фільмаграфія[правіць | правіць зыходнік]

Фільмы пра актрысу[правіць | правіць зыходнік]

  • Дакументальны фільм «Каралеў я не іграла» 1983 год.
  • Мастацка-публіцыстычны фільм «Мама» 2009 год.

Зноскі

Літаратура[правіць | правіць зыходнік]

  • Сохар Ю. Макарава // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн.: БелЭн., 1999. — 560 с.: іл. ISBN 985-11-0155-9 (т. 9), ISBN 985-11-0035-8.

Спасылкі[правіць | правіць зыходнік]