Ганна Ахрамовіч

З пляцоўкі Вікіпедыя
Jump to navigation Jump to search
Ганна Ахрамовіч
Дата нараджэння 1890
Месца нараджэння
Дата смерці 1977
Месца смерці
Бацька Мікалай
Жонка Аўгусцін Ахрамовіч
Дзеці Зянон, Міхал, Тамара, Уладзімір

Ганна Ахрамовіч (дзяв. Максімовіч) (18901977) — сябра Мядзельска-смаргонскага антыкамуністычнага падполля. Маці іншага ўдзельніка падполля — Зянона Ахрамовіча[1].

Біяграфія[правіць | правіць зыходнік]

Нарадзілася ў 1890 г. у в. Ахрэмаўцы, Ковенскай губерні ў Расійскай імперыі (цяпер Браслаўскі раён Віцебскай вобласці).

Перад Першай сусветнай вайной працавала ў Пецярбургу. Там жа пазнаёміўся і выйшла замуж за Аўгусціна Ахрамовіча, які таксама працаваў у Пецярбургу. Пасля падпісання мірнай дамовы ў 1920 годзе паміж Польшчай і Савецкай Расіяй разам з мужам вярнулася ў Беларусь, на спадчынны хутар мужа каля в. Чарняты. У сям’і было чацвёра дзяцей — дачка і трое сыноў. Зянон Ахрамовіч быў самы маладзейшы, старэйшымі былі Міхал, Уладзімір і Тамара. Паводле Зянона Ахрамовіча, калі Ганна выйшла за Аўгусціна, яны павянчаліся ў касцёле, але яна засталася праваслаўнай да канца жыцця, а спавядацца хадзіла і да папа і да ксяндза.

У 1949 г. пасіўна далучылася да антыкамуністычнай дзейнасці у складзе мядзельска-смаргонскага антыкамуністычнага падполля. Сын Зянон разам з кіраўніком падпольнай арганізацыі Расціславам Лапіцкім распаўсюджваў улёткі, перахоўваў на хутары Аўгусціна Ахрамовіча друкарку, на якой друкаваліся ўлёткі. Паводле Зянона Ахрамовіча, яго бацькі падтрымлівалі дзейнасць юнакоў: «Бацькі мае ведалі, чым мы займаемся. Часам мы там у лазні друкавалі цэлымі днямі. То бацькі прыходзілі і клікалі есці. Усе ведалі, і брат старэйшы ведаў — Валодзя».

Арыштаваная ў сакавіку 1950 года. Сын Зянон заявіў савецкім карным органам, што бацькі нічога ня ведалі і ўзяў усё на сябе, але яны таксама былі арыштаваныя. Была трыманыя асобна ад мужа і сына. 1720 ліпеня 1950 г. была асуджана вайсковым трыбуналам Беларускай Вайсковай Акругі па справе мядзельска-смаргонскага падполля на 25 гадоў зняволення ў савецкіх канцлагерах. У прыгаворы была пазначаная як беларуска. Паводле Зянона Ахрамовіча, пасля суду спачатку была трыманая ў Бабруйску, дзе працавала швачкай, а потым разам з мужам была вывезеная ў Хабараўскі край, але ў розныя канцлагеры. У лагерах амаль не працавала, бо была старая, але часамі падпрацоўвала як швачка.

Вызваленая ў 1955 г. Вярнулася разам з мужам на Смаргоншчыну. Сын Зянон у 1958 годзе выехаў у Польшчу. Разам з мужам пераехала у Лідсбарк да сына, пабылі ў Лідсбарку год, а потым пераехалі да Зянона ў Эльблёнг.

Памерла у 1977 годзе.

Зноскі

  1. http://www.slounik.org/154735.html Біяграфія Ганны Ахрамовіч

Літаратура[правіць | правіць зыходнік]

  • Антысавецкія рухі ў Беларусі. 1944—1956. Даведнік, — Мінск, 1999. — ISBN 985-6374-07-3.
  • Чарняўскі Міхась. Ня бойцеся ахвяраў і пакут. — Вільня, 2006. — ISBN 978-9857-0620-58.
  • Чарняўскі Міхась. Як пошуг маланкі: Расціслаў Лапіцкі, — Мінска: Тэхналёгія, 2006. ISBN 985-458-139-X.
  • Чарняўскі М. М. Да гісторыі Мядзельска-Смаргонскага вучнёўскага падполля // Палітычныя рэпрэсіі на Беларусі ў ХХ стагоддзі: Матэрыялы нав.-практ. канферэнцыі (Менск, 27—28 лютага 1998 г.). Мн., 1998.