Ахрэмаўцы

Аграгарадок Ахрэмаўцы Будынак школы Краіна Беларусь Вобласць Віцебская Раён Браслаўскі Сельсавет Ахрэмавецкі Каардынаты 55°34′43″ пн. ш. 27°06′19″ у. д. Насельніцтва 1 312 чал. (2010) Часавы пояс UTC+3 Тэлефонны код +375 2153 Аўтамабільны код 2 Ахрэмаўцы на карце Беларусі ±

Ахрэмаўцы на Вікісховішчы

Ахрэ́маўцы (трансліт.: Achremaŭcy, руск.: Ахремовцы) — аграгарадок у складзе Ахрэмавецкага сельсавету Браслаўскім раёне Віцебскай вобласці Беларусі — цэнтр сельсавета, на ўсходнім беразе возера Дрывяты, за 10 км на паўднёвы ўсход ад Браслава, на шашы Браслаў—Глыбокае.

Гісторыя

Назва паходзіць ад прозвішча Ахрэмавічаў, якія валодалі мясцовымі землямі ў 17 стагоддзя З сярэдзіны 18 стагоддзя вёска адносілася да маёнтка Бяльмонты. У 19 — пач. 20 ст. Ахрэмаўцы — вёска Браслаўскай воласці Новааляксандраўскага павета, 300 жыхароў (1903). З 1921 у Польшчы, вёска Браслаўскай гміны, 74 дамы, 360 жыхароў (1931).

Перад вайной у вёсцы жыло 296 чалавек у 93 дварах.

У кастрычніку 1943 гітлераўцамі было спалена 84 дамы.

Дзейнічала Азяраўскае антыфашысцкага падполле. У 1995 мелася 1549 жахароў, 495 гаспадарак. Цэнтр сельсавета, сядзіба калгаса «Шлях Леніна». У 1976 да в. Ахрэмаўцы была далучана в. Бяльмонты.

Эканоміка

Дзейнічаюць прадпрыемствы: Браслаўскі торфабрыкетны завод, Браслаўскае прадпрыемства па вытворча-тэхнічным абслугоўванні сельскай гаспадаркі, Браслаўскае прадпрыемства па матэрыяльна-тэхнічным забеспячэнні аграпрамысловага комплексу. 7 дзяржаўных і 2 прыватныя крамы, прадпрыемствы бытавога абслугоўвання, 2 лазні, фельчарска-акушэрскі пункт, аддзяленне сувязі.

Культура

Працуюць сярэдняя і музычная школы, дзіцячы сад, 2 Дома культуры, бібліятэка.

Выдатныя мясціны

Капліца на могілках

• курганны могільнік Бяльмонты (VIII—X стагоддзі) —  Гісторыка-культурная каштоўнасць Беларусі, шыфр 213В000175
• парк Бяльмонты
• Капліца-пахавальня Плятэраў (19 ст.) на каталіцкіх могілках
• Будынак школы (1930-я)
• Брацкая магіла (1944) —  Гісторыка-культурная каштоўнасць Беларусі, шыфр 213Д000176
• Касцёл Узвышэння Святога Крыжа (2003)

Літаратура

• Ахрэмаўцы // Памяць : Браслаўскі раён : гісторыка-дакументальныя хронікі гарадоў і раёнаў Беларусі / рэдкал. К. В. Велічковіч і інш. — Мн., 1998. — С. 666.
• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — 480 с.: іл. ISBN 985-11-0061-7 (т. 2), ISBN 985-11-0035-8
• Шпакоўская, Г. Ахрэмаўцы / Г. Шпакоўская // Народнае слова. — 2005. — 21.8.

Спасылкі

• На Вікісховішчы ёсць медыяфайлы па тэме Ахрэмаўцы
• Ахрэмаўцы на сайце Глобус Беларусі (руск.) 
• Ахрэмаўцы (Бяльмонты) на Беларускі гістарычны партал.