Генадзь Андрэевіч Богдан

З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Богдан.
Генадзь Андрэевіч Богдан
Нараджэнне 8 студзеня 1977(1977-01-08) (47 гадоў)
Адукацыя
Месца працы

Генадзь Андрэевіч Бо́гдан (нар. 8 студзеня 1977) — беларускі дзяржаўны дзеяч. Намеснік кіраўніка справамі Прэзідэнта Рэспублікі Беларусь (2020—2022). Фігурант Чорнага спісу Еўрасаюза, санкцыйных спісаў шэрагу іншых краін.

Біяграфія[правіць | правіць зыходнік]

Скончыў Мар’інагорскі саўгас-тэхнікум, затым Беларускі дзяржаўны аграрны тэхнічны ўніверсітэт.

Два гады працаваў інспектарам дзяржаўнага пажарнага нагляду ў сістэме Міністэрства па надзвычайных сітуацыях Рэспублікі Беларусь.

З 1999 па 2012 год працаваў у канцэрне «Белдзяржхарчпрам», дзе стаў у выніку начальнікам упраўлення каардынацыі і развіцця галін па вытворчасці прадуктаў харчавання і тытунёвых вырабаў.

З 1 лютага 2012 года працаваў генеральным дырэктарам ААТ «Мазырсоль»[1]. У 2016 годзе стаў лаўрэатам конкурсу «Чалавек справы» ў намінацыі «За стабільную і эфектыўную працу на беларускім і замежным рынках»[2].

У другой палове 2010-х гадоў узначальваў Рэспубліканскае вытворча-гандлёвае ўнітарнае прадпрыемства «Беларусьгандаль», якое ўваходзіць у сістэму Кіраўніцтва справамі прэзідэнта.

Абіраўся дэпутатам Мазырскага раённага савета дэпутатаў 27-га і 28-га[3] скліканняў.

30 студзеня 2020 года прызначаны намеснікам кіраўніка справамі прэзідэнта Рэспублікі Беларусь[4]. Пакінуў пасаду ў верасні 2022 года[5].

Міжнародныя санкцыі[правіць | правіць зыходнік]

31 жніўня 2020 года ўключаны ў спіс асобаў, на якіх накладзена бестэрміновая забарона на ўезд у Латвію, пяцігадовая забарона на ўезд у Эстонію і забарона на ўезд у Літву ў сувязі з тым, што «сваімі дзеяннямі ён арганізаваў і падтрымаў фальсіфікацыю прэзідэнцкіх выбараў 9 жніўня і наступнае гвалтоўнае здушэнне мірных пратэстаў»[6].

17 снежня 2020 года ўнесены ў Чорны спіс Еўрасаюза. Савет Еўрапейскага саюза прызнаў Богдана як намесніка начальніка ўпраўлення кіравання маёмасцю Кіраўніцтва справамі Прэзідэнта Рэспублікі Беларусь, які курыруе шматлікія прадпрыемствы і праз кіраўніцтва справамі аказвае фінансавую, матэрыяльна-тэхнічную, сацыяльную, бытавую і медыцынскую падтрымку дзяржапарату і рэспубліканскім органам улады, і цесна звязанага з прэзідэнтам адказным за падтрымку рэжыму Лукашэнкі[7]. 26 студзеня 2021 года да санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя[8]. 18 лютага 2021 года ў свой санкцыйны спіс Богдана дадала Вялікабрытанія [9], 22 сакавіка 2021 года — Швейцарыя[10].

Зноскі

  1. ↑ Генеральным директором ОАО «Мозырьсоль» назначен Геннадий Богдан(недаступная спасылка)
  2. ↑ Пресс-релиз. Человек Дела-2016. Три кита успеха
  3. ↑ Рабочие органы Мозырского районного Совета депутатов Архівавана 22 кастрычніка 2021.
  4. ↑ Указ Президента Республики Беларусь от 30 января 2020 года № 34 «О Г. А. Богдане»(недаступная спасылка)
  5. ↑ Николай Рогащук освобожден от должности помощника Президента - инспектора по Гомельской области
  6. ↑ Латвія, Літва і Эстонія ўключылі Лукашэнку і яшчэ 29 чыноўнікаў ў спіс пэрсон нон-грата. ПОЎНЫ СЬПІС
  7. ↑ Council implementing regulation (EU) 2020/2129 of 17 December 2020 implementing Article 8a(1) of Regulation (EC) No 765/2006 concerning restrictive measures in respect of Belarus
  8. ↑ Declaration by the High Representative on behalf of the European Union on the alignment of certain countries concerning restrictive measures against Belarus (англ.). Савет Еўрапейскага саюза (26 студзеня 2021). Праверана 9 верасня 2021.
  9. ↑ Госдепартамент США ввел санкции против 43 граждан Беларуси, в британском списке — 27 новых фамилий (руск.). Onliner.by (19 лютага 2021). Праверана 9 верасня 2021.
  10. ↑ Searching for subjects of sanctions
Узята з "https://be.wikipedia.org/w/index.php?title=Генадзь_Андрэевіч_Богдан&oldid=4266747"