Генадзь Міхайлавіч Шкурдзь

Генадзь Шкурдзь
старшыня Дзяржаўнага мытнага камітэта Рэспублікі Беларусь 16 студзеня 1992 — 30 студзеня 1994
Кіраўнік урада	Вячаслаў Кебіч
Папярэднік	Пётр Крэчка
Пераемнік	Пётр Крэчка
Нараджэнне	11 ліпеня 1940(1940-07-11) в. Ракошыцы Дзяржынскага раёна, БССР
Смерць	28 лістапада 1999(1999-11-28) (59 гадоў) Мінск, Беларусь
Месца пахавання	Усходнія могілкі
Адукацыя	Мурманскі дзяржаўны тэхнічны ўніверсітэт[d] юрыдычны факультэт БДУ Акадэмія знешняй разведкі[d]
Ваенная служба
Прыналежнасць	СССР
Званне	Генерал-маёр
Узнагароды

Генадзь Міхайлавіч Шкурдзь (11 ліпеня 1940, в. Ракошыцы, Дзяржынскі раён, Мінская вобласць, БССР — 28 лістапада 1999, Мінск) — беларускі дзяржаўны дзеяч, старшыня Дзяржаўнага мытнага камітэта Рэспублікі Беларусь (1992—1994).

Біяграфія

Вучыўся ў Мурманскім мараходным вучылішчы. У 1959—1962 гадах праходзіў службу ў Савецкай Арміі. Дэмабілізаваўшыся, вучыўся ў Беларускім дзяржаўным універсітэце, з 1964 года працаваў па камсамольскай лініі.

З 1967 года — на службе ў органах КДБ СССР. У 1968 годзе завочна скончыў Беларускі дзяржаўны універсітэт, у 1973 годзе — Чырванасцяжны інстытут КДБ СССР, пасля чаго працаваў у Першым галоўным упраўленні КДБ СССР. З 1982 года служыў у КДБ Беларускай ССР, быў намеснікам начальніка, начальнікам аддзела, намеснікам, першым намеснікам старшыні.

У 1991—1992 гадах займаў пасаду першага намесніка старшыні КДБ Беларусі, а ў 1992—1994 гадах узначальваў Дзяржаўны мытны камітэт Рэспублікі Беларусь.

Памёр 28 лістапада 1999 года, пахаваны на Усходніх могілках Мінска.

Спасылкі

• Профіль (руск.) на праекце «Гісторыя айчынных спецслужбаў і праваахоўных органаў»