Георгій Сяргеевіч Бярозка

Георгій Сяргеевіч Бярозка
Георгій Сяргеевіч Бярозка
Асабістыя звесткі
Дата нараджэння	7 верасня 1905
Месца нараджэння	Вільня, Віленскі павет, Віленская губерня, Расійская імперыя;
Дата смерці	2 лістапада 1982 (77 гадоў)
Месца смерці	Масква, РСФСР, СССР;
Пахаванне	Ваганькаўскія могілкі;
Грамадзянства	Расійская імперыя; СССР; БССР;
Альма-матар	этналагічны факультэт МДУ[d] (1927); Літаратурны інстытут імя А. М. Горкага;
Месца працы	Узвышша; Новая деревня[d]; Масфільм;
Прафесійная дзейнасць
Род дзейнасці	пісьменнік, сцэнарыст, празаік, літаратурны крытык
Мова твораў	руская
Грамадская дзейнасць
Член у	Саюз беларускіх пісьменнікаў;
Узнагароды	медаль імя Аляксандра Фадзеева[d]

Георгій Сяргеевіч Бярозка (7 верасня 1905, Вільня, Літва — 2 лістапада 1982, Масква, Расія) — беларускі і расійскі празаік, крытык-узвышэнец.

Біяграфія

Бацька Сяргей Бярозка быў інспектарам вышэйшага гарадскога вучылішча, за савецкім часам першым дырэктарам СШ № 1 у Слуцку^[2]. Нарадзіўся 7 верасня 1905 года ў Вільні^[3].

Скончыў у 1927 годзе літаратурнае аддзяленне этналагічнага факультэта Маскоўскага ўніверсітэта. Супрацоўнічаў з часопісам «Узвышша». Даследаваў тэорыю жанраў, творчасць Якуба Коласа. Працаваў настаўнікам у школе, старшым тэхнічным рэдактарам, мастаком-паліграфістам у выдавецтве «Новая деревня», рэдактарам, а потым кінарэжысёрам на студыі «Масфільм». У час Вялікай Айчыннай вайны быў у народным апалчэнні, супрацоўнік дывізійнай газеты, рэжысёр цэнтральнага ансамбля ВМФ, потым франтавога тэатра. З 1954 г. выкладаў у Літінстытуце^[3].

Член Саюза пісьменнікаў Беларусі з 1945 года^[3].

Памёр 2 лістапада 1982 года ў Маскве. Пахаваны на Ваганькаўскіх могілках Масквы^[3].

Творчасць

З 1925 г. публікаваў вершы ў перыёдыцы. З 1942 г. пачаў пісаць прозу. Пісаў па-руску. Псеўданімы: Бярозка Юры; Сяргееў Ю. Аўтар кніг «Красная лента» (Москва, 1943), «Ночь полководца» (Москва, 1946), «Мирный город» (Москва, 1952—1954), «Избранные повести и рассказы» (Москва, 1957), «Сильнее атома» (Москва, 1959), «Дом учителя» (Москва, 1973)^[3].

Рэжысёр

1936 — «Мы з Кранштата», сурэжысёр
1938 — «Калі заўтра вайна» сумесна з Я. Дзіганам, Л. Анцы-Палоўскім, М. Кармазінскім
1941 — «Першая конная» сумесна з Я. Дзіганам

Сцэнарыст

Мультфільмы

1938 — «Манюка» сумесна з І. Івановым-Вано
1938 — «Тры мушкецёры» сумесна з І. Івановым-Вано
1946 — «Арлінае пяро»
1948 — «Шэрая шэйка»
1950 — «Здаравяка»
1956 — «Брыдкае качаня»
1990 — «Лапландскія казкі»

Фільмы

1960 — Скачок на світанку
1964 — Няўгаснае полымя

Узнагароды

Ордэн Працоўнага Чырвонага Сцяга (9 верасня 1965) — за заслугі ў развіцці савецкай літаратуры і ў сувязі з шасцідзесяцігоддзем з дня нараджэння^[4].
Ордэн Працоўнага Чырвонага Сцяга.
Ордэн Дружбы народаў (5 верасня 1975) — за заслугі ў развіцці савецкай літаратуры і ў сувязі з сямідзесяцігоддзем з дня нараджэння^[5].
Залаты медаль імя Аляксандра Фадзеева (1974).

Крыніцы

↑ Bibliothèque nationale de France Georgij Sergeevič Berezko // data.bnf.fr: платформа адкрытых даных — 2011.
<a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>
↑ Прогулка по Слуцку, или по следам Файнберга (нявызн.). nasledie-sluck.by. Праверана 23 ліпеня 2024.
↑ ^а ^б ^в ^г ^д Бярозка Юры – Белліт (бел.) (8 ліпеня 2023). Праверана 23 ліпеня 2024.
↑ Указ Президиума Верховного Совета СССР от 9 сентября 1965 года № 3948 «О награждении писателя Берёзко Г. С. орденом Трудового Красного Знамени» (нявызн.). Архівавана з першакрыніцы 2 чэрвеня 2019. Праверана 2 чэрвеня 2019.
↑ Указ Президиума Верховного Совета СССР от 5 сентября 1975 года № 2208 «О награждении писателя Берёзко Г. С. орденом Дружбы народов» (нявызн.). Архівавана з першакрыніцы 2 чэрвеня 2019. Праверана 2 чэрвеня 2019.

Спасылкі

Георгій Сяргеевіч Бярозка на сайце анлайн-энцыклапедыі «Беларусь у асобах і падзеях»

[_80aeff3e3d892c9f-1] Bibliothèque nationale de France Georgij Sergeevič Berezko // data.bnf.fr: платформа адкрытых даных — 2011.
<a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>

[2] Прогулка по Слуцку, или по следам Файнберга (нявызн.). nasledie-sluck.by. Праверана 23 ліпеня 2024.

[:0-3] а ^б ^в ^г ^д Бярозка Юры – Белліт (бел.) (8 ліпеня 2023). Праверана 23 ліпеня 2024.

[4] Указ Президиума Верховного Совета СССР от 9 сентября 1965 года № 3948 «О награждении писателя Берёзко Г. С. орденом Трудового Красного Знамени» (нявызн.). Архівавана з першакрыніцы 2 чэрвеня 2019. Праверана 2 чэрвеня 2019.

[5] Указ Президиума Верховного Совета СССР от 5 сентября 1975 года № 2208 «О награждении писателя Берёзко Г. С. орденом Дружбы народов» (нявызн.). Архівавана з першакрыніцы 2 чэрвеня 2019. Праверана 2 чэрвеня 2019.

[1]

[2]

[3]

[4]

[5]