Герб Бабра

Герб Бабра
Дэталі

Герб Бабра́ — даўнейшы геральдычны сімвал Бабра (цяпер пасёлак у Мінскай вобласці). Нададзены мястэчку ў 30-я гады XVIII ст.

Апісанне: У блакітным полі дзве збройныя постаці святых Глеба і Барыса ў каронах.

Гісторыя

Адбітак пячаці з гербам Бабра

Бобр атрымаў магдэбургскае права ў 30-я гады XVIII ст. Адзіным вядомым на сёння доказам гэтага з’яўляецца пячаць магістрата. Надпіс на пячаці сведчыць, што яна была зроблена ў 1735 годзе. Рэпрадукцыя адбітка пячаці не зусім якасная, таму дэталі выявы, за выключэннем дзвюх фігур з німбамі і ў панцырах на фоне княжацкай мантыі, разгледзець вельмі цяжка. У прывілеі ад 1 снежня 1762 года, які зафіксаваны ў Метрыцы ВКЛ, падкрэслена, што месту надаецца за герб выява «Святых рускіх Барыса і Глеба».

Літаратура

• Цітоў А. Гарадская геральдыка Беларусі. — Мн.: Полымя, 1989. — 207 с.