Гетаўт Каленікавіч
Гетаўт Каленікавіч | |
---|---|
Дата нараджэння | не пазней за 1474 |
Дата смерці | не раней за 1528 |
Грамадзянства | |
Бацька | Каленік Каленікавіч[d] |
Дзеці | Данімітра Гетаўтаўна[d] і Марыя Гетаўтаўна[d] |
Гетаўт Каленікавіч, у хрышчэнні Андрэй (да 1474 — пасля 1528) — баярын полацкі.
Сын кіеўскага баярына Каленіка Каленікавіча, унук Каленіка Мішкавіча. Упершыню згадваецца пад 1488 годам разам з братам Акушкам Каленікавічам, калі атрымаў ад караля Казіміра 8 коп грошаў з кіеўскага мыта[1]. У маі 1497 года атрымаў пацвярджэнне гаспадара на куплю сяла Пятроўскага на Вязыні ў княгіні Федзькі Алешкаўны Іванавай, яе зяця і дачкі, а таксама сяла Сухадолы ў Мішкі Суеціча[2]. Выслужыў у вялікай княгіні Алены Іванаўны маёнткі «на Ворцы и на Мерех», пазней абмяняўся імі з падляшскім ваяводам Іванам Сапегам на яго маёнткі ў Полацкім павеце — Чуракі, Беразую, Васілевічы, Рукшанічы, Лыскава і двор у полацкім замку, што 13 студзеня 1517 года зацвердзіў прывілеем кароль Жыгімонт Стары.[3] У 1514 годзе атрымаў на вечнасць чатыры «чалавекі» і дзве зямлі «пустоўскія» ў Браслаўскім павеце[4].
На Попіс 1528 года як полацкі баярын ставіў са сваіх маёнткаў 9 «коней»[5].
Меў сыноў Томку, Аляксандра і Мацвея — полацкіх баяр[6]; дачок Мар’ю (у шлюбе з Іванам Глебавічам Корсакам, гараднічым полацкім) і Данімітру (у першым шлюбе з Міхаілам Гарабурдам, вялікім пісарам літоўскім, другі сужэнец пэўна не вызначаны)[3].
Зноскі
- ↑ LM-4 2004, p. 76.
- ↑ LM-6 2007, p. 162.
- ↑ а б Статкевіч-Чагабанаў 2011, с. 83.
- ↑ LM-9 2003, p. 221, 325.
- ↑ РИБ Т. 33 1915, стб. 194.
- ↑ Статкевіч-Чагабанаў 2011, с. 84.
Літаратура[правіць | правіць зыходнік]
- Lietuvos Metrika, Knyga Nr. 4 (1479–1491): Užrašymų knyga 4. — Vilnius: Lietuvos istorijos institutas; parengė Lina Anužytė, 2004.
- Lietuvos Metrika, Knyga Nr. 6 (1494–1506): Užrašymų knyga 6. — Vilnius: Lietuvos istorijos institutas; parengė Algirdas Baliulis, 2007.
- Lietuvos Metrika, Knyga Nr. 9 (1511–1518): Užrašymų knyga 9. — Vilnius: Lietuvos istorijos institutas; Uniwersytet im. Adama Mickiewicza w Poznaniu; [parengė Krzysztof Pietkiewcz], 2003.
- Русская историческая библіотека, издаваемая Археографическою комиссіею. Т. 33. — СПб: Тип. Главного Управления Уделов, 1915. — 702 с.
- Статкевіч-Чагабанаў Анатоль Геталты і Тышкевічы з роду Каленікавічаў герба «Ляліва» // Роднае слова № 7, 2011. — С. 81-84.