Мюлуз

Горад

Мюлуз
Mulhouse

Сцяг	Герб

Краіна	Францыя
Рэгіён	Эльзас
Дэпартамент	Рэйн Верхні
Каардынаты	47°44′58″ пн. ш. 7°20′24″ у. д.^HGЯO
Мэр	Жан-Мары Бакель
Плошча	22,18 км²^[1]
Насельніцтва	271 000 чалавек (2007)
Часавы пояс	UTC+1, летам UTC+2
Паштовыя індэксы	68100, 68200
Афіцыйны сайт	mulhouse.fr ville-mulhouse.fr

Мюлуз на карце Францыі

Мюлуз на Вікісховішчы

Мюлуз (фр.: Mulhouse) — горад у Францыі, найбуйнейшы горад дэпартамента Верхні Рэйн і другі па значнасці горад Эльзаса.

Насельніцтва — 271,0 тыс. жыхароў (2007).

Этымалогія[правіць | правіць зыходнік]

Нямецкая назва — Мюльхаўзен (ням. Mülhausen).

Па-нямецку Мюле (ням.: Mühle) перакладаецца як млын. Адсюль і з'явілася назва Мюлуза, дзе стаяў млын паміж некалькімі хатамі (ням.: Haus), якія належалі страсбургскаму абацтву св. Эцьена.

Геаграфія[правіць | правіць зыходнік]

Горад размяшчаецца на ўсходзе краіны, амаль на мяжы з Швейцарыяй і Германіяй.

Гісторыя[правіць | правіць зыходнік]

Паводле легенды горад быў заснаваны ў 58 годзе да н.э., але першыя пісьмовыя згадкі пра Мюлюз датуюцца XII стагоддзем. Горад быў часткай паўднёвага эльзаскага графства Зундгаў у складзе Свяшчэннай Рымскай імперыі. З 1354 па 1515 гады Мюлюз быў часткай Дэкаполіса, аб'яднання дзесяці вольных імперскіх гарадоў у Эльзасе. Горад далучыўся да Швейцарскай Канфедэрацыі ў 1515 годзе, таму, калі ў 1648 годзе паводле Вестфальскага пагаднення ў Зундгаў быў далучаны да Францыі, горад застаўся анклавам у складзе Швейцарыі. Аднак паводле галасавання грамадзян горада 4 студзеня 1798 года горад стаў часткай Францыі. У сярэдзіне XVIII стагоддзя ў Мюлузе вырабляюцца фарбаваныя тканіны — паркаль, якія раней імпартаваліся са Швейцарыі.

Пасля перамогі Прусіі ў Франка-прускай вайне Мюлюз быў далучаны да Нямецкай імперыі, як частка тэрыторыі Эльзас-Латарынгія, якая праіснавала з 1870 па 1918 гады. У 1904 г. каля горада Сернэ было адкрыта буйнае радовішча калія, што спрыяла развіццю ў Мюлузе хімічнай прамысловасці. Горад быў на некаторы час заняты французскімі войскамі 8 жніўня 1914 года ў пачатку Першай сусветнай вайны, але яны былі вымушаныя адступіць праз два дні пасля бітвы пры Мюлюзе.