Данііл (прарок)

Данііл
«Прарок Данііл», фрагмент роспісу скляпення Сіксцінскай капэлы (Мікеланджэла Буанароці, 1508-1512).
Род дзейнасці	рэлігійны лідар, прарок
Дата нараджэння	VII стагоддзе да н.э.
Месца нараджэння	Іерусалім, Іудзейскае царства
Дата смерці	VI стагоддзе да н.э.
Месца смерці	Вавілон, Старажытны Рым
Грамадзянства	Іудзейскае царства Вавілонія Medo-persia[d]
Медыяфайлы на Вікісховішчы

Данііл у рове з ільвамі.

Данііл (іўр.: דָּנִיּאֵל, стар.-грэч.: Δανιήλ) — адзін з чатырох вялікіх прарокаў, які яшчэ ў маладосці быў вывезены ў Вавілон у час першага захопу Іерусаліма Навухаданосарам II. Там пры двары гэтага цара ён выхаваны ў халдзейскім духу і, паводле вавілонскага звычаю, перайменаваны ў Валтасара. За час навучання Данііл праявіў выключныя поспехі і здольнасці і быў прызначаны старшынёй вавілонскіх мудрацоў, што дало яму магчымасць адыгрываць важную ролю пры двары Навухаданосара і яго пераемнікаў на стальцы. Пасля падзення Вавілона ён быў выключна паважаны намеснікам персідскага цара Кіра II ў Вавілоне — мідыйцам Дарыем, які зрабіў яго адным са сваіх бліжэйшых памочнікаў. Такі выключны стан прыдворнага службоўца Данііла выклікаў зайздрасць мясцовай арыстакратыі і яна дамагаліся яго знішчэння, для гэтага прыдумаўшы розныя прычыны. Але ва ўсіх неймаверных сітуацыях яго, як сцвярджаецца ў Бібліі, ратаваў сам бог. Маючы вялікі ўплыў на цара Дарыя, Данііл правёў апошнія гады свайго жыцця ў прароцкіх сузіраннях будучага лёсу свайго іудзейскага народа і, паводле біблейскага падання, нават вылічыў час вызвалення іудзеяў з вавілонскага палону, які адбыўся ў часы уларадства Кіра ў 536 годзе да н.э. У 536 годзе да н.э. састарэлы прарок Данііл і памёр у Вавілоне.

Літаратура

• Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А. Ф. Коршунава, паказальнікі А. Ф. Коршунава, В. А. Чамярыцкага. — Мн.: Навука і тэхніка, 1990. — С. 156. — 207 с.: іл. ISBN 5-343-00151-3.

Спасылкі

• На Вікісховішчы ёсць медыяфайлы па тэме Данііл (прарок)