Дзмітрый Пятровіч Жмуроўскі

Дзмітрый Пятровіч Жмуроўскі
Дзмітрый Пятровіч Жмуроўскі
Дата нараджэння	10 студзеня 1918
Месца нараджэння	Барысавічы, Лабжанскі сельсавет, Клімавіцкі раён, Беларусь;
Дата смерці	30 чэрвеня 2010 (92 гады)
Месца смерці	Мінск, Беларусь;
Месца пахавання	Усходнія могілкі;
Грамадзянства	СССР; Беларусь;
Навуковая сфера	гісторыя
Месца працы	БДУ;
Навуковая ступень	доктар гістарычных навук
Альма-матар	Маскоўскі дзяржаўны педагагічны інстытут імя У. І. Леніна[d] (1946);
Партыя	УКП(б);
Узнагароды	;

Дзмі́трый Пятровіч Жмуроўскі (10 студзеня 1918, в. Барысавічы^[1] — 30 чэрвеня 2010, Мінск) — Герой Савецкага Саюза (1944), доктар гістарычных навук (1973), прафесар (1974)^[1].

Біяграфія

З сям’i сялян. У 1938—1941 гг. вучыўся ў Магілёўскім педагагічным інстытуце. У гады Вялікай Айчыннай вайны служыў радавым кулямётчыкам 936-га стралковага палка 254-й стралковай Чаркаскай Чырвонаармейскай дывізіі^[2] i паказаў прыклады гераізму, знаходлівасці i адвагі.

У баі каля вёскі Кырпыцы Дзмітрый Жмуроўскі асабіста ліквідаваў кулямётны разлік праціўніка, захапіў нямецкі кулямёт i агнём з яго знішчыў некалькі дзясяткаў гітлераўцаў. Мужныя дзеянні кулямётчыка забяспечылі хуткі рух наперад i паспяховае выкананне баявой задачы^[2]. Пры фарсіраванні ракі Жыжыі 31 сакавіка 1944 года радавы Жмуроўскі адзін з першых перабраўся на правы бераг ракі i ў цяжкіх умовах забяспечыў агнём свайго кулямёта паспяховае фарсіраванне ракі сваім падраздзяленнем^[2]. Камандзір кулямётнага разліку сяржант^{[крыніца?]} Жмуроўскі вызначыўся ў сакавіку 1944 года пры фарсіраванні ракі Прут, паранены, не пакінуў поля бою. Ваяваў на Бранскім, Калінінскім, 2-м Украінскім франтах^[1]. Удзельнік Курскай бітвы, Корсунь-Шанчэнкаўскай i Яска-Кішынёўскай аперацый^[1]. 13 верасня 1944 года Прэзідыум Вярхоўнага Савета Саюза ССР прысвоіў Жмуроўскаму Дзмітрыю Пятровічу званне Героя Савецкага ^[2].

Пасля вайны скончыў Маскоўскі педагагічны інстытут (1946)^[1]. З 1950 года выкладчык Маскоўскага бібліятэчнага інстытута, Вільнюскага ўніверсітэта, Мінскага медыцынскага інстытута, з 1960 года — выкладчык кафедры гісторыі КПСС Беларускага ўніверсітэта^[1]^[2]. Аўтар звыш 200 даследаванняў па гісторыі КПСС i КПБ^[2].

Зноскі

↑ ^а ^б ^в ^г ^д ^е Жмуровский Дмитрий Петрович // Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — С. 227. — 737 с. — 50 000 экз.
↑ ^а ^б ^в ^г ^д ^е Дзмітрый Пятровіч Жмуроўскі на сайце «Героі краіны»

Літаратура

Жмуроўскі Дзмітрый // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 436. — 10 000 экз. — ISBN 985-11-0035-8. — ISBN 985-11-0106-0 (т. 6).

Спасылкі

Дзмітрый Пятровіч Жмуроўскі на сайце «Героі краіны»

[Бел-1] а ^б ^в ^г ^д ^е Жмуровский Дмитрий Петрович // Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — С. 227. — 737 с. — 50 000 экз.

[wh-2] а ^б ^в ^г ^д ^е Дзмітрый Пятровіч Жмуроўскі на сайце «Героі краіны»

[1]

[2]