Дзмітрый Пятровіч Жмуроўскі

З пляцоўкі Вікіпедыя
Jump to navigation Jump to search

Дзмітрый Пятровіч Жмуроўскі (10 студзеня 1918, вёска Барысавічы — 30 чэрвеня 2010) — Герой Савецкага Саюза (1944), прафесар (1974).

Біяграфія[правіць | правіць зыходнік]

З сям'i сялян. У 1938—1941 гг. вучыўся ў Магілёўскім педагагічным інстытуце. У гады Вялікай Айчыннай вайны служыў радавым куляметчыкам 936-га стралковага палка 254-й стралковай Чаркаскай Чырвонаармейскай дывізіі i паказаў прыклады гераізму, знаходлівасці i адвагі.

У баі каля вёскі Кірніцы Дзмітрый Жмуроўскі асабіста ліквідаваў куляметны разлік праціўніка, захапіў нямецкі кулямет i агнем із яго знішчыў некалькі дзесяткаў гітлераўцаў. Дзеянні мужнасці куляметчыка забяспечылі хуткі рух наперад i паспяховае выкананне баявой задачы. Пры фарсіраванні ракі Жыжкі 31 сакавіка 1944 года радавы Жмуроўскі адзін з першых перабраўся на правы бераг ракі i ў цяжкіх умовах забяспечыў агнем свайго кулямета паспяховае фарсіраванне ракі падраздзяленням батальена. Камандзір куляметнага разліку сяржант Жмуроўскі вызначыўся ў сакавіку 1944 года пры фарсіраванні ракі Прут, паранены, не пакінуў поля бою. Ваяваў на Бранскім, Калінінскім, 2-м Украінскім франтах. Удзельнік Курскай бітвы, Корсунь-Шанчэнкаўскай i Яска-Кішынёўскай аперацый. 13 верасня 1944 года Прэзідыум Вярхоўнага Савета Саюза ССР прысвоіў Жмуроўскаму Дзмітрыю Пятровічу званне Героя Савецкага Саюза.

Пасля вайны скончыў Маскоўскі педагагічны інстытут (1946). З 1950 года выкладчык Маскоўскага бібліятэчнага інстытута, Вільнюскага ўніверсітэта, Мінскага медыцынскага інстытута, з 1960 года — Беларускага ўніверсітэта. Аўтар даследаванняў па гісторыі КПСС i КПБ.

Зноскі

Літаратура[правіць | правіць зыходнік]

  • Жмуроўскі Дзмітрый // Беларуская энцыклапедыя: У 18 т. Т. 6: Дадаізм-Застава / Рэдкал.: Г. П. Пашкоў i інш. — Мн.: БелЭн, 1998. — С. 436.