Замак каралевы Боны
Палац | |
Замак каралевы Боны | |
---|---|
![]() Палац у пачатку XX ст. | |
53°03′59″ пн. ш. 30°03′00″ у. д.HGЯO | |
Краіна |
![]() |
Горад | Рагачоў |
Дата заснавання | XVI стагоддзе |
Стан | знішчаны |
Замак каралевы Боны — традыцыйная назва палаца, які існаваў у 2-й палове XVI — 1-й палове XX ст. у Рагачове. Сапраўдная дата пабудовы невядомая. У ХІХ ст. выкарыстоўваўся як правіянцкі склеп[1].
Архітэктура
[правіць | правіць зыходнік]![](http://upload.wikimedia.org/wikipedia/commons/thumb/d/d3/Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%28M._%C5%A0%C4%8Dakacichin%2C_1926%29_%282%29.jpg/180px-Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%28M._%C5%A0%C4%8Dakacichin%2C_1926%29_%282%29.jpg)
![](http://upload.wikimedia.org/wikipedia/commons/thumb/c/c1/Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%28M._%C5%A0%C4%8Dakacichin%2C_1926%29.jpg/180px-Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%28M._%C5%A0%C4%8Dakacichin%2C_1926%29.jpg)
Мураваны двухпавярховы прамавугольны ў плане будынак памерамі 21х14 м быў накрыты вальмавым дахам. Вуглы ўмацаваныя магутнымі контрфорсамі, якія па вышыні даходзілі да сярэдзіны другога паверху. У аздабленні фасадаў былі выкарыстаныя элементы рэнесанснай ордарнай пластыкі[1].
Ніжні паверх, які прызначаўся для службовых пакояў, складалі чатыры аднолькавыя па памерах прамавугольныя ў плане памяшканні, аддзеленыя адно ад аднаго ўзаемна перпендыкулярнымі калідорамі[2]. Залы злучаліся з бакавымі калідорамі шырокімі арачнымі праёмамі[1]. Кожнае памяшканне было перакрыта парай крыжовых скляпенняў, а калідоры — цыліндрычныя. У верхнім паверсе было два вялікіх пакоі[2].
![](http://upload.wikimedia.org/wikipedia/commons/thumb/8/89/Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%281926%29.jpg/180px-Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%281926%29.jpg)
![](http://upload.wikimedia.org/wikipedia/commons/thumb/d/d4/Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%281926%29_%282%29.jpg/180px-Raha%C4%8Do%C5%ADski_zamak._%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96_%D0%B7%D0%B0%D0%BC%D0%B0%D0%BA_%281926%29_%282%29.jpg)
Найбольш цікавы элементы гэтага будынка — двух'ярусная галерэя-вестыбюль, якая праходзіла з поўдня на поўнач уздоўж галоўнага фасада, звернутага да Дняпра. У сярэдняй частцы галерэя была адкрытай і нагадвала лоджыі італьянскіх рэнесансных палацаў. Яе аздабляла ажурная цыркульная аркада на тонкіх слупах, а ў інтэр'еры — пілястры. У галерэі знаходзілася адкрытая знадворку лесвіца, якая звязвала абодва паверхі[2].
Зноскі
- ↑ а б в Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- ↑ а б в Гісторыя беларускага мастацтва: У 6 т. Т. 1: Ад старажытных часоў да другой паловы XVI ст. ; [рэд. кал.: С. В. Марцэлеў (гал.рэд.) [і інш.] ; рэд. тома С. В. Марцэлеў, Л. М. Дробаў ; АН БССР, Ін-т мастацтвазнаўства, этнаграфіі і фальклору. — Мінск : Навука і тэхніка, 1987. — 303 с. : іл.
Літаратура
[правіць | правіць зыходнік]- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Гісторыя беларускага мастацтва: У 6 т. Т. 1: Ад старажытных часоў да другой паловы XVI ст. ; [рэд. кал.: С. В. Марцэлеў (гал.рэд.) [і інш.] ; рэд. тома С. В. Марцэлеў, Л. М. Дробаў ; АН БССР, Ін-т мастацтвазнаўства, этнаграфіі і фальклору. — Мінск : Навука і тэхніка, 1987. — 303 с. : іл.
Спасылкі
[правіць | правіць зыходнік]- Замак каралевы Боны на сайце Radzima.org