Зоя Васільеўна Асмалоўская

З пляцоўкі Вікіпедыя
Jump to navigation Jump to search
Зоя Васільеўна Асмалоўская
Дата нараджэння 1 сакавіка 1928(1928-03-01)[1]
Месца нараджэння
Дата смерці 30 красавіка 2012(2012-04-30)[1] (84 гады)
Месца смерці
Грамадзянства
Муж Юрый Уладзіміравіч Сідараў
Дзеці Алена Юр’еўна Сідарава
Адукацыя
Прафесія актрыса
Тэатр
Узнагароды
Заслужаны артыст Беларускай ССР
IMDb nm0652101

Зоя Васільеўна Асмалоўская (1 сакавіка 1928, Орша, цяпер Віцебская вобласць, Беларусь — 30 красавіка 2012) —  савецкая і беларуская актрыса тэатра і кіно. Заслужаная артыстка БССР (1982).

Біяграфія[правіць | правіць зыходнік]

Нарадзілася 1 сакавіка 1928 года ў Оршы. У школе Зоя выконвала ролі ў драматычным гуртку, але да таго часу, як Асмалоўская паступіла ў інстытут, яна хацела ў будучым быць настаўнікам рускай мовы і літаратуры.

У 1952 годзе скончыла Беларускі дзяржаўны тэатральна-мастацкі інстытут.

Амаль усё жыццё Зоі Асмалоўскай непасрэдна мае сувязь з Мінскам, калі не лічыць час эвакуацыі падчас Вялікай Айчыннай вайны і двух гадоў яе жыцця пасля заканчэння інстытута. Гэтыя два гады Асмалоўская працавала ў Гродзенскім абласным драматычным тэатры; там яна пазнаёмілася са сваім будучым мужам Юрыем Сідаравым.

Дачка — Алена Сідарава — актрыса Нацыянальнага акадэмічнага тэатра імя Янкі Купалы.

Таксама Зоя Васільеўна ўдзельнічала ў тэле- і радыёпастаноўках.

З 14 верасня 1954 года працавала ў Нацыянальным акадэмічным драматычным тэатры ім. М. Горкага.

Пайшла з жыцця 30 красавіка 2012 года ў Мінску.

Творчасць[правіць | правіць зыходнік]

Ад сваіх педагогаў Дз. Арлова і Б. Мардвінава ўспрыняла ўрокі арганічнага жыцця ў вобразе, натуральнага ўнутранага пераўвасаблення ў псіхалагічны свет персанажа, што і характарызуе створаныя ёю ролі. Актрыса востра адчувала характарную адметнасць і эмацыянальны стан душы сваіх гераінь.

Ролі ў тэатры[правіць | правіць зыходнік]

  • «Порт-Артур» І. Ф. Папова і А. М. Сцяпанава — Вара
  • «Гады падарожжаў» А. М. Арбузава — Ніна
  • «Мяшчане» М. Горкага — настаўніца Цвятаева
  • «Каменнае гняздо» Х. Вуаліёкі — Марта
  • «Барабаншчыца» А. Д. Салынскага — Марта Шродэр
  • «І адзін у полі воін» Ю. Дольд-Міхайліка — Лора
  • «Іркуцкая гісторыя» А. М. Арбузава — Ларыса
  • «Улада цемры» Л. Н. Талстога — Акуліна
  • «Акіян» А. Штэйна — госця
  • «Праводзіны белых начэй» В. Ф. Панова — жонка брата
  • «Пад адным небам» А. Маўзона — Людміла
  • «У дзень вяселля» В. С. Розава — Нюра
  • «Іван ды Мар’я» В. А. Гольдфельда — зямелька-Матушка
  • «Вяселле на ўсю Еўропу» А. Арканава, Г. Горына — буфетчыца
  • «Снежная каралева» Е. Л. Шварца — бабуля

Фільмаграфія[правіць | правіць зыходнік]

  • 1970 — Крушэнне імперыі
  • 1972 — Вось і лета прайшло… — цырульнік             
  • 1973 — Хлеб пахне порахам
  • 1974 — Апошняе лета дзяцінства — жонка інжынера Зіміна
  • 1974 — Сяргееў шукае Сяргеева — Галіна Паўлаўна, суседка
  • 1975 — Надзейны чалавек (2 серыя)
  • 1978 — Абочына — жонка Валовіча

Зноскі

  1. 1,0 1,1 Person Profile // Internet Movie Database — 1990. Праверана 21 ліпеня 2016.

Літаратура[правіць | правіць зыходнік]

  • Асмалоўская Зоя Васілеўна // Беларуская энцыклапедыя: у 18 т. / рэдкал.: Г. П. Пашкоў (гал. рэд.) [і інш.]. — Мінск: БелЭн, 1996. — Т. 2: Аршыца-Беларусцы. — С. 37.
  • Асмалоўская Зоя Васілеўна // Культура Беларусі: энцыклапедыя: у 6 т. / рэдкал.: Т. У. Бялова (гал. рэд.) [і інш.]. — Мінск: БелЭн імя П. Броўкі, 2010. — Т. 1: А-Б. — С. 291.
  • Асмалоўская Зоя Васілеўна // Памяць: Орша. Аршанскі раён: гісторыка-дакументальныя хронікі гарадоў і раёнаў Беларусі: у 2 кн. / рэдкал.: Г. П. Пашкоў (гал. рэд.) [і інш.]; склад. Т. Г. Ігнацьева [і інш.]; мастак Э. Э. Жакевіч. — Мінск: БелЭн, 2000. — Кн. 2. — С. 418.
  • Бур’ян, Б. І. Асмалоўская Зоя Васілеўна / Б. І. Бур’ян // Тэатральная Беларусь: энцыклапедыя: у 2 т. / рэдкал.: Г. П. Пашкоў (гал. рэд.) [і інш.]. — Мінск: БелЭн, 2002. — Т. 1: А-К. — С. 62.

Спасылкі[правіць | правіць зыходнік]