Кандамініум

З пляцоўкі Вікіпедыя.
Перайсці да: рух, знайсці

Кандамініум[1] (лац.: con — «разам» і dominium — «валоданне») — супольнае кіраванне адной і той жа тэрыторыяй некалькімі дзяржавамі.

Сучасныя кандамініумы[правіць | правіць зыходнік]

  • Рака Мозель — кандамініум Люксембурга і Германіі. Усталяваны ў 1816 годзе.
  • Востраў Фазан (англ.: Pheasant Island; таксама вядомая як выспа Конферэнс — англ.: Conference Island) — кандамініум Іспаніі і Францыі на рацэ Бідасоа. Усталяваны ў 1659 годзе пасля падпісання Пірэнэйскага міру.
  • Невялікі ўчастак Аравійскага паўвострава, змешчаны пад кіраванне Амана і Аджмана.
  • Асноўная частка Бадэнскага возера, якая, на думку Аўстрыі, з'яўляецца кандамініумам Германіі, Аўстрыі і Швейцарыі. З гэтым не згодныя ўрады Германіі і Швейцарыі.

Былыя заходнія кандамініумы[правіць | правіць зыходнік]

  • Couto Mixto - кандамініум Іспаніі і Партугаліі да 1864 года.
  • Кіпр - кандамініум Візантыйскай імперыі і Халіфа на працягу 300 гадоў.
  • Фрысландыя - кандамініум графа Галандыі і князя-біскупа Утрэхта.
  • Маастрыхт - да 1794 года кандамініум князя-біскупа Льежа і Герцагства Брабант.
  • Морэснут - з 1816 да 1919 кандамініум Нідэрландаў (пазней Бельгіі) і Прусіі (пазней Германіі).
  • Паўночная Дабруджа - кандамініум Германіі, Аўстрыі і Балгарыі падчас Першай сусветнай вайны.
  • Арэгон - англійска-амерыканскі кандамініум з 1818 да 1846.
  • Сахалін - у 1855 годзе паміж Расійскай і Японскай імперыямі быў падпісаны Сімодскі трактат, паводле якога грамадзянам абодвух дзяржаў дазвалялася пасяляцца на востраве: рускім на поўначы, японцам - на поўдні. Пасля руска-японскай вайны ў 1905 годзе Японія анэксавала частку астравы на поўдні ад 60° з.ш. У 1945 годзе поўны кантроль над вострава перайшоў да СССР.
  • Запароская Сеч – кандамініум Рэчы Паспалітай і Расійскай Дзяржавы, усталяваны ў 1667 годзе пасля падпісання Андрусаўскага перамір'я.

Былыя каланіяльныя кандамініумы[правіць | правіць зыходнік]

  • Астравы Кантон і Эндэрберы — брытанска-амерыканскі кандамініум з 1939 да 1979.
  • Новыя Гебрыды - кандамініум Францыі і Брытаніі з 1906 да 1980.
  • Науру — падапечная тэрыторыя, трохбаковы кандамініум пад супольным кіраваннем Аўстраліі, Новай Зеландыі і Брытаніі з 1923 да 1942 і з 1947 да 1968 - зноў падапечная тэрыторыя.
  • Самоа — кандамініум Германіі, Брытаніі і ЗША з 1889 да 1899.
  • Англійска-егіпецкі Судан — кандамініум Брытаніі і Егіпта да 1956.
  • Тогаленд — з 26 жніўня 1914 пад кіраваннем Брытаніі і Францыі. Нямецкі пратэктарат (калонія з 1905) Тогаленд быў англійска-французскім кандамініумам да яго падзелу на французскую і брытанскую зоны 27 снежня 1916.

Зноскі

  1. Слоўнік іншамоўных слоў у 2-х тамах., Мн., 1999, Т.1, С.589