Коўра малая

З пляцоўкі Вікіпедыя
Jump to navigation Jump to search
Коўра малая
Tachybaptus ruficollis ruficollis.jpg
Tachybaptus ruficollis ruficollis у дэльце Эбра, Іспанія
Навуковая класіфікацыя
Міжнародная навуковая назва

Tachybaptus ruficollis Pallas, 1764

Сінонімы
  • Podiceps ruficollis
Арэал

выява

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  563259
NCBI  100828
EOL  1049456
FW  369016

Коўра малая або пага́нка малая (Tachybaptus ruficollis) — вадаплаўная птушка атрада паганкападобных. Самая малая з коўраў Палеаарктыкі. Народная назва нырчык.

Апісанне[правіць | правіць зыходнік]

Даўжыня цела 23-29 см, размах крылаў 36-45 см, маса 125-214 г. Самцы крыху буйнейшыя за самак. Адрозніваецца выразна кароткай шыяй. У гнездавым апярэнні цёмна-бурая з рудой шыяй і светла-жоўтай плямкай каля асновы дзюбы. У зімовым апярэнні святлейшыя, без рудой шыі. Махавыя пёры, спод крыла белыя; другасныя махавыя — белыя з бурым на канцах. Дзюба чорная, з белым або жоўтым канцом. Ногі цёмна-аліўкавыя. Ад іншых паганак адрозніваецца адсутнасцю на галаве ўпрыгожвальных пёраў. Голас: высокае, падобнае на трэль «бры-бры-бры-бры» або «бі-бі-бі-бі», а таксама нядоўгія адзіночныя выгукі «уіт», «уіт-уіт».

Пашырэнне[правіць | правіць зыходнік]

Арэал разарваны: Еўропа акрамя поўначы, Паўднёвая, Цэнтральная i Усходняя Азiя, астравы Малайскага архіпелага, а таксама Цэнтральная i Паўднёвая Афрыка. Насяляе невялiкiя па плошчы вадаёмы са стаячай вадой (часта сажалкі), парослыя над- i падводнай раслiннасцю. Паўночныя папуляцыі пералётныя, на поўдні арэала — аселыя. На Беларусі нешматлiкi гняздуючы пералётны i ў невялiкай колькасцi зiмуючы вiд. Прылятае да крыгалому.

Асаблівасці біялогіі[правіць | правіць зыходнік]

Корміцца пераважна воднымі насякомымі, апалонікамі, дробнымі ракападобнымі, малюскамі.

Гняздуецца парамі або невялікімі калоніямі. Гняздо плаваючае, сярод рэдкай раслiннасцi. Гэта вiльготная куча з гнiючых водных раслiн (рагоз, асокі), часта з прымессю хвашчоў, па краях гнязда лісточкі раскі, дыяметр надводнай часткi каля 15 см.

Яйкi (5-7) з аднолькава вострымi канцамi, белыя, часта з жоўта-карычневым адценнем. Памеры: 37 х 25 мм. Наседжванне з першага адкладзенага яйца 18—20 сутак.

Падвiды[правіць | правіць зыходнік]

Падвiды:

  • P. r. ruficollis — Еўропа да Урала, паўночны захад Афрыкі;
  • P. r. capensis — Каўказ i ад Кубанi да дэльты Волгi, праз Iндыю i Шры Ланку да Бiрмы, Афрыка на поўдзень ад Сахары, Мадагаскар;
  • P. r. ireqnensis — Iрак, паўд.-зах. Iран.

Акрамя гэтага, вылучаецца яшчэ 6 падвiдаў.

Літаратура[правіць | правіць зыходнік]