Марыя Мантэсоры

Марыя Мантэсоры
італ.: Maria Montessori
Дата нараджэння	31 жніўня 1870(1870-08-31)[…]
Месца нараджэння	К’яравале, Каралеўства Італія
Дата смерці	6 мая 1952(1952-05-06)[…] (81 год)
Месца смерці	Нордвейк[d], Каралеўства Нідэрландаў
Месца пахавання	Нордвейк[d]
Грамадзянства	Італія  Каралеўства Італія
Дзеці	Mario Montessori[d]
Род дзейнасці	урач, педагог, эсэістка, філосаф, біёлаг
Навуковая сфера	педагогіка
Месца працы	Рымскі ўніверсітэт Ла Сапіенца
Навуковая ступень	доктар навук ()
Альма-матар	Рымскі ўніверсітэт Ла Сапіенца ()
Вядомыя вучні	Helma Trass[d]
Вядомая як	аўтар сусветна вядомай педагагічнай сістэмы
Член у	Associazione per la donna[d] ()
Узнагароды	honorary doctor of the University of Amsterdam[d] (1950)
Подпіс
Медыяфайлы на Вікісховішчы

Марыя Мантэсоры (італ.: Maria Montessori; 31 жніўня 1870 — 6 мая 1952) — італьянскі педагог, вучоны, філосаф, гуманістка, каталічка.

Адным з сведчанняў міжнароднага прызнання Марыі Мантэсоры стала рашэнне ЮНЕСКА (1988), якое датычыцца ўсяго чатырох педагогаў, якія вызначылі спосаб педагагічнага мыслення ў ХХ стагоддзі.

Біяграфія

Нарадзілася ў К’яравале (Цэнтральная Італія, правінцыя Анкона). Мантэсоры была першай жанчынай у гісторыі Італіі, якая скончыла курсы медыцыны і адной з першых носбітак вучонай ступені доктара навук.

Сусветную вядомасць Марыя Монтэсоры набыла ў сувязі з распрацаванай ёю педагагічнай сістэмай. Першая «школа Мантэсоры» была адкрыта ёю 6 студзеня 1907 года ў Рыме. Метады, заснаваныя на досведзе працы ў гэтай школе, былі пасля паспяхова развітыя і, нягледзячы на крытыку ў наступныя гады, застаюцца папулярнымі ў многіх краінах свету.

Мантэсоры пачынала з працы з разумова адсталымі дзецьмі, у далейшым яна пераключылася са спецыяльнай педагогікі на агульную, займаючыся і нармальнымі дзецьмі.

Пасля таго, як праца Мантэсоры ў рымскім Доме Дзіцяці атрымала вядомасць, на яе метад звярнулі ўвагу ў Паўночнай Амерыцы (каля 1913), пазней гэтая цікавасць спынілася.

Марыя Мантэсоры, акрамя Італіі, доўгія гады жыла і працавала ў Каталоніі і Нідэрландах.

З Нідэрландаў, дзе яна знаходзілася з 1936 года, Мантэсоры, па запрашэнні тэасофскага Таварыства, адправілася ў Індыю, дзе чытала лекцыі ў Мадрасе, Карачы і іншых гарадах, а пазней адкрыла сваю школу ў Кадайканале, якая працавала падчас Другой сусветнай вайны. Пасля Індыі яна пасялілася да канца свайго жыцця ў Нідэрландах, дзе яна памерла ў 1952 (Наардвейк-ан-Зэ). Міжнародная Мантэсоры-Арганізацыя (AMI) была таксама заснавана ў Нідэрландах у 1929 (дзейнічае па сённяшні дзень). Сын Марыі Мантэсоры Марыа ўзначальваў гэтую арганізацыю да сваёй смерці (1982).

Літаратура

• Марыя Мантэсоры // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 91. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).