Мастыкі

Вёска Мастыкі Краіна Беларусь Вобласць Брэсцкая Раён Бярозаўскі Сельсавет Стрыгінскі Каардынаты 52°22′49″ пн. ш. 25°09′36″ у. д. Насельніцтва ▼75 чал. (2019) Часавы пояс UTC+3 Тэлефонны код +375 1643 Паштовыя індэксы 225217 Аўтамабільны код 1 СААТА 1208868019 Мастыкі на карце Беларусі ±

Масты́кі (трансліт.: Mastyki, руск.: Мостыки) — вёска ў Бярозаўскім раёне Брэсцкай вобласці. Уваходзіць у склад Стрыгінскага сельсавета. Размешчана за 25 км ад Бярозы, за 31 км ад чыгуначнай станцыі Бяроза-Картузская.

Гісторыя

Паводле перапісу 1897 года вёска ў Пескаўскай воласці Слонімскага павета Гродзенскай губерні.

З 1915 года акупіравана германскімі войскамі, з лютага 1919 года да ліпеня 1920 года і з жніўня 1920 года — войскамі Польшчы. З 1921 года — у складзе Польшчы. У 1924 годзе вёска ў Пескаўскай гміне Косаўскага павета Палескага ваяводства, 38 будынкаў.

З 1939 года ў БССР. З 1940 года вёска ў Высокаўскім сельсавеце.

У 1941—1944 гг. акупіравана нямецка-фашысцкімі захопнікамі. Акупанты загубілі ў вёсцы 7 жыхароў. З 1954 года ў Перасудавіцкім сельсавеце (з 1977 Высокаўскі). 27 лістапада 1962 года вёскі Мастакі і Алісец (у 1940 — 23 гаспадаркі, 140 жыхароў, у 1959 — 11 гаспадарак, 52 жыхары) аб'яднаны ў адзіную Мастакі.

З 26 лютага 2002 года вёска ў складзе Стрыгінскага сельсавета.

Планіроўка

Планіровачна складаецца з просталінейнай вуліцы, з двухбаковай няшчыльнай забудовай, арыентаванай з захаду на паўднёвы ўсход, да якой у заходняй частцы прымыкае больш кароткая вуліца, арыентаваная з поўдня на паўночны ўсход, а таксама з адасобленых участкаў забудовы.

Насельніцтва

• XIX стагоддзе:
  • 1897 — 31 двор, 166 жыхароў.
• XX стагоддзе:
  • 1905 — 182 жыхары.
  • 1924 — 230 жыхароў.
  • 1940 — 53 двары, 311 жыхароў.
  • 1959 — 15 гаспадарак, 55 жыхароў.
  • 1970 — 630 жыхароў.
• XXI стагоддзе:
  • 2005 — 107 двароў, 190 жыхароў.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх