Мафра

Муніцыпалітэт Мафра парт.: Mafra Герб Сцяг Краіна Партугалія Гістарычная вобласць Эштрэмадура Акруга Лісабон Муніцыпалітэт Мафра Каардынаты 38°56′ пн. ш. 9°20′ з. д. Унутранае дзяленне 17 раёнаў Мэр Жазэ Сантуш Заснаваны 1189 Плошча 291,42 км² Вышыня цэнтра 115 м Насельніцтва 66 453 чалавек (2006) Шчыльнасць 228 чал./км² Агламерацыя Вялікі Лісабон чалавек Этнахаронім Mafrense Часавы пояс UTC0, летам UTC+1 Тэлефонны код 261 Паштовы індэкс 2640 Афіцыйны сайт cm-mafra.pt (парт.) Мафра на карце Партугаліі

Медыяфайлы на Вікісховішчы

Мафра (парт.: Mafra; ['mafɾɐ]) — горад у Партугаліі, цэнтр аднайменнага муніцыпалітэта ў складзе акругі Лісабон. Колькасць насельніцтва — 11,3 тыс. жыхароў (горад), 66,4 тыс. жыхароў (муніцыпалітэт). Горад і муніцыпалітэт уваходзіць у Лісабонскі рэгіён і субрэгіён Вялікі Лісабон. Уваходзіць у агламерацыю Вялікі Лісабон. Па старым адміністрацыйным падзеле ўваходзіў у правінцыю Эштрэмадура.

Нацыянальны палац у Мафра

Размяшчэнне

Горад размешчаны на паўночны захад ад сталіцы ў 6 км ад узбярэжжа Атлантычнага акіяна.

Адлегласць да:

• Лісабон = 30 км
• Сантарэн = 65 км
• Лейрыя = 101 км

Муніцыпалітэт мяжуе:

• на поўначы — муніцыпалітэт Торэш-Ведраш
• на паўночным усходзе — муніцыпалітэт Сабрал-дэ-Монтэ-Аграсу
• на ўсходзе — муніцыпалітэт Аруда-душ-Віньюш
• на паўднёвым усходзе — муніцыпалітэт Ларэш
• на поўдні — муніцыпалітэт Сінтра
• на захадзе — Атлантычны акіян

Насельніцтва

Насельніцтва муніцыпалітэта Мафра (1801—2004)
1801	1849	1900	1930	1960	1981	1991	2001	2004
4200	10734	25021	29750	35739	43899	43731	54358	62009

Гісторыя

Горад заснаваны ў 1189 годзе.

Славутасці

Асноўны артыкул: Палац Мафра

Неф базілікі

• Манастырскі ансамбль у Мафры, пабудаваны ў 1707—1750 гг., узнік у выніку грандыёзнага праекта караля Жуана V. У гонар нараджэння спадчынніка ён вырашыў ажыццявіць сваю славалюбівую мару — засланіць іспанскі Эскарыял. У мастацкім рамане Жазэ Сарамага «Успаміны пра манастыр» (парт.: Memorial do convento) (1982) сцвярджаецца, што ў будаўніцтве манастыра ўдзельнічалі больш 50 тысяч чалавек, сілком сагнаных з усёй Партугаліі. Аплачвалася каласальнае будаўніцтва золатам і дыяментамі, якія паступалі з Бразіліі. За галоўным фасадам даўжынёй 220 м размешчаны 880 памяшканняў, якія наўрад ці былі заселены. Увесь комплекс займае плошчу 40 тысяч кв.м., а мармуровая базіліка замка па памерах параўнальная з саборам.

У архітэктурнай майстэрні Мафры пад кіраўніцтвам выхадца з Германіі Іагана Фрыдрыха Людвіга і іншых замежных архітэктараў вырасла пакаленне партугальскіх будаўнікоў і мастакоў, у тым ліку найвялікі скульптар Жаакім Машаду дэ Каштру. Увесь велічны комплекс сіметрычна згрупаваны вакол базілікі. Крылы палаца, якія прылягаюць да базілікі, завершаны на вуглах квадратнымі вежамі з шырокімі дахамі-купаламі спрошчанай цыбульнай формы. Самымі цікавымі памяшканнямі манастыра з’яўляюцца аптэка, бальніца, дарміторый і кухня, але, вядома, першае месца павінна быць аддадзена бібліятэцы з 30 тысячамі тамоў, сярод якіх першае выданне эпічнай паэмы Луіша дэ Камоэнса «Лузіяды».

• Таксама вядомы парк — запаведнік Тапада Насьёнал дэ Мафра.

Ён быў створаны ў Мафры ў часы кіравання караля Жуана V, як парк для каралеўскага адпачынку. Тэрыторыя парку 8 кв.км. Парк змяшчае розныя разнавіднасці аленяў, дзікоў, лісоў, драпежных птушак і шматлікіх іншых жывёл, якія існуюць у незвычайна багатым і разнастайным натуральным асяроддзі пражываня ў парку. Парк таксама адкрыты для пешых і веласіпедных шпацыраў, язды на канях, стральбы з лука і арбалета.

Эканоміка

Эканоміка заснавана на сельскагаспадарчай вытворчасці і турызме.

Раёны

Азуейра Венда-ду-Піньейру Віла-Франка-ду-Разарыу Градыл Ігрэжа-Нова Карваейра Малвейра Мафра Мільяраду

Сан-Мігел-дэ-Алкаінса Санту-Ізідору Санту-Эштэван-даш-Галеш Сабрал-да-Абельейра Шэлейруш Энкарнасан Эншара-ду-Бішпу Эрысейра

Гарады-пабрацімы

•  Fréhel^[d], Францыя
•  Лаймен, Германія
•  Міндэлу, Каба-Вердэ
•  Сан-Вісенты, Каба-Вердэ

Фотагалерэя

• 

Спасылкі

• Афіцыйны сайт муніцыпалітэта
• Карта і фота Мафра Архівавана 19 студзеня 2014.
• Фота Мафра