Мікалай Мікалаевіч Шарснёў

Мікалай Мікалаевіч Шарснёў
Мікалай Мікалаевіч Шарснёў
	27 снежня 2014 — 13 снежня 2021
Прэзідэнт	Аляксандр Лукашэнка
Папярэднік	Аляксандр Косінец
Пераемнік	Аляксандр Субоцін
Нараджэнне	9 снежня 1960 (62 гады); Прыгузкі, Барздоўскі сельсавет, Аршанскі раён, Віцебская вобласць, БССР, СССР;
Бацька	Мікалай Яфрэмавіч Шарснёў
Адукацыя	Віцебскі ветэрынарны інстытут (1983);
Дзейнасць	палітык
	Медыяфайлы на Вікісховішчы

Мікала́й Мікала́евіч Шарснёў (нар. 9 снежня 1960, Прыгузкі, Аршанскі раён, Віцебская вобласць) — беларускі дзяржаўны дзеяч, старшыня Віцебскага абласнога выканаўчага камітэта (2014—2021).

Біяграфія[правіць | правіць зыходнік]

Скончыў зааінжынерны факультэт Віцебскага ветэрынарнага інстытута па спецыяльнасці «заатэхнія».

Узначальваў калгас «Сцяг перамогі» Аршанскага раёна. У 1997—1998 гадах быў пераможцам рэспубліканскага спаборніцтва «Дажынкі». З 1999 па 2002 гады працаваў першым намеснікам старшыні, начальнікам упраўлення сельскай гаспадаркі і харчавання Мінскага райвыканкама. У 2006 годзе прызначаны на пасаду дырэктара рэспубліканскага аб’яднання «Белптушкапрам». З верасня 2012 года — гендырэктар ААТ «1-я Мінская птушкафабрыка».

У верасні 2014 года прызначаны прызначаны памочнікам Прэзідэнта Беларусі — галоўным інспектарам па Віцебскай вобласці, а 27 снежня таго ж года стаў старшынёй Віцебскага аблвыканкама. Пакінуў пасаду 13 снежня 2021 года. Пасля працаваў у Нацыянальнай акадэміі навук на пасадзе начальніка ўпраўлення інвестыцыйна-вытворчай дзейнасці і адміністрацыйна-гаспадарчых пытанняў.

Быў прызначаны Прэзідэнтам Рэспублікі Беларусь членам Савета Рэспублікі Нацыянальнага сходу Рэспублікі Беларусь пятага склікання, уваходзіў у Пастаянную камісію па міжнародных справах і нацыянальнай бяспецы.

22 сакавіка 2023 года на канферэнцыі асацыяцыі «Беларуская федэрацыя футбола» быў абраны новым старшынёй арганізацыі^[1].

Унесены ў санкцыйныя спісы краін Балтыі^[2]^[3].

Сям’я[правіць | правіць зыходнік]

Жанаты, бацька дваіх дзяцей — сына і дачкі.

Зноскі

↑ Официально: Николай Шерстнев — новый председатель АБФФ (руск.). football.by (22 сакавіка 2023). Праверана 24 сакавіка 2023.
↑ Latvia sanctions 101 more Belarus officials
↑ The sanctions of the Government of the Republic in view of the situation in Belarus

[1] Официально: Николай Шерстнев — новый председатель АБФФ (руск.). football.by (22 сакавіка 2023). Праверана 24 сакавіка 2023.

[2] Latvia sanctions 101 more Belarus officials

[3] The sanctions of the Government of the Republic in view of the situation in Belarus

[1]

[2]

[3]

Старшыні Віцебскага абласнога выканаўчага камітэта
БССР	Ілля Рабцаў (1940—1944) • Ігнат Ярмошанка (1944—1947) • Аляксей Сярмяжка (1947—1949) • Іосіф Кардовіч (1949—1953) • Павел Лознеў (1953—1955) • Мікіта Парашчанка (1955—1959) • Уладзімір Труноў (1959—1963) • Пётр Рубіс (1964—1977) • Іван Шыбека (1977—1984) • Уладзімір Кулакоў (1984—1994)
Рэспубліка Беларусь	Уладзімір Кулакоў (1984—1994) • Уладзімір Андрэйчанка (1994—2008) • Аляксандр Косінец (2008—2014) • Мікалай Шарснёў (2014—2021) • Аляксандр Субоцін (з 2021)