Міхаіл Анатолевіч Бабічаў

З пляцоўкі Вікіпедыя
Jump to navigation Jump to search
Футбол
Міхаіл Бабічаў
Агульная інфармацыя
Поўнае імя Міхаіл Анатолевіч Бабічаў
Нарадзіўся 2 лютага 1995(1995-02-02)[1] (24 гады)
Грамадзянства Сцяг Беларусі Беларусь
Рост 187 см
Вага 76 кг
Пазіцыя абаронца, паўабаронца
Інфармацыя пра клуб
Клуб Сцяг Беларусі Нёман
Нумар 47
Кар’ера
Маладзёжныя клубы
2009 — 2012 Сцяг Беларусі ПМЦ (Паставы)
Клубная кар’ера*
2012 — 2014 Сцяг Расіі Рубін (Казань) 0 (0)
2014 — 2015 Сцяг Італіі Крас
2015 Сцяг Беларусі Орша 8 (0)
2016 — 2017 Сцяг Беларусі Віцебск 55 (3)
2018 Сцяг Беларусі Тарпеда-БелАЗ (Жодзіна) 14 (0)
2019 — Сцяг Беларусі Нёман (Гродна)
Нацыянальная зборная**
2016 Сцяг Беларусі Беларусь (да 21) 5 (0)
2017 Сцяг Беларусі Беларусь B 1 (0)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 12 лютага 2019.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 1 снежня 2017.

Міхаіл Бабічаў (нар. 2 лютага 1995, Паставы) — беларускі футбаліст, паўабаронца гродзенскага «Нёмана».

Кар’ера[правіць | правіць зыходнік]

Клубная[правіць | правіць зыходнік]

Выхаванец пастаўскай акадэміі ПМЦ, заснавальнікам якой быў яго бацька Анатоль Бабічаў. У 2012 годзе перайшоў у склад казанскага «Рубіна», дзе выступаў за дубль. У жніўні 2014 года, пакінуўшы «Рубін», папоўніў склад клуба італьянскай Серыі D «Крас»[2], аднак праз праблемы з дакументамі клуб здолеў заявіць іграка на чэмпіянат толькі ў канцы 2014 года[3].

Улетку 2015 года вярнуўся ў Беларусь. Трэніраваўся разам з «Віцебскам», які ўзначаліў былы трэнер Міхаіла ў акадэміі ПМЦ Сяргей Ясінскі, аднак клуб не паспеў заявіць яго на чэмпіянат[4]. У выніку ў кастрычніку папоўніў склад першалігавай «Оршы»[5].

Па заканчэнні сезону, у снежні 2015 года падпісаў кантракт з «Віцебскам»[6]. 2 красавіка 2016 года дэбютаваў у Вышэйшай лізе, адгуляўшы ўсе 90 хвілін матчу супраць «Мінска» (0:1) на пазіцыі апорнага паўабаронцы. Пазней здолеў замацавацца ў апорнай зоне ў стартавым складзе віцяблян.

У снежні 2017 года перайшоў у «Тарпеда-БелАЗ»[7]. У пачатку сезону 2018 звычайна гуляў у стартавым складзе, з верасня стаў пераважна заставацца на лаўцы запасных. У студзені 2019 года па заканчэнні кантракта пакінуў жодзінскі клуб[8].

Пасля зыходу з «Тарпеда-БелАЗ» спрабаваў працаўлядкавацца ў «Іслачы», але беспаспяхова. Пазней адправіўся на прагляд у гродзенскі «Нёман», з якім у лютым 2019 года падпісаў кантракт[9].

Міжнародная[правіць | правіць зыходнік]

Выклікаўся на таварыскія матчы і зборы юнацкіх зборных Беларусі. У верасні 2013 года, будучы іграком расійскага «Рубіна», адмовіўся ад чарговага выкліку[10]. Пазней патлумачыў адмову адсутнасцю ігравой практыкі на зборах[11].

26 сакавіка 2016 года дэбютаваў у моладзевай зборнай Беларусі ў таварыскім матчы супраць Польшчы (0:3). Усяго за моладзевую зборную правёў 5 матчаў.

У ліпені 2017 года выступаў за другую зборную Беларусі на Кубку Караля ў Тайландзе.

Зноскі

Спасылкі[правіць | правіць зыходнік]