Міхаіл Аркадзевіч Бергер

Міхаіл Аркадзевіч Бергер
Міхаіл Аркадзевіч Бергер
Дата нараджэння	28 жніўня 1909
Месца нараджэння	Мінск, Мінскі павет, Мінская губерня, Расійская імперыя;
Дата смерці	6 лютага 1981 (71 год)
Месца смерці	Мінск, БССР, СССР;
Месца пахавання	Чыжоўскія могілкі;
Альма-матар	Мінскі музычны тэхнікум (1928); Ленінградская дзяржаўная кансерваторыя (1933);
Месца працы	Беларуская дзяржаўная акадэмія музыкі;
Музычная дзейнасць
Прафесіі	музычны педагог, піяніст
Інструменты	фартэпіяна
Узнагароды

Міхаіл Аркадзевіч Бе́ргер (28 жніўня 1909, Мінск — 6 лютага 1981) — беларускі піяніст і педагог. Заслужаны артыст Беларускай ССР (1940), прафесар (1946).

Біяграфія

Скончыў у 1928 годзе Беларускі музычны тэхнікум, у 1933 годзе — Ленінградскую кансерваторыю. З 1937 года выкладаў у Беларускай кансерваторыі, у 1938—1941 гадах яе дырэктар. У час Вялікай Айчыннай вайны ўзначальваў франтавую канцэртную брыгаду. У 1944—1963 гадах загадчык кафедры спецыяльнага фартэпіяна, у 1970—1978 гадах загадчык кафедры канцэртмайстарскага майстэрства Беларускай кансерваторыі.

Выступаў у канцэртах як саліст і ансамбліст. Аўтар фартэпіянных твораў (Варыяцыі, 1967; Эцюды, 1962; апрацоўкі народных мелодый, п’есы для дзяцей), фантазіі для скрыпкі і фартэпіяна (1945) і інш.

Бергер Міхаіл Аркадзевіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).