Міхаіл Міхайлавіч Гайдуковіч

Міхаіл Міхайлавіч Гайдуковіч
Дата нараджэння	1 кастрычніка 1948(1948-10-01) (75 гадоў)
Месца нараджэння	Хлевішча, Вярховіцкі сельсавет, Высокаўскі раён, Брэсцкая вобласць, БССР, СССР
Грамадзянства	Беларусь
Альма-матар	Брэсцкі інжынерна-будаўнічы інстытут (1971)
Месца працы	Будаўнічы факультэт БрДТУ
Навуковая ступень	кандыдат архітэктуры (1983)
Навуковае званне	дацэнт член-карэспандэнт Беларускай акадэміі архітэктуры[d]
Член у	Саюз архітэктараў СССР Беларускі саюз архітэктараў

Міхаіл Міхайлавіч Гайдуковіч (1 кастрычніка 1948, в. Хлевішча, Камянецкі раён, Брэсцкая вобласць) — беларускі архітэктар. Кандыдат архітэктуры (1983), дацэнт (1986). Член-карэспандэнт Беларускай акадэміі архітэктуры.

Біяграфія

Скончыў у 1971 годзе Брэсцкі інжынерна-будаўнічы інстытут. З 1972 года старшы выкладчык, у 1987—1990 гадах загадчык кафедры архітэктуры Брэсцкага інжынерна-будаўнічага інстытута.

Член Саюза архітэктараў СССР з 1980 года. У 1998—2002 гадах старшыня Брэсцкага аддзялення БСА.

Пражывае ў Брэсце.

Творчасць

Асноўныя працы: будынак Дзяржстраха ў Баранавічах (1977), парк раёна Усход (1981, у аўтарскім калектыве), водагразелячэбніца (1982) у Брэсце, парк 1000-годдзя ў Віцебску (1982), індывідуальны дом з паменшанымі цепластратамі і выкарыстаннем сонечнай энергіі для ацяплення і гарачага водазабеспячэння (1986).

Аўтар шэрагу навуковых прац, у т.л.: «Кіраўніцтва па праектаванні паркаў» (1980), «Рэкамендацыі па планіроўцы, забудове і пераўтварэнні гарадоў з улікам асваення поймавых і забалочаных тэрыторый» (1981), «Горадабудаўнічае асваенне поймавых тэрыторый Беларускай ССР» (1986) — усё ў аўтарскім калектыве.

Літаратура

• Гайдукович Михаил Михайлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)